Nehemiya 8:6 - Xitsonga (Bibele)

⁶ Ezra a vonga Yehovha, Xikwembu lexikulu, kutani tiko hinkwaro ri hlamula, ri ku: “Amen! Amen!” va yimisile mavoko ehenhla, va korhama, va khinsama emahlweni ka Yehovha, va jovotela ehansi.

BIBELE Mahungu Lamanene

⁶ Ezra a dzunisa HOSI Xikwembu, xona Xikwembu lexikulu, kutani vanhu hinkwavo va hlamula va ku: “Amen! Amen!” va ri karhi va tlakusela mavoko ehenhla. Kutani va nkhinsama, va korhamela hansi va khongela HOSI Xikwembu.

Nehemiya 8:6 Iomraidhean Croise

Genesa 14:22

Kambe Abrama a hlamula hosi ya Sodoma, a ku: “Ndzi tlakuse voko eka Yehovha, Xikwembu xa le henhlahenhla, n'wini wa tilo ni misava, ndzi ri:

Genesa 24:26

Kutani wanuna loyi a korhama a khinsama emahlweni ka Yehovha a ku:

1 TIKRONIKA 16:36

A ku khensiwe Yehovha, Xikwembu xa Israele! Hi masiku lama nga heriki!” Kutani tiko hinkwaro ri ku: “Amen!” Tlangelani Yehovha.

1 TIKRONIKA 29:10

Kavaloko Davhida a khensa Yehovha emahlweni ka nhlengeletano hinkwayo, a ku: “A ku khensiwe Yehovha, Xikwembu xa Israele tata wa hina, hi masiku ni masiku!

1 TIKRONIKA 29:20

Davhida a ku eka nhlengeletano hinkwayo: “Dzunisani Yehovha, Xikwembu xa n'wina!” Kutani nhlengeletano hinkwayo yi dzunisa Yehovha, Xikwembu xa vatata wa vona, va korhama, va khinsama emahlweni ka Yehovha ni le mahlweni ka hosi.

2 TIKRONIKA 20:18

Kavaloko Yoxafati a khinsama, a wa hi mombo, kutani va Yuda hinkwavo ni vaaki va Yerusalema, va wela emahlweni ka Yehovha, va khinsama emahlweni ka Yehovha.

2 TIKRONIKA 29:10

Sweswi ndzi rhandza ku endla ntwanano na Yehovha, Xikwembu xa Israele, leswaku ku hisa ka vukari bya yena ku hi sukela.

2 TIKRONIKA 29:30

Kutani hosi Hezekiya ni tihosana va byela Valevhi ku dzunisa Yehovha hi marito ya Davhida na Asafa, muvoni; va n'wi dzunisa sweswo, va tsakile, kutani va korhama, va khinsama.

2 TIKRONIKA 6:4

Kutani yi ku: “A ku dzunisiwe Yehovha, Xikwembu xa Israele, la vulavuleke hi nomu wa yena na tatana Davhida, a heta hi voko ra yena leswi a swi vuleke, loko a ku:

Nehemiya 5:13

Ndzi phumunha tinguvu ta mina, ndzi ku: “Xikwembu a xi phumunhise sweswo ehandle ka yindlu ya yena, ni mitirho ya yena, munhu un'wana ni un'wana la nga hlayisiki marito lawa, a a phumunhisiwe; sweswo, a halatiwa.” Kutani nhlengeletano hinkwayo yi ku: “E, hi swona!” Kutani va dzunisa Yehovha, kambe tiko ri endla hi marito walawo.

Nehemiya 8:7

Kutani Yexuwa, Bani, Xerebiya, Yamini, Akubu, Xabetayi, Hodiya, Maaseya, Kelita, Azariya, Yozabadi, Hanana, Pelaya, ni Valevhi, va hlamusela tiko milawu, tiko ri ri karhi ri yima kwalaho.

Pisalema 134:2

Tlakusani mavoko ya n'wina evukwetsimelweni bya yena, Mi ri karhi mi tlangela Yehovha!

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Pisalema 28:2

Yingisa rito ra mikhongelo ya mina loko ndzi huwelela eka wena, Ni loko ndzi tlakusa mavoko ya mina evukwetsimelweni bya wena.

Pisalema 41:13

A ku vongiwe Yehovha, Xikwembu xa Israele, Hi mikarhi leyi nga riki na ku sungula ni ku hela. Amen! Amen!

Pisalema 63:4

Hikwalaho ndzi ta ku khensa eku hanyeni ka mina, Ndzi ta yimisa mavoko ya mina hi vito ra wena.

Pisalema 95:3

Hikuva Yehovha i Xikwembu lexikulu, I hosi leyikulu leyi tlulaka swikwembu hinkwaswo.

Eksoda 12:27

Mi ta ku eka vona: ‘I gandzelo ra Paseka ya Yehovha la nga hundza etindlwini ta vana va Israele eEgipta, loko a ba Egipta, a hlayisa tindlu ta hina.’ ” Kutani tiko ri korhama ri khinsama.

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Yeremiya 28:6

Muprofeta Yeremiya a ku: “A swi ve tano! Yehovha a a endle sweswo! Yehovha a a tiyise marito ya wena lawa u ma profeteke hikwalaho ka swibya leswi nga ta tlheriseriwa exivandleni lexi, swa yindlu ya Yehovha, ni hinkwavo lava yeke eku bohiweni eBabilona!

Swirilo 3:41

A hi yimiseni timbilu ta hina ni mavoko ya hina, Eka Xikwembu lexi nga ehenhla.

Levhitika 9:24

Ndzilo wu huma emahlweni ka Yehovha, wu hisa holokosta, ni mafurha ealitarini; tiko hinkwaro ri wu vona, kutani va huwelela hi ku tsaka, va tiwisa ehansi hi mimombo ya vona.

Matewu 26:39

Kutani a ya kulenyana, a wela ehansi hi mombo, a khongela, a ku: “Tatana loko ingi swi nga endleka leswaku xinwelo lexi xi hundza ekule na mina! Kambe ku nga tshuki ku endliwa ku rhandza ka mina, a ku endliwe ku rhandza ka wena.”

Matewu 6:13

U nga hi yisi emiringweni, kambe u hi lwela eka lowo biha.’

1 Vakorinto 14:16

Loko swi nga ri tano, kungakuloko u khensa hi Moya, xana la nga tiviki nchumu, a nga tiyisa ku yini ku khensa ka wena, loko a ku: “Amen,” loko a nga tivi leswi u swi vulaka?

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

1 Petro 1:3

A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,

Nhlavutelo 7:11

Kutani tintsumi hinkwato a ti yimile, ti rhendzele xiluvelo, ni vakulukumba, ni swivumbiwa leswi hanyaka leswa mune kutani va khinsama emahlweni ka xiluvelo va gandzela Xikwembu,