Nehemiya 2:13 - Xitsonga (Bibele)

¹³ Ndzi huma nivusiku hi nyangwa ya Nkova, ndzi languta tlhelo ra xihlovo xa Dragona, ni tlhelo ra nyangwa ya Vulongo, ndzi languta rirhangu ra Yerusalema, hilaha ri mbundzuxiweke hakona, ni timbanti ta kona hilaha ti tshameke ti tshwile.

BIBELE Mahungu Lamanene

¹³ Vusiku byebyo ndzi fambile ndzi ya ta hi le nyangweni leyi vuriwaka Nyangwa-ya-le-Nkoveni, ndzi ya hundza hi le ka Xihlovo-xa-Nyoka, ni le nyangweni leyi vuriwaka Nyangwa-ya-Vulongo, ndzi famba ndzi ri karhi ndzi valanga rirhangu ra muti wa Yerusalema leri mbundzumuxiweke, ni tinyangwa leti herisiweke hi ndzilo.

Nehemiya 2:13 Iomraidhean Croise

2 TIKRONIKA 26:9

Uziya a aka makhokholo eYerusalema, enyangweni ya yinhla, ni le nyangweni ya nkova ni le yinhleni, kutani a ma tiyisa.

Nehemiya 1:3

va ku eka mina: “Masalela, lama saleke eku bohiweni, lava akeke etikweni leriya, va le nhlomulweni lowukulu, ni le tinganeni; rirhangu ra Yerusalema, i swiphemu, ni timbanti ta kona ti tshwile hi ndzilo.”

Nehemiya 12:31

Kutani ndzi khandziyisa tihosana ta va Yuda ehenhla ka rirhangu, ndzi veka mitlawa mimbirhi leyikulu leyi yimbelelaka va yimile hi ku longoloka, wun'wana wu famba ehenhla ka rirhangu hitlhelo ra xinene, wu langutile enyangweni ya Vulongo;

Nehemiya 2:12

kutani ndzi suka nivusiku, ndzi ri ni vanhu va nga ri vangani, hikuva a ndzi byelanga munhu leswi Xikwembu xa mina xi swi vekeke embilwini ya mina, leswaku ndzi ya swi endla eYerusalema, kambe a ndzi nga ri na xifuwo ximbe, loko xi nga ri lexi ngi ndzi xi khandziyile.

Nehemiya 2:15

Kambe vusiku byebyo, ndzi tlhandluka enambyeni, ndzi valanga rirhangu, ndzi tlhela ndzi ta nghena enyangweni ya Nkova, ndzi vuyisa sweswo.

Nehemiya 2:17

Kutani ndzi ku eka vona: “Ma ri vona khombo leri hi nga eka rona, hilaha Yerusalema, wu onhakeke hakona ni hilaha timbanti ta wona ti tshweke hakona; tanani, a hi pfuxeni rirhangu ra Yerusalema, hi nga ti tshama exisandzwini.”

Nehemiya 2:3

ndzi ku eka hosi: “Hosi a yi hanye hilaha ku nga heriki! Xana ndzi nga tshika ku khanyana mombo ha yini, leswi muti wa masirha ya vatatana wu onhakeke, timbanti ta wona ti tshama ti tshwile hi ndzilo?”

Yeremiya 5:10

“Khandziyani emarhangwini ya yena, mi mbundzuxa, kambe ku nga vi ku ya herisela emakumu; tsuvulani vhinya ya yena; hikuva a hi vhinya ya Yehovha.