Nehemiya 2:6 - Xitsonga (Bibele)

⁶ Hosi a yi ri ni nsati wa yona, a tshamisile ekusuhi na yona, yi ku eka mina: “Rendzo leri ra wena ri ta va ra masiku mangani-ke? U ta vuya rini xana?” Kutani hosi yi pfumela ku ndzi rhuma, ndzi va ndzi n'wi byela nkarhi wokari.

BIBELE Mahungu Lamanene

⁶ Kutani hosi yi ndzi vutisa yi tshamile na nkosikazi yi ku: “Loko u famba, u ta ya heta nkarhi wo tani hi kwihi, naswona u ta vuya rini xana?” Hiloko ndzi swi vona leswaku hosi ya swi tsakela leswaku ndzi famba, kutani ndzi yi tivisa nkarhi wa kona.

Nehemiya 2:6 Iomraidhean Croise

Nehemiya 1:11

Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.” Kambe a ndzi ri mucheleri wa hosi.

Nehemiya 13:6

Enkarhini wa timhaka toleto, a ndzi nga ri Yerusalema, hikuva hi lembe ra 32 ra Ataserkisi, hosi ya Babilona, a ndzi tlherile, ndzi ya eka hosi;

Nehemiya 2:4

Kutani hosi yi ku eka mina: “U kombela yini ka mina-ke?” Kutani ndzi khongela Xikwembu xa le matilweni,

Nehemiya 2:5

ndzi ku eka hosi: “Loko hosi yi pfumela, ni loko nandza wa wena a kuma tintswalo emahlweni ka wena, u ndzi rhumela eYudiya emutini wa masirha ya vatatana, ndzi ta tlhela ndzi wu aka.”

Nehemiya 5:14

Naswona, ku sukela siku ndzi nga vekiwa hosi ya vona, etikweni ra Yuda, ku suka lembe ra makume mambirhi, ku fika lembe ra makume manharhu na mambirhi ra ku fuma ka Ataserkisi, ku nga hi malembe ya khume na mambirhi, mina ni vamakwerhu a hi dyangi vuswa lebyi averiwaka hosi;

Esaya 58:12

Vanhu va wena va ta tlhela va pfuxa marhumbi ya khale; u ta aka masungulo lama nga vekiwa emikarhini ya khale; kutani u ta vuriwa mupfuxi wa swipetlu, mululamisi wa tindlela ku akisa vanhu etikweni.

Esaya 61:4

Va ta tlhela va pfuxa marhumbi ya khale va ta pfuxeta rirhangu ra khale va ta vuyetela miti leyi onhakeke leyi nga mbundzuxiwa emikarhini ya khale.

Esaya 65:24

Ku ta humelela leswaku loko va huwelela, ndzi ta hlamula, loko va ha vulavula, ndzi ta va yingisa.

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.