Nehemiya 6:13 - Xitsonga (Bibele)

¹³ Leswi va nga n'wi hakelelaka swona hileswaku ndzi chava ndzi dyoha hi ku endla sweswo va ta kuma leswi va nga ta onha vito ra mina ha swona hi ku ndzi hembela.

BIBELE Mahungu Lamanene

¹³ Vanhu lava a va xave Xemaya leswaku a ta ndzi dyohisa hi ku ndzi chavisa ndzi endla leswi va vulaka swona, kutani vona va ta bihisa vito ra mina, va endlela ku ndzi xanisa.

Nehemiya 6:13 Iomraidhean Croise

Nehemiya 6:12

Ndzi vona leswaku Xikwembu a xi n'wi rhumanga, kambe u vurile vuprofeta lebyi ku ndzi pfuka, hikuva Tobiya na Sanibalati a va n'wi hakela.

Nehemiya 6:6

leri ku tsariweke eka rona mhaka leyi nge: “Ku twakele exikarhi ka matiko, na yena Gexeme u vula sweswo leswaku wena ni Vayuda mi kanele makungu ya ku xandzuka, hikwalaho mi pfuxaka rirhangu; mavunwa ma ri hi wena u nga ta va hosi ya vona.

Swivuriso 22:1

Vito lerinene ri tlula rifuwo lerikulu, Ku khensiwa, na kona, ku tlula silivhere ni nsuku.

Swivuriso 29:5

Munhu la hlohlotelaka warikwavo U rhiya ntlhamu emilengeni ya yena.

Eklesiasta 7:1

Ku twakala lokunene ku sasekile ku tlula mafurha ya risuna, ni siku ra ku fa ri tlula siku ra ku velekiwa.

Esaya 51:7

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona;

Esaya 57:11

A wu tshukisiwa, a wu chavisiwa hi mani ku ndzi landzula, hi ku ka u nga ndzi tsundzukanga, u nga vulanga nchumu ha mina? Xana a ndzi miyelanga ni khale, kasi a ku ndzi chavanga.

Yeremiya 1:17

Wena-ke, tibohe xisuti, u yima, u va byela hinkwaswo leswi ndzi nga ta ku lerisa swona; u nga chavi emahlweni ka vona, ndzi nga ti tshuka ndzi ku chavisa emahlweni ka vona.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Ezekiele 2:6

Na wena, n'wana wa munhu, u nga va chavi, u nga chavisiwi hi ku vulavula ka vona, hambi u le xikarhi ka swigatlu ni mitwa ni swipame, u nga chavi ku vulavula na vona, u nga chavi mimombo ya vona hambi va ri vanhu lava tiarisaka.

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Matewu 22:15

Kutani Vafarisi va suka, va ya kanela makungu swin'we hilaha va nga ta n'wi phasa hakona hi marito ya yena.

Matewu 26:59

Kutani vaprista lavakulu, ni huvo hinkwayo ya Sanedri va lava vumbhoni bya mavunwa ehenhla ka Yesu leswaku va ta n'wi dlaya;

Timhaka 6:13

kambe va humesa timbhoni leto hemba leti nga ku: “Munhu loyi, a nga tshiki ku vulavula timhaka leti sandzaka xivandla lexi xa ku kwetsima ni nawu;

2 Vakorinto 11:12

Kambe leswi ndzi swi endlaka, ndzi ta engeta ndzi swi endla, leswaku loko va ri lava lavaka nkarhi, ndzi va pfumarisa wona, leswaku emhakeni leyi va tidzunisaka ha yena, va kumiwa va ri lava fanaka na hina.

1 Timotiya 5:14

Hikwalaho, ndzi rhandza leswaku lavantshwa va tekiwa, va veleka vana, va risa tindlu ta vona, va nga tshuki va nyika mukaneti nkarhi, ni lowutsongo, wa ku hleva.

2 Timotiya 1:7

Hikuva Xikwembu a xi hi nyikangi moya wa vutoya, kambe i moya wa matimba, ni wa rirhandzu, ni wa vutlhari.

Tito 2:8

marito ya wena a ma ve lama hanyisaka, lama nga solekiki, leswaku la kanetaka a va ni tingana hi ku pfumala leswo biha leswi a nga mi vulaka ha swona.

Yakobo 4:17

Loko swi ri tano, la tivaka ku endla leswo saseka, kambe a nga swi endli, u ni vudyoho. Ku tshinyiwa vafuwi lava nga lulamangiki.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”