Ntirho 10:9 - Xitsonga (Bibele)

⁹ Wa nga anakanya leswaku u ndzi vumbile kukota vumba; Kutani u ri ndzi tlhelela entshurini xana?

BIBELE Mahungu Lamanene

⁹ Tsundzuka leswaku u ndzi endlile hi vumba ntsena; xana u lava leswaku ndzi tlhelela entshurini xana?

Ntirho 10:9 Iomraidhean Croise

Genesa 2:7

Kutani Yehovha Xikwembu a vumba munhu hi ntshuri wa misava, a huhutela etinhompfini ta yena ku hefemula ka vutomi, ka va loko munhu a endliwe xivumbiwa lexi hanyaka.

Genesa 3:19

U ta dya vuswa hi nyuku wa mombo wa wena, u ko u tlhelela emisaveni, hikuva u humesiwile eka yona. Hikuva u ntshuri, u ta tlhelela entshurini.”

Ntirho 10:10

Xana a ku ndzi chululanga kukotisa ntswamba? U ndzi minya kukota masi layo tiya!

Ntirho 17:14

Ndzi ri eka sirha: ‘U tatana!’ Ni ka swivungu: ‘Mi manana ni vamakwerhu!’

Ntirho 33:6

Waswivo, ndzi fana na wena emahlweni ka Xikwembu, Na mina ndzi vumbiwe hi vumba;

Ntirho 34:15

Nyama hinkwayo ingi yi ta fa kan'we, Munhu u ta tlhelela entshurini.

Ntirho 4:19

Swi nga vi tano ngopfu eka lava akeke tindlu ta vumba! Va humile entshurini, va phyandlasiwa kukotisa xivungu.

Ntirho 7:21

A ku ndzi khomeri ku dyoha ka mina ha yini, U va u susa ku homboloka ka mina-ke? Hikuva ndzi ya etlela entshurini, U ta ndzi lava, kutani ndzi ta pfumaleka.”

Ntirho 7:7

“Yehovha tsundzuka leswaku vutomi bya mina i ku huhuta ntsena, Mahlo ya mina ma nga ha voni ku tsaka;

Pisalema 103:14

Hikuva wa tiva lexi hi endliweke ha xona, Wa tsundzuka leswaku hi ntshuri ntsena.

Pisalema 104:29

Kungakuloko u fihla mombo wa wena swa tsandzeka; Loko u swi tekela ku hefemula, swa hela, Kutani swi tlhelela entshurini.

Pisalema 106:4

Yehovha, ndzi tsundzuke, hikwalaho ka rirhandzu ra wena eka tiko ra wena! U ndzi tela hi ku hlayiseka ka wena,

Pisalema 22:15

Matimba ya mina ma omile tani hi mbita ya vumba, Ririmi ra mina ri namarherile emalakeni ya mina; Kutani u ndzi latile entshurini wa rifu.

Pisalema 25:18

Languta nhlomulo ni ku vaviseka ka mina, U va u ndzi khomela ku dyoha hinkwako ka mina.

Pisalema 78:39

Xi tsundzuka leswaku a va ri nyama ntsena, Ni moya lowu hundzaka, lowu nga vuyiki.

Pisalema 89:47

Anakanya vutomi bya mina, leswaku byi komile, Ni leswaku u endlele swahava vana hinkwavo va vanhu.

Pisalema 90:3

U tlherisa vanhu entshurini, U ku: “Tlhelani, n'wina vana va vanhu!”

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Esaya 45:9

“Khombo eka loyi a kanetanaka ni muvumbi wa yena! Yi ri mbita exikarhi ka timbita! Xana vumba byi ta ku eka muvumbi: ‘U endla yini?’ Xana lexi u xi tirhaka xi ta ku: ‘U hava mavoko’?

Esaya 64:7

A ku nga ri na munhu la khongelaka hi vito ra wena, la pfukaka a namarhela eka wena; hikuva u hi fihlele mombo wa wena, kutani u hi tshika hi fa eku dyoheni ka hina.

Esaya 64:8

Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena.

Yeremiya 18:6

“A ndzi ku, na mina ndzi nga endla ha n'wina, yindlu ya Israele, hilaha muvumbi yeloyi a endleke hakona, ku vula Yehovha? Vonani, kukotisa loko vumba byi ri emavokweni ya muvumbi, na n'wina, yindlu ya Israele, mi tano evokweni ra mina.

Varhoma 9:21

Kumbexana muvumbi a nga na matimba ya ku endla hi nkanyanga wun'we wa vumba mbita yin'we leyi dzunisiwaka, ni yin'wana leyi nga dzunisiwiki xana?

2 Vakorinto 4:7

Kambe xuma lexi hi nga na xona xi le timbiteni ta vumba, matimba walawo lamakulu ma ve ya Xikwembu, ma nga ri ya hina.