Nehemiya 9:8 - Xitsonga (Bibele)

⁸ u n'wi kumile a ri ni mbilu leyi tshembekaka emahlweni ka wena, u endla ntwanano na yena ku n'wi nyika tiko ra Kanana, ni ra Vahiti ni ra Vaamori, ni ra Vaperesi ni ra Vayebusi, ni ra Vagirigaxi, leswaku u ri nyika vatukulu va yena; kunene u hetile rito ra wena, hikuva u lulamile.

BIBELE Mahungu Lamanene

⁸ U vonile Abrahama a ri munhu la tshembekeke emahlweni ka wena, kutani u endla ntwanano na yena leswaku u ta nyika vatukulu va yena tiko ra Vakanana, ni Vahiti, ni Vaamori, ni Vaperesi, ni Vayebusi, ni Vagirigaxi. Xitshembiso xa wena, u xi hetisisile hikuva u lulamile.

Nehemiya 9:8 Iomraidhean Croise

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Genesa 15:6

Abrama a pfumela eka Yehovha, Yehovha a n'wi hlayela kona ku lulama.

Genesa 22:12

Kutani yi ku: “U nga yisi voko ra wena eka n'wana, u nga n'wi endli nchumu; hikuva sweswi, ndza swi tiva leswaku u chava Xikwembu, ni leswaku a u ndzi alelanga n'wanaku, loyi a nga swakwe.”

2 SAMIELE 22:31

“Ndlela ya Xikwembu yi lulamile, Rito ra Yehovha ri hlawulekile; I xitlhangu xa hinkwavo lava chavelaka ka yena.

1 TIKRONIKA 1:14

ni Vayebusi, ni Vaamori, ni Vagirigaxi,

1 TIKRONIKA 16:16

Ni ntwanano lowu a wu endleke na Abrahama, Ni lowu a wu hlambanyeleke Isaka;

Ezra 9:15

Oho Yehovha, Xikwembu xa Israele, u lulamile; hina, hi lo sala hi ri lava poneke kukotisa leswi voniwaka namuntlha. Hi hina kwala, hi yimeke emahlweni ka wena hi ri ni nandzu; hikuva hi nga ka hi nga hanyi emahlweni ka wena hikwalaho ka swona.”

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Pisalema 116:5

Yehovha u ni tintswalo ni ku lulama, Xikwembu xa hina xi tele nsovo.

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Ezekiele 33:24

“N'wana wa munhu, lava akeke emarhumbini lawa ya tiko ra Israele va vula leswaku: ‘Abrahama a a ri un'we ntsena, hambiswiritano u fume tiko; hina, hi vanyingi, kutani tiko leri hi nyikiwile rona ku ri fuma.’

Tinhlayo 13:29

Vaamaleke va akile edzongeni; Vahiti, ni Vayebusi, ni Vaamori va akile etintshaveni, Vakanana va akile ekusuhi ni lwandle, ni le ribuwini ra Yordani.”

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Timhaka 13:22

Kuteloko Xikwembu xi n'wi susile, xi va humesela Davhida, leswaku a va hosi ya vona, loyi xi n'wi vuleke xi ku: ‘Ndzi kumile Davhida n'wana Yese, munhu la nga wa mbilu ya mina la nga ta endla hinkwaswo leswi ndzi swi rhandzaka!’

Duteronoma 26:3

U ta ya eka muprista la nga ta va kona hi masiku lawa, u ku eka yena: ‘Namuntlha ndzi tivisa Yehovha, Xikwembu xa wena leswaku ndzi nghenile etikweni leri Yehovha a hlambanyeleke vatatana ku hi nyika rona.’

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Duteronoma 7:1

“Kutakuloko Yehovha, Xikwembu xa wena, a ku nghenisile etikweni leri u yaka eka rona ku ri fuma, ni loko xi hlongorile emahlweni ka wena matiko layo tala, va nga Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi, ma nga matiko lama ku tlulaka hi ku tala ni matimba,

Duteronoma 9:5

A hi ku lulama ka wena, ni vunene bya mbilu ya wena lebyi ku ngheniseke etikweni ra vona, kambe Yehovha u ta teka tiko ra vona emahlweni ka wena hikwalaho ka ku biha ka matiko lawa, ni ku tiyisa rito leri Yehovha a ri hlambanyeleke vatata wa wena, Abrahama, na Isaka, na Yakobo.

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Vaheveru 11:17

Hi ku pfumela, Abrahama, siku a ringiwaka a humesa Isaka egandzelweni, kutani loyi a nga nyikiwa ku tshembisiwa, a nyiketa la nga tswariwa eka yena a ri swakwe,

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Yoxuwa 11:23

Yoxuwa a teka tiko hinkwaro hilaha Yehovha a byeleke Muxe hakona, kutani Yoxuwa a ri nyika Israele, yi va ndzhaka ya yena, a nyika nyimba yin'wana ni yin'wana hi ku averiwa ka vona; kutani tiko ri wisa, ri nga vi na ku lwa.

Yoxuwa 11:3

ni le ka Vakanana va le vuxeni ni vupeladyambu, ni le ka Vaamori, ni le ka Vahiti, ni le ka Vaperesi, ni le ka Vayebusi, entshaveni, ni le ka Vahivhi, ehansi ka Hermoni, ni le tikweni ra Mispa.

Yoxuwa 23:14

“Maswivo, ndza famba namuntlha hi ndlela ya misava hinkwayo. Pfumelani hi timbilu hinkwato ta n'wina ni mimoya hinkwayo ya n'wina, mi tiva leswaku a ku wanga na rito rin'we ra marito hinkwawo lamanene lawa Yehovha, Xikwembu xa n'wina, a ma vuleke ehenhla ka n'wina; kambe mi endleriwe hinkwawo, a ku wanga na rito rin'we.

Yoxuwa 9:1

Kuteloko tihosi hinkwato leti nga haleno ka Yordani entshaveni, ni le tikweni leri nga ehansi ni le ribuwini hinkwaro ra Lwandle Lerikulu, laha ku langutaneke na Lebanoni, Vahiti, ni Vaamori, ni Vakanana, ni Vaperesi, ni Vahivhi, ni Vayebusi, loko va twile timhaka teto,

1 Yohane 1:9

Loko hi tivula swidyoho swa hina, Xikwembu xa tshembeka, xi lulamile ku hi rivalela swidyoho, ni ku hi hlantswa ku homboloka hinkwako.