Nehemiya 8:3 - Xitsonga (Bibele)

³ A hlaya kona erivaleni laha emahlweni ka nyangwa ya Mati, a sungula nimixo ku ko ku fika nhlekanhi, emahlweni ka vavanuna ni vavasati ni lava nga ni ku twisisa, kutani tiko hinkwaro ri rhiya tindleve ku yingisa buku ya milawu.

BIBELE Mahungu Lamanene

³ Kutani Ezra a yima kwala rivaleni a languta enyangweni leyi vuriwaka Nyangwa-ya-Mati, a hlaya buku ya Nawu, a hlayela vavanuna ni vavasati ni vana hinkwavo lava a va ta kota ku twisisa leswi hlayiwaka. Ú hlayile buku leyi ku sukela nimixo ku fika ninhlekanhi. Vanhu hinkwavo a va yingisa swinene loko Nawu wu hlayiwa.

Nehemiya 8:3 Iomraidhean Croise

Nehemiya 10:29

va hlangana ni vamakwavo va tihosana, va nghena na vona eku hlambanyeni ni le ku tiyiseni, va ku va ta famba emilawini ya Xikwembu, leyi va yi nyikiweke hi Muxe, nandza wa Xikwembu, va ta hlayisa ku lerisa hinkwako ka Yehovha, hosi ya hina ni marito ya yena ni milawu ya yena, va ta famba ha swona.

Nehemiya 13:1

Enkarhini wolowo ku hlayiwa buku ya Muxe, emahlweni ka tiko, va kuma ku tsariwile leswaku Vaamoni ni Vamowabu, va nga ka va nga ngheni enhlengeletanweni ya Xikwembu, ni siku ni rin'we,

Nehemiya 8:1

Kutani tiko hinkwaro ri hlengeletana erivaleni, emahlweni ka nyangwa ya Mati, kukotisa loko a ri munhu un'we va byela Ezra, mutsari ku tisa buku ya milawu ya Muxe, leyi Yehovha a yi leriseke Israele.

Nehemiya 8:18

Ku hlayiwa buku ya milawu ya Xikwembu, siku rin'wana ni rin'wana, ku sungula hi siku ro rhanga, ku fika ro hetelela; va endla nkhuvo hi masiku ya ntlhanu na mambirhi; hi ra ntlhanu na manharhu ku endliwa nhlengeletano leyikulu ngopfu, hilaha ku lerisiweke hakona.

Nehemiya 8:4

Ezra, mutsari, a a yimile ehenhla ka tshala ra timhandze leri endleriweke enkarhini lowu; ekusuhi na yena, evokweni ra xinene, ku yimile Matitiya, na Xema, na Anaya, na Uriya, na Hilkiya, na Maaseya; hitlhelo ra ximatsi, ku yimile Pedaya, na Mixaele, na Malikiya, na Haxumu, na Haxibadana, na Zakariya na Mexulama.

Nehemiya 8:5

Ezra a phendla buku emahlweni ka tiko hinkwaro, a ungamerile tiko hinkwaro; kakuloko a phendla, tiko hinkwaro ri yima.

Marka 12:37

Xana loko yena Davhida a n'wi vula hosi, a nga va n'wana wa yena hi mukhuva wihi xana?” Kutani ntshungu lowunyingi a wu n'wi yingisa hi ku tsaka.

Luka 19:48

Kambe va tsandzeka ku endla nchumu, hikuva vunyingi hinkwabyo a byi n'wi yingisa.

Luka 8:18

Hikwalaho, tivoneni hilaha mi yingisaka hakona; hikuva ku ta nyikiwa la nga ni xilo; kambe la pfumalaka, u ta tekeriwa na xona lexi a xi tshembaka leswaku u na xona.”

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Timhaka 13:27

Hikuva lava akeke eYerusalema, ni vakulukumba va vona, leswi va nga tivangiki Yesu, va n'wi avanyisile va hetisisa sweswo marito ya vaprofeta lama hlayiwaka hi Savata rin'wana ni rin'wana.

Timhaka 15:21

hikuva ku sukela etinxakeni ta khale, Muxe u ni lava n'wi vulaka emutini wun'wana ni wun'wana, leswi a hlayiwaka emasinagogeni hi masiku hinkwawo ya Savata.”

Timhaka 16:14

Kutani wansati un'wana loyi va nge i Lidiya, muxavisi wa xivunguvungu, wa muti wa Tiyatira, la chavaka Xikwembu, a tshama a yingisa; kutani Hosi yi pfula mbilu ya yena leswaku a twisisa timhaka leti Pawulo a ti vulaka.

Timhaka 17:11

Vona va tlurisa Vatesalonika hi mafundza, va amukela rito hi ku hatlisa ngopfu, va kambela tibuku hi masiku hinkwawo, ku tiva leswaku timhaka ti tano xana.

Timhaka 20:11

Kutani a tlhela a khandziya, a phema xinkwa, a dya, a va khongotela byi ko byi xa, kutani a suka.

Timhaka 20:7

Hi siku ro rhanga ra vhiki, loko hi hlengeletene ku phema xinkwa, Pawulo a va dyondzisa ku ya fika exikarhi ka vusiku, hikuva a a ta famba nimixo.

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Duteronoma 31:9

Muxe a tsala nawu lowu, kutani a wu nyika vaprista, vana Valevhi, lava rhwalaka areka ya ntwanano wa Yehovha, ni hinkwavo vakulukumba va Israele.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Yoxuwa 8:35

A ku vanga na rito rin'we eka hinkwaswo leswi lerisiweke hi Muxe, leri nga hlayiwangiki hi Yoxuwa emahlweni ka nhlengeletano hinkwayo ya Israele, ni le mahlweni ka vavasati, ni vana ni valuveri, lava fambaka exikarhi ka vona.

Nhlavutelo 2:29

La nga ni tindleve a a yingise leswi Moya wu swi byelaka tikereke.’

Nhlavutelo 3:22

La nga ni tindleve, a a yingise leswi Moya wu swi byelaka tikereke.’ ”