Nehemiya 3:26 - Xitsonga (Bibele)

²⁶ Vanetinimi va aka laha va tshameke kona eswitsungeni ku ya fika emalunganeni ya nyangwa ya Mati ya tlhelo ra vuxa, ni ka khokholo leri humelaka ehandle.

BIBELE Mahungu Lamanene

²⁶ a aka swin'we ni vatirhi va le Tempeleni lava a va tshama exivandleni lexi vuriwaka Ofele. Pedeya na vanhu lava va akile ku ya fika enyangweni leyi vuriwaka Nyangwa-ya-Mati, hi tlhelo ra le vuxeni, va aka va ya fika ni le xihondzweni.

Nehemiya 3:26 Iomraidhean Croise

1 TIKRONIKA 9:2

Vaaki vo rhanga lava akeke etikweni ra vona ni le mitini ya vona a va ri Vaisraele, ni vaprista, ni Valevhi ni Vanetinimi.

2 TIKRONIKA 27:3

Hi yena la nga aka nyangwa leyi tlakukeke ya yindlu ya Yehovha, a endla ni mitirho leyikulu erirhangwini ra Ofele.

2 TIKRONIKA 33:14

Endzhaku ka sweswo a aka rirhangu ra le handle, evupeladyambu bya muti wa Davhida, tlhelo ra Gihoni, enkoveni, ni ku fika enyangweni ya tinhlampfi, a rhendzela ntsunga ha rona, a ri tlakusa ngopfu; a veka ni tindhuna ta mavandla emitini hinkwayo ya makhokholo ya Yuda.

Nehemiya 10:28

Van'wanyana va tiko, ni vaprista ni Valevhi, ni valanguteri va tinyangwa, ni vayimbeleri, ni Vanetinimi ni hinkwavo lava ngi va tihlawurile eka matiko lama akeke ekusuhi, leswaku va namarhela milawu ya Xikwembu va ri ni vasati va vona, ni vana va vona va xinuna ni va xisati va nga hinkwavo lava ngi va ri ni ku tiva ni ku twisisa,

Nehemiya 11:21

Vanetinimi, vona, a va akile eOfele; Siha na Gixipa a va ri vakamberi va Vanetinimi.

Nehemiya 12:37

Kuteloko va fikile enyangweni ya Tiva, ku lavana ni laha va nga kona, va khandziya hi swikhandziyo swa muti wa Davhida hi ndzulamo wa rirhangu leri ungameleke yindlu ya Davhida, ku ya fika enyangweni ya Mati evuxeni.

Nehemiya 3:27

Emahlweni ka valavo, va Tekowa va aka xiyenge xin'wana xa rirhangu, va sungula emalunganeni ya khokholo lerikulu, leri humelaka ehandle ku ya fika erirhangwini ra Ofele.

Nehemiya 8:1

Kutani tiko hinkwaro ri hlengeletana erivaleni, emahlweni ka nyangwa ya Mati, kukotisa loko a ri munhu un'we va byela Ezra, mutsari ku tisa buku ya milawu ya Muxe, leyi Yehovha a yi leriseke Israele.

Nehemiya 8:16

Hi kona tiko ri sukaka, ri ya lava marhavi kutani va tiendlela mitsonga, un'wana ni un'wana ehenhla ka yindlu ya yena, kumbe erivaleni ra yona, ni le rivaleni ra yindlu ya Xikwembu, ni le ntsendzeleni wa nyangwa ya Mati, ni le ntsendzeleni wa nyangwa ya ka Efrayimi.

Nehemiya 8:3

A hlaya kona erivaleni laha emahlweni ka nyangwa ya Mati, a sungula nimixo ku ko ku fika nhlekanhi, emahlweni ka vavanuna ni vavasati ni lava nga ni ku twisisa, kutani tiko hinkwaro ri rhiya tindleve ku yingisa buku ya milawu.

Esaya 32:14

Hikuva tindlu ta vuhosi ti ta sukeriwa, muti wa pongo wu ta hundzuka rhumbi; xitsunga ni khokholo ra mulanguteri ma ta va mabako hi masiku ni masiku, yi va ndhawu ya timangwa ta nhova, ni madyelo ya mitlhambi,