Ntirho 10:8 - Xitsonga (Bibele)

⁸ Mavoko ya wena ma ndzi vumbile, Ma ndzi hetisisa hinkwako. Kasi u rhandza ku ndzi mita!

BIBELE Mahungu Lamanene

⁸ Hi wena u vumbeke swirho swa mina hinkwaswo loko u ndzi tumbuluxa, kambe sweswi wa ndzi dlaya!

Ntirho 10:8 Iomraidhean Croise

Ntirho 10:3

U tsakela yini ku ndzi endla swo biha, Leswaku u tshika mitirho ya mavoko ya wena, U tivonakisa emakun'weni ya lavo biha xana?

Ntirho 13:19

U kwihi la rhandzaka ku tengisana na mina? Hikuva ndzi nga miyela, ndzi fa sweswi.

Ntirho 30:23

Hikuva ndza swi tiva leswaku u ndzi yisa eku feni, Endlwini yoleyo hinkwavo lava hanyaka va faneleke ku hlengeletana eka yona.

Ntirho 9:17

Xona lexi ndzi khandlaka hi xidzedze, Xi engetela timbanga ta mina ntsena,

Ntirho 9:22

Ku ni mhaka yin'we ntsena leyi ndzi yi tiyisaka, Ndzi ri: Xi onha la nga tiki na nandzu ni lowa nandzu.

Pisalema 100:3

Mi pfumela leswaku yena Yehovha i Xikwembu! Hi yena la nga hi endla, a hi hina; Hi tiko ra yena, ni ntlhambi lowu a wu rixaka.

Pisalema 119:73

Swandla swa wena swi ndzi endlile, ndzi vumbiwe hi swona; Ndzi nyike ku twa, ndzi ta dyondza ku lerisa ka wena!

Pisalema 138:8

Yehovha u ta tirha ematshan'weni ya mina ku yisa eku heteleleni. Yehovha! Tintswalo ta wena hi leti nga heriki, U nga tshiki mitirho ya mavoko ya wena!

Pisalema 139:15

Miri wa mina a wu fihliwanga ka wena, Loko ndzi ri karhi ndzi vumbiwa exihundleni, Ndzi lukeleriwa swirho eku enteni ka misava.

Pisalema 139:16

Mahlo ya wena ma vonile ku vumbiwa ka swona, Kutani masiku ya mina ma tsariwile hinkwawo ebukwini ya wena; Ma hlayiwile ma nga si va kona.

Pisalema 33:15

Hi yena la vumbeke timbilu ta vona hinkwavo, La anakanyaka ku endla hinkwako ka vona.

Esaya 43:7

hinkwavo lava thyiweke hi vito ra mina vona lava ndzi va endleleke ku vonakala ka mina, lava ndzi va vumbeke, lava ndzi va endleke!”