Nehemiya 2:5 - Xitsonga (Bibele)

⁵ ndzi ku eka hosi: “Loko hosi yi pfumela, ni loko nandza wa wena a kuma tintswalo emahlweni ka wena, u ndzi rhumela eYudiya emutini wa masirha ya vatatana, ndzi ta tlhela ndzi wu aka.”

BIBELE Mahungu Lamanene

⁵ Kutani ndzi ku ka hosi: “Loko u swi rhandza, ni loko u ndzi tsakela mina nandza wa wena, ndzi pfumelele ndzi ya etikweni ra Yuda, emutini lowu wu nga ni masirha ya va ka hina, leswaku ndzi ya wu pfuxa.”

Nehemiya 2:5 Iomraidhean Croise

2 SAMIELE 14:22

Yowabu a wela ehansi emombyeni a khinsama, a katekisa hosi, kutani Yowabu a ku: “Namuntlha nandza wa wena a tiva leswaku ndzi kumile tintswalo emahlweni ka wena hosi, n'wini wanga, hikuva hosi yi endla hi rito ra nandza wa yona.”

Ezra 5:17

“Loko swi ri tano, loko hosi yi pfumela, a ku laviwe evuhlayiselweni bya xuma xa hosi ya Babilona loko ku vuriwile hi hosi Korexe leswaku ku akiwa yindlu ya Xikwembu eYerusalema, kutani hosi yi ta hi tivisa ku rhandza ka yona emhakeni leyi.”

Nehemiya 2:4

Kutani hosi yi ku eka mina: “U kombela yini ka mina-ke?” Kutani ndzi khongela Xikwembu xa le matilweni,

Nehemiya 2:6

Hosi a yi ri ni nsati wa yona, a tshamisile ekusuhi na yona, yi ku eka mina: “Rendzo leri ra wena ri ta va ra masiku mangani-ke? U ta vuya rini xana?” Kutani hosi yi pfumela ku ndzi rhuma, ndzi va ndzi n'wi byela nkarhi wokari.

Estere 1:19

Hikwalaho, loko hosi yi pfumela, ku lerisa ka ku fuma a ku endliwe hi yena, kutani ku tsariwa ebukwini ya milawu ya Peresi na Mediya, ku va loku nga riki na ku hundzuka, leswaku, Vhasiti a nga ha tshuki a ta emahlweni ka hosi Ahasuwerusi, kutani hosi a yi nyike vukosikazi bya yena eka un'wana la n'wi tlulaka hi ku lulama.

Estere 5:8

Loko swange ndzi kume tintswalo emahlweni ka hosi loko hosi yi nga pfumela ku ndzi nyika ku kombela ka mina, ni ku endla tani hi ku khongela ka mina, ndzi ri, hosi a yi engete yi ta na Hamani eswakudyeni leswi ndzi nga ta va lunghisela swona, kutani mundzuku ndzi ta endla hi ku vula ka hosi.”

Estere 7:3

Nkosikazi Estere a hlamula, a ku: “Loko ngi ndzi kume tintswalo emahlweni ka wena, hosi, loko hosi yi nga pfumela, a ndzi nyikiwe ku hanya ka mina hi ku kombela ka mina, ni ku hanya ka varikwerhu hi ku kombela ka mina;

Estere 8:5

a ku: “Loko hosi yi pfumela, ni loko ndzi kume tintswalo emahlweni ka yona, loko mhaka ya mina yi lulamile emahlweni ka hosi, kambe loko ndzi ri la tsakisaka emahlweni ka yona, a ku tsariwe leswaku ku hundzuluxiwa mapapila lawa ma tsariweke hi vutlhari bya Hamani, n'wana Hamedata, Muagaga, lawa ma tsariweke hi yena ku dlaya Vayuda va matiko hinkwawo ya hosi.

Swivuriso 3:4

U ta kuma tintswalo ni xichavo, Emahlweni ka Xikwembu ni ka vanhu.

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Matewu 23:27

“Mi ni khombo n'wina, vatsari ni Vafarisi, vamanyunyu, hikuva mi kotisa masirha lama basisiweke, ma vangamisiwa ehandle, kasi endzeni ku tele marhambu ya vafi ni ku bola hinkwako.

Rhuti 2:13

Kutani a ku eka yena: “Hosi yanga! Ndzi kumile tintswalo emahlweni ka wena, hikuva u ndzi chavelele, u ndzi byerile hilaha mbilu ya mina yi rhandzaka hakona, hambi ndzi nga fani ni un'wana wa malandza ya wena.”