Nehemiya 13:4 - Xitsonga (Bibele)

⁴ Leswo swi nga si va kona, Eliyaxibi muprista la nga vekiwa mukamberi wa makamara ya yindlu ya Xikwembu xa hina, warikwavo eka Tobiya,

BIBELE Mahungu Lamanene

⁴ Loko leswi swi nga si humelela, muprista Eliyaxibi a a vekiwile ku va mulanguteri wa yindlu ya Xikwembu. Eliyaxibi a a ri munghana wa Tobiya,

Nehemiya 13:4 Iomraidhean Croise

Nehemiya 12:10

Yexuwa a veleka Yoyakimi, Yoyakimi a veleka Eliyaxibi, Eliyaxibi a veleka Yoyada,

Nehemiya 12:44

Siku lero ku vekiwa vakamberi ku kambela makamara ya vuveko bya mihlengo, ni bya swirhangana, ni bya ku pambula ka hi khume va ta hlayisela kona mihlengo leyi humaka emitini ya matlhelo, swi ri leswi averiwaka eka vaprista ni Valevhi hi nawu, hikuva ku tsaka a ku ri kona eka Yuda, hikuva vaprista ni Valevhi va tlherile va yima emahlweni ka Xikwembu,

Nehemiya 13:28

Un'wanyana wa vana va Yehoyada, n'wana Eliyaxibi, muprista lonkulu, a nga mukon'wana wa Sanibalati, Muhoroni, ndzi n'wi hlongola emahlweni ka mina.

Nehemiya 2:10

Sanibalati, Muhoroni, na Tobiya, nandza wa Muamoni, va va ni gome hi ku tlurisa, loko va twa leswaku ku fikile wanuna la nga ta endla vana va Israele vunene.

Nehemiya 3:1

Kutani Eliyaxibi, muprista lonkulu ni vaprista vamakwavo va suka va aka nyangwa ya Tinyimpfu, va yi hlawulela Yehovha, va nghenisa timbanti ta kona, kambe va aka va hlawulela Yehovha rirhangu ku fika ekhokholweni ra Mea, ni ku fika ekhokholweni ra Hananele.

Nehemiya 6:1

Sanibalati, na Tobiya, na Gexeme, Muarabu, ni lava seleke va valala va hina, kuteloko va twile leswaku ndzi pfuxile rirhangu, ni leswaku a ka ha ri na laha ngi ri mbundzuxiwile, hambi ndzi nga si vehela timbanti ta tinyangwa ku fikela enkarhini wolowo,