Nehemiya 9:21 - Xitsonga (Bibele)

²¹ Hi malembe ya mune wa makume, u va hlayisile mananga, a va pfumalanga nchumu; swa ku ambala swa vona a swi onhakanga, ni milenge ya vona a yi pfimbanga.

BIBELE Mahungu Lamanene

²¹ U va hlayisile malembe ya 40 emananga, va nga pfumali nchumu, swiambalo swa vona a swi hlakalanga, hambi yi ri milenge ya vona a yi pfimbanga.

Nehemiya 9:21 Iomraidhean Croise

Pisalema 34:10

Swinghalana swi nga pfumala, swi nga va ni ndlala, Kambe lava lavaka Yehovha a va nga kiyeriwi hi leswinene.

Eksoda 16:35

Vana va Israele va dya manna hi mune wa makume ya malembe va kondza va nghena etikweni leri akiweke va dya manna va kondza va fika emaaveni ya tiko ra Kanana.

Amosi 5:25

“Xana loko mi ri emananga mi ndzi humesele magandzelo ni timhamba hi mune wa makume ya malembe n'wina, yindlu ya Israele xana?

Timhaka 13:18

Kutani emananga xi va endlela hi tintswalo hi malembe ya mune wa makume.

Duteronoma 2:7

Hikuva Yehovha Xikwembu xa wena, xi ku katekisile emitirhweni hinkwayo ya mavoko ya wena; xi tivile ku famba ka wena emananga lamakulu lawa. Hi malembe ya mune wa makume lawa Yehovha Xikwembu xa wena, a xi ri na wena; a u pfumalanga nchumu.” ’

Duteronoma 29:5

Ndzi mi fambisile mananga hi malembe ya 40: tinguvu ta n'wina a ti hlakalanga henhla ka n'wina, ni tintanghu ta wena a ti hlakalangi emikondzweni ya wena;

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Duteronoma 8:4

Nguvu ya wena a yi hlakalangi henhla ka wena, na yona milenge ya wena a yi pfimbanga hi malembe ya 40 lawa.