Nehemiya 2:7 - Xitsonga (Bibele)

⁷ Kambe ndzi ku eka hosi: “Loko hosi yi pfumela, a ndzi nyikiwe papila leri yaka eka tihosi ta hase ka nambu, va ta ndzi pfulela ndlela ndzi ko ndzi ya fika eYudiya.

BIBELE Mahungu Lamanene

⁷ Kutani ndzi ku ka hosi: “Loko u swi tsakela we hosi, ndzi khomise mapapila lawa ndzi nga ta ma komba tindhuna leti fumaka xifundzha xa le vupeladyambu bya nambu wa Yufrata, leswaku ti ta ndzi pfumelela ku tsemakanya ndzi kongoma le Yuda.

Nehemiya 2:7 Iomraidhean Croise

Ezra 6:6

“Loko swi ri tano, wena Tatenayi, hosi ya hase ka nambu, na Xetara-Bozenayi ni vanakulobye va vona va Afarsaka, va le hase ka nambu, mi titshamela etlhelo;

Ezra 7:21

Kutani mina, ndzi nga hosi Ataserkisi, ndzi byela n'wina hinkwenu va hase ka nambu lava hlayisaka xuma xa mina, leswaku mi hatlisa mi endla hinkwaswo hilaha Ezra, muprista ni mutsari wa milawu ya Xikwembu xa le matilweni, a nga ta kombela hakona,

Ezra 8:22

Hikuva a ndzi ri ni tingana ku kombela vandla ra tinhenha, ni vakhandziyi va tihanci eka hosi, leswaku va hi lwela eka valala endleleni, hikuva a hi byerile hosi, hi ku: “Voko ra Xikwembu xa hina ri yimela hinkwavo lava xi lavaka, kasi matimba ni vukari bya xona byi lwa ni hinkwavo lava xi fularhelaka.”

Ezra 8:36

Kambe va nyika tindhuna ta hosi ni vafumi va hase ka nambu, ku lerisa ka hosi, kutani valavo va yimela tiko ni yindlu ya Xikwembu.

Nehemiya 2:9

Kutani ndzi fika eka tihosi ta hase ka nambu, ndzi va nyika mapapila ya hosi, kambe hosi a yi rhumile valerisi van'wana va mavandla, ni vakhandziyi, va ndzi heleketa.

Nehemiya 3:7

Ekusuhi na vona ku lunghisa Melatiya, wa Gibiyoni, na Yadoni, wa Meronoti, ni vanhu va Gibiyoni, ni va Mispa, va le kufumeni ka hosi ya hase ka nambu.