Ntirho 12:10 - Xitsonga (Bibele)

¹⁰ Loyi mimoya ya leswi hanyaka hinkwaswo yi nga evokweni ra yena, Ni ku hefemula ka vanhu hinkwavo.

BIBELE Mahungu Lamanene

¹⁰ Hi xona xi hlayisaka vutomi bya leswi hanyaka hinkwaswo, munhu un'wana ni un'wana ú hanyisiwa hi xona.

Ntirho 12:10 Iomraidhean Croise

Genesa 2:7

Kutani Yehovha Xikwembu a vumba munhu hi ntshuri wa misava, a huhutela etinhompfini ta yena ku hefemula ka vutomi, ka va loko munhu a endliwe xivumbiwa lexi hanyaka.

Genesa 6:17

Kutani mina, ndzi ta tisa ndhambi ya mati emisaveni, yi herisa ehansi ka tilo nyama yin'wana ni yin'wana leyi nga ni ku hefemula ka vutomi, kutani hinkwaswo leswi nga emisaveni swi ta lova.

Ntirho 27:3

Loko ndza ha hefemula, Ni loko ku hefemula ka Xikwembu ka ha nghena etinhompfini ta mina,

Ntirho 27:8

Hikuva ntshembo wa mbabva hi wihi, Loko Xikwembu xi n'wi tsema, Ni loko xi n'wi tekela vutomi bya yena?

Ntirho 33:4

I moya wa Xikwembu lowu ndzi endleke, Ku huhutela ka Lowa matimba hinkwawo ka ndzi hanyisa.

Pisalema 104:29

Kungakuloko u fihla mombo wa wena swa tsandzeka; Loko u swi tekela ku hefemula, swa hela, Kutani swi tlhelela entshurini.

Pisalema 104:30

Loko u engeta u rhuma moya wa wena Swi vuyela swi velekiwa; Kutani u sasekisa nghohe ya misava.

Eklesiasta 9:1

Kunene hinkwaswo leswi, ndzi swi xiyisisile, kutani ndzi swi vona eku vonakaleni leswaku lavo lulama ni lavo tlhariha va le vokweni ra Xikwembu kun'we ni mitirho ya vona; vanhu va nga ka va nga swi tivi leswaku va rhandziwa kumbe va vengiwa; hinkwaswo swi le mahlweni ka vona.

Esaya 42:5

La vulaka sweswo i Yehovha la tumbuluxeke matilo loyi a ma andlaleke, la anekeke misava ni swo mila swa yona, loyi a nyikeke moya eka lava akeke eka yona, ni ku hefemula ka lava fambaka eka yona.

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Yohane 3:6

Leswi tswariweke hi nyama, i nyama; kambe leswi tswariweke hi Moya, i Moya.

Timhaka 17:25

na kona, a xi tirheriwi hi mavoko ya vanhu, swange hiloko xi pfumala xilo ni xin'we; kasi hi xona xi nyikaka hinkwavo vutomi, ni ku hefemula, ni swilo hinkwaswo.

Timhaka 17:28

hikuva eka yena hi ni vutomi, ni ku fambafamba, ni ku hanya; kukotisa loko vabumabumeri van'wana va n'wina va nga vula, va ku: ‘Hi rixaka ra xona kunene.’