Nehemiya 13:5 - Xitsonga (Bibele)

⁵ a n'wi lunghiserile kamara leyikulu, laha ku nga hlayisiwa mihlengo ni mirhi ya risuna khale, ni mitirho, ni ku pambula ka vukhume eka koro, ni ka vhinyo leyintshwa, ni mafurha, leswi ngi swi lerisiwile Valevhi ni vayimbeleri, ni valanguteri va tinyangwa, ni mihlengo leyi hlawuleriwaka vaprista.

BIBELE Mahungu Lamanene

⁵ kutani a rhurhela Tobiya endlwini leyikulu leyi khale a va veka eka yona mapa ya magandzelo, ni mirhi ya risuna, ni swibya, ni vukhume bya mavele, ni bya vhinyo, ni bya mafurha. Swilo leswi hi ku ya hi nawu a swi nyikiwa Valevhi ni vayimbeleri, ni varindzi va le tinyangweni, kasi swin'wana a swi nyikiwa vaprista.

Nehemiya 13:5 Iomraidhean Croise

2 TIKRONIKA 31:11

Kavaloko Hezekiya a va lerisa ku lunghisa makamara endlwini ya Yehovha, va ti lunghisa.

2 TIKRONIKA 34:11

va yi nyika vavatli ni vaaki ku xava maribye lama vatliweke, ni mirhi ya mitirho ya ku tiyisa vuako, ni ya malwango ya tindlu leti hlanhliweke hi tihosi ta Yuda.

Nehemiya 10:36

ni mativula ya vana va hina ni ya swifuwo swa hina, hilaha ku tsariweke hakona emilawini, ni ku tisa endlwini ya Xikwembu xa hina, eka vaprista lava tirhaka mitirho endlwini ya Xikwembu xa hina, mativula ya tihomu ta hina ni ya tinyimpfu ta hina.

Nehemiya 10:37

Hi ta tisa leswi hlawuriweke swa mapa ya hina, ni swa tinyiko ta hina, ni swa mihandzu ya mirhi hinkwayo, ni swa vhinyo leyintshwa, ni mafurha, hi swi nehela vaprista emakamareni ya yindlu ya Xikwembu xa hina, swin'we ni ku pambula ka khume ka swa misava, swi nga swa Valevhi; hikuva vona Valevhi va ta teka ku pambula ka khume eka swona emitini hinkwayo leyi nga ni masimu ya tiko ra hina;

Nehemiya 10:38

muprista, n'wana Aroni, u ta va ni Valevhi siku va tekaka ku pambula ka khume, kutani Valevhi va ta neha ku pambula ka khume eka swa vukhume endlwini ya Xikwembu xa hina, emakamareni ya yindlu ya vuhlayiselo.

Nehemiya 12:44

Siku lero ku vekiwa vakamberi ku kambela makamara ya vuveko bya mihlengo, ni bya swirhangana, ni bya ku pambula ka hi khume va ta hlayisela kona mihlengo leyi humaka emitini ya matlhelo, swi ri leswi averiwaka eka vaprista ni Valevhi hi nawu, hikuva ku tsaka a ku ri kona eka Yuda, hikuva vaprista ni Valevhi va tlherile va yima emahlweni ka Xikwembu,

Nehemiya 13:7

kuteloko lembe ri herile, ndzi pfumeleriwa hi hosi ku tlhelela eYerusalema, kutani ndzi tsundzuka swo biha leswi endliweke hi Eliyaxibi ematshan'weni ya Tobiya, hilaha a n'wi lunghiseleke kamara hakona exivaveni xa yindlu ya Xikwembu.

Ezekiele 40:38

Kamara a yi ri kona leyi nga ni nyangwa ya yona ekusuhi ni timhandze ta tinyangwa; hilaha ingi va hlantswa timhamba kona.