Nehemiya 9:16 - Xitsonga (Bibele)

¹⁶ “Kambe vatata wa hina va tikukumuxile va nonon'hwisa tinhamu ta vona, a va yingisanga ku lerisa ka wena,

BIBELE Mahungu Lamanene

¹⁶ “Hambiswiritano, vatata wa hina va tikurisile, va tinonon'hwisa, va nga yingisi milawu ya wena.

Nehemiya 9:16 Iomraidhean Croise

2 TIHOSI 17:14

Kambe a va yingisanga, va nonon'hwisile tinhamu ta vona kukotisa vatata wa vona lava nga pfumelangiki eka Yehovha Xikwembu xa vona.

2 TIKRONIKA 29:6

Hikuva vatata wa hina va tiarisile va endlile leswo biha emahlweni ka Yehovha, Xikwembu xa hina, va xi tshikile va hundzukisile mimombo ya vona, va nga languti Yindlu ya Yehovha, va yi fularhela.

2 TIKRONIKA 30:8

Sweswi mi nga nonon'hwisi tinhamu ta n'wina kukotisa vatata wa n'wina; khomani voko ra Yehovha, mi ta evukwetsimelweni bya yena lebyi a byi hlawuleke hi masiku, mi tirhela Yehovha Xikwembu xa n'wina, kutani ku hisa ka vukari bya yena ku ta mi sukela.

2 TIKRONIKA 36:13

A va a xandzukela hosi Nebukadnetsara leyi n'wi hlambanyiseke hi vito ra Xikwembu; kutani a nonon'hwisa nhamu ya yena, a nonon'hwisa ni mbilu ya yena, a nga ti tshuka a tlhelela eka Yehovha Xikwembu xa Israele.

Nehemiya 9:10

u endle swikombiso ni masingita ehenhla ka Faro, ni le henhla ka malandza ya yena hinkwawo, ni le henhla ka tiko hinkwaro ra misava ya yena, hikuva a u tiva hilaha va va xaniseke hakona, kutani u tiendlele ku twala hilaha ku nga kona namuntlha;

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

Pisalema 106:6

Hi dyohile kukota vatata wa hina, Hi fambile hi ku homboloka, hi endlile leswo biha.

Pisalema 81:8

Yingisa tiko ra mina, ndzi ku hlamusela; Oho Israele, loko swange u nga ndzi yingisa!

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Eksoda 32:9

Yehovha a engeta, a ku eka Muxe: “Ndzi langutile tiko leri, ndzi ri: I tiko ra tinhamu leto nonon'hwa.

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Esaya 48:18

Mawako! Loko ngi u yingisa milawu ya mina! Ku rhula ka wena ku ta va tanihi nambu, ku lulama ka wena ku ta fana ni magandlati ya lwandle, vatukulu va wena va ta fana ni sava,

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.

Ezekiele 5:6

Kambe wu hombolokile, wu tlurile ku lerisa ka mina ku tlurisa matiko, ni milawu ya mina ku tlurisa matiko lama n'wi rhendzeleke, hikuva wu cukumetile swileriso swa mina, a nga fambanga hi milawu ya mina.

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Duteronoma 31:27

Hikuva ndza tiva ku kaneta ka wena ni ku nonon'hwa ka nhamu ya wena; ni namuntlha leswi ndza ha hanyaka exikarhi ka n'wina, ma ha kaneta Yehovha, kambe swi ta ku yini loko ndzi ta va ndzi file!

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Duteronoma 5:29

Ngi loko va ri ni timbilu leti ku ndzi chava ni ku hlayisa milawu ya mina hinkwayo, va ta tsaka vona ni vana va vona, hilaha ku nga heriki!

Duteronoma 9:13

“Kutani Yehovha a ndzi byela, a ku: ‘Ndzi vonile leswaku tiko leri, i tiko leri nga ni mikolo leyo nonon'hwa.

Duteronoma 9:27

Tsundzuka malandza ya wena Abrahama, na Isaka, na Yakobo u nga languti ku nonon'hwa ka tiko leri, ni ku biha ka rona, ni xidyoho xa rona,

Duteronoma 9:6

Tiva leswaku a hi hikwalaho ka ku lulama ka wena Yehovha a ku nyikaka tiko lerinene ku ri fuma, hikuva u tiko leri nga ni mikolo yo nonon'hwa.

Vaheveru 3:13

kambe mi khongotelana hi masiku hinkwawo, ka ha hlayiwa leswaku: “Namuntlha” leswaku ku nga ti va na un'we exikarhi ka n'wina la tinonon'hwisaka hi ku xisiwa ka vudyoho.

Vaheveru 3:15

ka ha vuriwa leswaku: “Namuntlha, loko mi twa rito ra yena, mi nga tshuki mi nonon'hwisa timbilu ta n'wina, kukotisa loko va n'wi pfukile.”