Ntirho 11:16 - Xitsonga (Bibele)

¹⁶ U ta rivala ku vaviseka ka wena, U ta ku anakanya ku kota mati lama hundzeke.

BIBELE Mahungu Lamanene

¹⁶ Mahlomulo ya wena a wu nga ha ma tsundzuki, u ta ma rivala ku fana ni mati lama khulukeke ma hundzela mahlweni.

Ntirho 11:16 Iomraidhean Croise

Genesa 41:51

Lowa hosi, Yosefa a n'wi chula vito ra Manase (ku rivala) a ku: “Hikuva Xikwembu xi ndzi riverisile ku karhala ka mina, ni swa le kaya hinkwaswo swa le ka tatana.”

Genesa 9:11

Ndzi ta tiyisa na n'wina ntwanano wa mina wa leswaku nyama yin'wana ni yin'wana yi nga ka yi nga ha lovisiwi hi mati ya ndhambi, ni leswaku ku nga ka ku nga ha vi na ndhambi yin'wana leyi nga ta lovisa misava.”

Ntirho 22:11

Kumbe a ku voni munyama, Ni ndhambi ya mati layo tala lama ku funengeteke?

Ntirho 6:15

Vamakwerhu va tele ku kanganyisa kukota boboma. Kukota mati ya xinambyana lama nyumbaka.

Swivuriso 31:7

Leswaku a nwa, a rivala vusiwana bya yena, A nga ta tshama a anakanya makhombo ya yena.

Eklesiasta 5:20

Hikuva a nga ka a nga anakanyi ngopfu masiku ya ku hanya ka yena, hikuva Xikwembu xi n'wi hlamula hi ku n'wi tsakisa mbilu.

Esaya 54:4

“U nga chavi, u nga ka u nga vi na tingana, u nga tshutshali, hikuva u nga ka u nga soriwi; hikuva u ta rivala tingana ta vuntshwa bya wena, kutani u nga ka u nga tsundzuki xisandzu xa vunoni bya wena.

Esaya 54:9

“Hikuva ku ta va eka mina tanihi mati ya Nowa, loko ndzi hlambanya leswaku mati ya Nowa ma nga ka ma nga ha hangalaki emisaveni. Ndzi hlambanyile leswaku ndzi nga ka ndzi nga ha ku kariheli ni ku ku wumeta.

Esaya 65:16

“Mani na mani la nga ta rhandza ku katekisiwa etikweni, u ta rhandza ku katekisiwa hi Xikwembu xa ntiyiso, kutani un'wana na un'wana la nga ta hlambanya, u ta hlambanya hi Xikwembu xa ntiyiso; hikuva nhlomulo wo sungula wu ta rivariwa, wu ta va wu hundzile emahlweni ka mina.

Yohane 16:21

Loko wansati a veleka, u twa ku vaviseka, hikuva nkarhi wa yena wu fikile; kambe loko a velekile n'wana, a nga ha anakanyi ku xaniseka ka yena, hi ku tsaka ka yena, hikuva ku velekiwile munhu emisaveni.