Nehemiya 6:6 - Xitsonga (Bibele)

⁶ leri ku tsariweke eka rona mhaka leyi nge: “Ku twakele exikarhi ka matiko, na yena Gexeme u vula sweswo leswaku wena ni Vayuda mi kanele makungu ya ku xandzuka, hikwalaho mi pfuxaka rirhangu; mavunwa ma ri hi wena u nga ta va hosi ya vona.

BIBELE Mahungu Lamanene

⁶ Epapileni ra kona a ku tsariwile leswi: “Wena ni Vayuda va ka n'wina mi lava ku hundzukela hosi. Mhaka leyi, yi hangalakile exikarhi ka vamatiko, hambi a ri Gexeme u ri wa yi tiva: Leswi hi swona swi endlaka leswaku mi aka rirhangu. Hi ku ya hi leswi vuriwaka, wena u lava ku va hosi ya Vayuda.

Nehemiya 6:6 Iomraidhean Croise

Ezra 4:12

A swi tiviwe hi hosi leswaku Vayuda lava sukeke eka wena, va ta eka hina eYerusalema, va aka muti wa ku ti nonon'hwisa ka ku biha, kambe va lava ku heta rirhangu, va pfuxa masungulo ya wona.

Ezra 4:15

a ku laviwe ebukwini ya timhaka ta ku hanya ka vatata wa wena, u ta kuma ebukwini ya timhaka, u ta tiva leswaku muti lowu, i muti wa ku ti nonon'hwisa, wa ku onha tihosi ni matiko, kambe ku tiarisa a ku ri kona emutini wolowo, ni le mikarhini ya khale, muti lowu, wu onhiwile hi sweswo.

Nehemiya 2:19

Sanibalati, Muhoroni, na Tobiya nandza wa Muamoni, na Gexeme Muarabu, kuteloko va twile mhaka leyi, va tlanga ha hina, va hi hleka, va ku: “I xini lexi mi xi endlaka? Xana mi rhandza ku tiarisela eka hosi xana?”

Nehemiya 6:13

Leswi va nga n'wi hakelelaka swona hileswaku ndzi chava ndzi dyoha hi ku endla sweswo va ta kuma leswi va nga ta onha vito ra mina ha swona hi ku ndzi hembela.

Nehemiya 6:5

Hi loko Sanibalati a tlhela a rhuma mhaka yoleyo ra vuntlhanu hi nandza wa yena, a ta a tamele papila leri phurunuriweke evokweni ra yena,

Nehemiya 6:7

U vekile ni vaprofeta ku vula eYerusalema leswaku u hosi ya Vayuda. Sweswi mhaka yoleyo yi ta byeriwa hosi, loko swi ri tano, tana hi ta kanela kun'we.”

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Matewu 5:11

Mi ta kateka loko va mi rhuketela hikwalaho ka mina, loko va mi lumbeta hi mavunwa layo tala.

Luka 23:2

va sungula ku n'wi hehla, va ku: “Hi kumile munhu loyi a hlohlotela tiko, a tshimbisa vanhu ku humesela Khezari ndzuvo; naswona u tivula Kriste, hosi.”

Yohane 19:13

Kuteloko Pilato a twa mhaka yoleyo, a humesela Yesu ehandle, a tshamisa exitshan'weni xa ku avanyisa exivandleni lexi va nge i Ribye; hi Xiheveru, i Gavata.

Varhoma 3:8

Kutani a hi endli ha yini swo biha leswaku ku ta humelela leswo saseka ha swona, hilaha hi lumbetiwaka hakona hi van'wana loko va tiyisa leswaku hi vurisa sweswo; kambe lavo tano, ku avanyisiwa ka vona ku lulamile!

2 Vakorinto 6:8

exikarhi ka xidzumo ni ku sandziwa, exikarhi ka ku lumbetiwa ni ku twala lokunene; ingi ha kanganyisa, kasi hi lamanene; ingi a hi tiviwi, kasi ha tiviwa;

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.