Ntirho 1:21 - Xitsonga (Bibele)

²¹ “Ndzi humile ekhwirini ra manana ndzi ri hava nchumu, ndzi ta tlhelela kona ndzi ri hava nchumu. Yehovha u ndzi nyikile, Yehovha u tlhele a teka; a ku dzunisiwe vito ra Yehovha!”

BIBELE Mahungu Lamanene

²¹ a ku: “Ndzi velekiwile ndzi nga ri na nchumu, ndzi ta fa ndzi nga ri na nchumu. HOSI Xikwembu xi nyikile, kambe xi tlhele xi teka. A ku dzunisiwe vito ra xona!”

Ntirho 1:21 Iomraidhean Croise

Genesa 3:19

U ta dya vuswa hi nyuku wa mombo wa wena, u ko u tlhelela emisaveni, hikuva u humesiwile eka yona. Hikuva u ntshuri, u ta tlhelela entshurini.”

Genesa 30:2

Kutani Yakobo a karihela Rahele, a ku eka yena: “Xana ndzi tshamile ematshan'weni ya Xikwembu lexi ku aleke ku veleka?”

Genesa 45:5

Kambe sweswi, mi nga vavisekeni, mi nga vileli hi leswi mi nga ndzi xavisa ndzi ta halenu, hikuva Xikwembu xi ndzi rhumile ku rhangela n'wina, ndzi ta tiva ku mi hanyisa.

2 SAMIELE 16:12

Kumbe Yehovha u ta languta ku tsongahatiwa ka mina, kutani Yehovha u ta ndzi tlherisela leswinene ematshan'weni ya mirhukano ya siku leri.”

1 TIHOSI 12:15

Sweswo hosi a yi yingisanga tiko; hikuva mhaka leyi, yi lunghisiwe hi Yehovha, leswaku ku endliwa hilaha Yehovha a nga vula hakona hi Ahiya wa Xilo eka Yerobuwamu, n'wana Nebati.

2 TIHOSI 20:19

Hezekiya a ku eka Esaya: “Rito ra Yehovha leri u ri vuleke, ri nene!” A engeta a ku: “Xana ku nga ka ku nga vi na ku rhula ni ku etlela ka tiko eku hanyeni ka mina-ke?”

Nehemiya 9:5

Kutani Valevhi na Yexuwa, Kadimiele, Bani, Haxabiniya, Xerebiya, Hodiya, Xebaniya, na Petahiya, va ku: “Yimani, mi vonga Yehovha Xikwembu xa n'wina, hilaha ku nga heriki, ku vongiwa vito ra wena lero kwetsima leri tlakukeke ehenhla ka ku vonga hinkwako ni tinsimu hinkwato!

Ntirho 1:11

Wa nga tshambuluta voko ra wena u khumba hinkwaswo leswi a nga na swona, u ta vona xana a nga ka a nga ku sandzi emahlweni erivaleni-ke?”

Ntirho 2:10

Yobo a ku eka yena: “U vulavula kukotisa xihunguki loko xi vulavula. Xana hi ta amukela leswo saseka emavokweni ya Xikwembu, hi nga amukeri swo biha-ke?” Etimhakeni toleto hinkwato Yobo a nga dyohanga hi nomu wa yena.

Ntirho 9:12

Vona, wa susa; a nga siveriwa hi mani? I mani la nga ta ku eka yena: ‘U endla yini?’

Pisalema 34:1

Ndzi ta twarisa Yehovha hi masiku hinkwawo; Ku dzunisa ka yena ku ta va enon'wini wa mina hi masiku.

Pisalema 34:2

Moya wanga wu ta tidzunisa ha Yehovha; Lava nga ni khombo va ta swi yingisa, va tsaka.

Pisalema 39:9

Ndzi miyerile, ndzi nga ahlamisi nomu, Hikuva hi wena la tirhaka.

Pisalema 49:17

Hikuva siku a nga ta fa, a nga ka a nga teki nchumu wa swona, Ku kwetsima ka yena ku nga ka ku nga xikeli endzhaku ka yena.

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Eklesiasta 5:14

Rifuwo rero ri onhiwa hi khombo rin'wana; kakuloko a velekile n'wana ku nga ha sali nchumu evokweni ra yena.

Eklesiasta 5:15

Ku kotisa loko a humile ekhwirini ra mana wa yena a nga ri na nchumu, u ta titlhelela a ri ntsena, a tifambela kukotisa loko a tile, kambe, eku karhatekeni ka yena, u ta ya a nga tamelanga nchumu, lexi a nga fambaka ha xona a xi fumbarhele hi voko.

Eklesiasta 5:19

Kunene loko Xikwembu xi nyikile munhu un'wana rifuwo ni xuma, xi n'wi nyikile ni mfanelo ya ku swi dya ni ku titekela swona, ni ku tsakela ku karhateka ka yena, sweswo i ku nyika ka Xikwembu.

Esaya 24:15

“Dzunisani Yehovha ematlhelweni ya vuxa, ni vito ra Yehovha, ra Xikwembu xa Israele, eswihlaleni swa vupeladyambu.

Esaya 42:24

La nyiketeke Yakobo eku phangiweni, na Israele eka lava n'wi hlanguriseke i mani? A hi Yehovha xana? Hi n'wi dyohele; kambe va arile ku famba etindleleni ta yena, a va yingisanga nawu wa yena.

Esaya 45:7

Hi mina la endleke ku vonakala ni munyama, ndzi tsakisa munhu, ndzi n'wi rhumela khombo; hi mina Yehovha, la endleke swilo sweswo hinkwaswo.

Swirilo 3:38

Swilo leswo saseka ni leswo biha Xana a swi humi enon'wini wa La nge henhla?

Amosi 3:6

Nanga loko yi yimbiwa emutini, xana vanhu a va tshuki hinkwavo xana? Xana khombo ri nga humelela emutini ri nga humesiwi hi Yehovha?

Matewu 20:15

Kumbe a ndzi swi koti ku tirha hi swa mina hilaha ndzi swi rhandzaka xana? Kumbe u hlunamele yini vunene bya mina xana?’

Timhaka 4:28

ku endla hinkwaswo leswi voko ra wena ni makungu ya wena ma swi leriseke eku sunguleni leswaku swi ta humelela.

Vaefesa 5:20

mi khensa hi masiku Xikwembu Tata wa n'wina, hikwalaho ka hinkwaswo hi vito ra Hosi ya hina, Yesu Kriste.

1 Vatesalonika 5:18

Etimhakeni hinkwato, mi khensa; hikuva hi swona leswi Xikwembu xi swi rhandzaka, ha Yesu Kriste.

1 Timotiya 6:7

hikuva a hi tisangi nchumu emisaveni, kambe swa vonaka leswaku hi nga ka hi nga teki nchumu eku mukeni ka hina.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Yakobo 5:11

Vonani, hi dzunisa ku kateka ka lava tiyiseleke loko va ri eku vavisekeni. Mi twile ku tiyisela ka Yobo, kutani mi vonile mahetelelo ya yena eHosini; hikuva Hosi yi tele tintswalo ni nsovo.

Rhuti 1:21

kambe Yehovha a ndzi tlherisa ndzi nga ri na nchumu. Mi ta ndzi vula Nahumi ha yini-ke? Kasi Yehovha u ndzi avanyisile; La nga ni matimba hinkwawo, u ndzi nghenise enhlomulweni.”

1 SAMIELE 2:7

Wa tsongahata, kambe wa tlakusa, Wa humesa swisiwana entshurini,

1 SAMIELE 2:8

Wa pfuxa mupfumari ethyakeni, Ku va tshamisa ni tihosi, Ni ku va avela swiluvelo swa ntwalo. Hikuva masungulo ya misava i ya Yehovha; U tiyisile misava ehenhla ka wona.

1 SAMIELE 3:18

Kavaloko Samiele a n'wi byela hinkwaswo, a nga n'wi fihlelanga nchumu, Kutani Heli a ku: “Yehovha; a a endle hi ku twisisa ka yena.”