Nehemiya 8:16 - Xitsonga (Bibele)

¹⁶ Hi kona tiko ri sukaka, ri ya lava marhavi kutani va tiendlela mitsonga, un'wana ni un'wana ehenhla ka yindlu ya yena, kumbe erivaleni ra yona, ni le rivaleni ra yindlu ya Xikwembu, ni le ntsendzeleni wa nyangwa ya Mati, ni le ntsendzeleni wa nyangwa ya ka Efrayimi.

BIBELE Mahungu Lamanene

¹⁶ Hiloko vanhu va famba va ya vuya ni mahlampfu, va ta tiendlela mintsonga ya vona. Un'wana na un'wana a aka ntsonga ehenhla ka lwangu ra yindlu ya yena, ni le xivaveni xa yena, va aka ni le xivaveni xa yindlu ya Xikwembu, ni le rivaleni leri nga kusuhi ni Nyangwa-ya-Mati, ni le rivaleni leri nga kusuhi ni Nyangwa-ya-Efrayimi.

Nehemiya 8:16 Iomraidhean Croise

2 SAMIELE 11:2

Siku rin'wana, nimadyambu Davhida a pfuka ebyetlelweni bya yena, a fambafamba elwangwini ra yindlu ya hosi, kutani a vona a ri elwangwini wansati la hlambaka; wansati loyi, a a sasekile ngopfu.

2 TIHOSI 14:13

Yowasi, hosi ya Israele, a khoma Amasiya hosi ya Yuda, n'wana Yowasi, n'wana Ahaziya, eBeta-Xemexe; kutani a ta eYerusalema, a mbundzuxa rirhangu ra Yerusalema, ku suka enyangweni ya Efrayimi, ku fika enyangweni ya yinhla, swi ri swisungunhu swa mune wa madzana.

2 TIKRONIKA 20:5

Yoxafati a yima enhlengeletanweni ya va Yuda ni va Yerusalema, endlwini ya Yehovha, emahlweni ka xivava lexintshwa,

2 TIKRONIKA 33:5

A akela vandla hinkwaro ra matilo tialitari eswivaveni leswimbirhi swa Yindlu ya Yehovha.

Nehemiya 12:37

Kuteloko va fikile enyangweni ya Tiva, ku lavana ni laha va nga kona, va khandziya hi swikhandziyo swa muti wa Davhida hi ndzulamo wa rirhangu leri ungameleke yindlu ya Davhida, ku ya fika enyangweni ya Mati evuxeni.

Nehemiya 12:39

ni le henhla ka nyangwa ya Efrayimi, ni le nyangweni ya Khale, ni le nyangweni ya Tinhlampfi, ni le khokholweni ra Hananele, ni le khokholweni ra Mea, ku ya fika eNyangweni ya Tinyimpfu, kutani va yima enyangweni ya Khotso.

Nehemiya 3:26

Vanetinimi va aka laha va tshameke kona eswitsungeni ku ya fika emalunganeni ya nyangwa ya Mati ya tlhelo ra vuxa, ni ka khokholo leri humelaka ehandle.

Nehemiya 8:1

Kutani tiko hinkwaro ri hlengeletana erivaleni, emahlweni ka nyangwa ya Mati, kukotisa loko a ri munhu un'we va byela Ezra, mutsari ku tisa buku ya milawu ya Muxe, leyi Yehovha a yi leriseke Israele.

Nehemiya 8:3

A hlaya kona erivaleni laha emahlweni ka nyangwa ya Mati, a sungula nimixo ku ko ku fika nhlekanhi, emahlweni ka vavanuna ni vavasati ni lava nga ni ku twisisa, kutani tiko hinkwaro ri rhiya tindleve ku yingisa buku ya milawu.

Yeremiya 19:13

Kutani tindlu ta Yerusalema, ni tindlu ta tihosi ta Yuda ti ta va thyaka kukotisa xivandla xa Tofete; ti nga tindlu leti hinkwato va khandziyaka ehenhla ka tona ku hisela vandla hinkwaro ra le tilweni mirhi ya risuna, ni ku chululela swikwembu swin'wana tinyiko.” ’ ”

Yeremiya 32:29

Vakalediya va ta lwa ni muti lowo, va ta nghena, va hisa muti lowo hi ndzilo va hisa ni tindlu leti va hiselaka Baali mirhi ya risuna ehenhla ka tona, va humesele swikwembu swin'wana swakunwa, va va va ndzi pfuka.

Duteronoma 22:8

“Kutakuloko u aka yindlu leyintshwa, u ta biyela lwangu ra wena leswaku u nga vekeli ngati endlwini ya wena, loko kumbe munhu a wa a ri ehenhla ka yona.