Nehemiya 9:6 - Xitsonga (Bibele)

⁶ Hi wena Yehovha u ri swaku, hi wena u endleke matilo ni matilo ya matilo, ni mavandla hinkwawo ya wona, ni misava, ni hinkwaswo leswi nga ehenhla ka yona, ni malwandle, ni leswi nga eka wona, hi wena la hanyisaka swilo leswi hinkwaswo, mavandla ya le matilweni ma karhi ma khinsama emahlweni ka wena.

BIBELE Mahungu Lamanene

⁶ Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!

Nehemiya 9:6 Iomraidhean Croise

Genesa 1:1

Eku sunguleni Xikwembu xi tumbuluxile tilo ni misava.

Genesa 1:9

Kutani Xikwembu xi ku: “Mati lama nga ehansi ka tilo a ma hlengeletane exivandleni xi ri xin'we, ku va ku humelela laha ku omeke.” Kutani swi va tano.

Genesa 2:1

Hi kona ku endliwa ka matilo ni misava ni swilo hinkwaswo swa swona.

Genesa 32:2

Kuteloko Yakobo a ti vona, a ku: “I nxaxa wa Xikwembu!” Kutani a thya xivandla lexi, vito ra Mahanayimi (mixaxa mimbirhi).

1 TIHOSI 22:19

Kutani Mikaya a ku: “Hikwalaho, yingisa rito ra Yehovha: Ndzi vonile Yehovha a tshamisile exiluvelweni xa yena, a ri ni vandla hinkwaro ra matilo ekusuhi na yena exineneni ni le ximatsini.

1 TIHOSI 8:27

“Kambe, xana kunene Xikwembu xi nga aka emisaveni xana? Waswivo, matilo ni matilo ya matilo a ma ku eneri; xana-ke Yindlu leyi ndzi akeke yona a hi yitsongo ku tlurisa xana?

2 TIHOSI 19:15

Kutani Hezekiya a khongela Yehovha, a ku: “Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

2 TIHOSI 19:19

Sweswi, Yehovha, Xikwembu xa hina, wanga hi ponisa evokweni ra Senakeribi matiko hinkwawo ya misava ma ta tiva leswaku wena Yehovha u Xikwembu, wena ntsena.”

Nehemiya 9:5

Kutani Valevhi na Yexuwa, Kadimiele, Bani, Haxabiniya, Xerebiya, Hodiya, Xebaniya, na Petahiya, va ku: “Yimani, mi vonga Yehovha Xikwembu xa n'wina, hilaha ku nga heriki, ku vongiwa vito ra wena lero kwetsima leri tlakukeke ehenhla ka ku vonga hinkwako ni tinsimu hinkwato!

Pisalema 102:25

I khale u vekile masungulo ya misava, Ni matilo, i ntirho wa mavoko ya wena,

Pisalema 103:21

Khensani Yehovha, n'wina tinyimpi ta yena hinkwato, Leti n'wi tirhelaka hi ku endla leswi a swi rhandzaka!

Pisalema 115:15

Mi vakateki va Yehovha, La endleke tilo ni misava.

Pisalema 124:8

Ku pfuniwa ka hina ku le vitweni ra Yehovha La endleke tilo ni misava.

Pisalema 146:6

U endlile matilo ni misava, Elwandle ni hinkwaswo leswi nga ka rona. U hlayisa rito ra ntiyiso hi laha ku nga heriki.

Pisalema 24:10

Hosi ya ku kwetsima i mani? I Yehovha wa tinyimpi; Hi yena la nga hosi ya ku kwetsima.

Pisalema 33:6

Matilo ma endliwile hi rito ra Yehovha, Ni vandla hinkwaro ra wona hi ku hefemula ka nomu wa yena.

Pisalema 36:6

Ku lulama ka wena ku fana ni tintshava ta Xikwembu; Ku avanyisa ka wena i xidziva lexikulu; Yehovha, u hlayisa vanhu ni swiharhi.

Pisalema 86:10

Hikuva u lonkulu, u tirha masingita; U Xikwembu u le swa ku.

Esaya 37:16

“Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

Esaya 37:20

Sweswi Yehovha, Xikwembu xa hina, wanga hi ponisa evokweni ra Senakeribi, matiko hinkwawo ya misava ma ta tiva leswaku wena Yehovha u Xikwembu, wena ntsena!”

Esaya 43:10

“Mi timbhoni ta mina,” ku vula Yehovha, “N'wina ni nandza wa mina loyi ndzi n'wi hlawuleke, hileswaku mi ta swi tiva, mi ndzi pfumela, mi va mi swi twa leswaku hi mina: Emahlweni ka mina a ku nga si va na xikwembu lexi endliweke, endzhaku ka mina ku nga ka ku nga vi na xin'wana.

Esaya 44:6

“Ku vula sweswo Yehovha, Hosi ya Israele, ni mukutsuri wa yena, Yehovha wa tinyimpi: Hi mina lowo rhanga ni lowa makumu, ehandle ka mina a ku na xikwembu.

Esaya 44:8

Mi nga chaveni, mi nga rhurhumeli! Xana a ndzi ku byelanga, a ndzi ku tivisanga ni khale? A hi n'wina timbhoni ta mina xana? Xana ku ni xikwembu ehandle ka mina? A ku na rin'wana ribye lerikulukumba, a ndzi ri tivi.”

Esaya 45:12

Hi mina la endleke misava, la vumbeke munhu ehenhla ka yona. Hi mina ndzi endleke matilo hi mavoko ya mina; hi mina loyi ndzi fumaka nyimpi ya wona hinkwayo.

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

Ezekiele 20:11

Ndzi va nyika milawu ya mina, ndzi va ndzi va tivisa ku avanyisa ka mina loku munhu a nga hanyaka hakona loko a ku endla.

Yonasi 1:9

Yena a ku eka vona: “Ndzi Muheveru, ndzi chava Yehovha, Xikwembu xa matilo, la endleke lwandle ni misava.”

Yohane 10:30

Mina na Tatana hi endla un'we.”

Timhaka 4:24

Volavo, loko va twile sweswo, va tlakusa marito ya vona eka Xikwembu hi mbilu yi ri yin'we va ku: “Hosi, hi wena Xikwembu lexi endleke tilo, ni misava, ni lwandle, ni hinkwaswo leswi nga eka swona; u vurile hi nomu wa Davhida, nandza wa wena u ku:

Duteronoma 10:14

“Waswivo! Matilo, ni matilo ya matilo i ya Yehovha, swin'we ni misava, ni hinkwaswo leswi nga eka yona.

Duteronoma 32:39

“Vonani sweswi leswaku hi mina, mina ntsena, Ni leswaku a ku na xikwembu xin'wana ehandle ka mina. Hi mina la dlayaka, naswona hi mina la hanyisaka; Ndzi boxile mbanga, kambe ndzi ta ongola, A ku na munhu la kutsulaka evokweni ra mina.

Duteronoma 6:4

“Yingisa, Israele! Yehovha, Xikwembu xa hina, hi xona Xikwembu lexi hanyaka ntsena.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vaheveru 1:6

Kambe siku xi tisaka N'wana wa xona wa mativula laha emisaveni, xi te: “Tintsumi hinkwato ta Xikwembu a ti n'wi khinsamele!”

Nhlavutelo 14:7

yi vula hi rito leri tlakukeke yi ku: “Chavani Xikwembu mi xi dzunisa, hikuva nkarhi wa ku avanyisa ka xona wu fikile; khinsamelani la endleke tilo ni misava, ni lwandle, ni swihlovo swa mati.”

Nhlavutelo 4:11

“Hosi ni Xikwembu xa hina, u lulameriwe hi ku kwetsima, ni xichavo, ni matimba, hikuva u tumbuluxile swilo hinkwaswo, kutani swi kona, kambe swi tumbuluxiwe hi ku rhandza ka wena.”