Nehemiya 13:1 - Xitsonga (Bibele)

¹ Enkarhini wolowo ku hlayiwa buku ya Muxe, emahlweni ka tiko, va kuma ku tsariwile leswaku Vaamoni ni Vamowabu, va nga ka va nga ngheni enhlengeletanweni ya Xikwembu, ni siku ni rin'we,

BIBELE Mahungu Lamanene

¹ Siku rero, vanhu va hlayeriwile buku ya Nawu wa Muxe, kutani ku kumeka ku tsariwile leswaku Vaamoni kumbe Vamowabu va nga tshuki va nghena laha vanhu va Xikwembu va hlengeletaneke kona,

Nehemiya 13:1 Iomraidhean Croise

2 TIHOSI 23:2

Kutani hosi yi tlhandluka endlwini ya Yehovha swin'we ni vanhu hinkwavo va Yuda, ni vaaki hinkwavo va Yerusalema, ni vaprista, ni vaprofeta, ni tiko hinkwaro, ku suka eka lontsongo, ku fika eka lonkulu; kutani a va hlayela marito hinkwawo ya buku ya ntwanano leyi kumiweke endlwini ya Yehovha.

Nehemiya 13:23

Emikarhini yoleyo kambe, ndzi vona leswaku Vayuda van'wanyana va tekile vasati va Vaaxidodo, ni va Vaamoni, ni va Vamowabu;

Nehemiya 2:10

Sanibalati, Muhoroni, na Tobiya, nandza wa Muamoni, va va ni gome hi ku tlurisa, loko va twa leswaku ku fikile wanuna la nga ta endla vana va Israele vunene.

Nehemiya 2:19

Sanibalati, Muhoroni, na Tobiya nandza wa Muamoni, na Gexeme Muarabu, kuteloko va twile mhaka leyi, va tlanga ha hina, va hi hleka, va ku: “I xini lexi mi xi endlaka? Xana mi rhandza ku tiarisela eka hosi xana?”

Nehemiya 4:3

Tobiya, Muamoni, la ngi a yimile ekusuhi na yena, a ku: “Leswi va swi akaka, hambi mhungubye loko yi nga khandziya kona, yi nga mbundzuxa rirhangu ra vona ra maribye!”

Nehemiya 8:2

Hi siku ro sungula ra n'hweti ya ntlhanu na timbirhi, Ezra, muprista, a tisa milawu emahlweni ka nhlengeletano ya vavanuna ni vavasati, ni hinkwavo lava ngi va kota ku twisisa.

Nehemiya 9:3

Va yimile ematshan'weni ya vona, kutani ku hlayiwa buku ya milawu ya Yehovha, Xikwembu xa vona, hi ku avanyisa ka vumune ka siku rin'wana ni rin'wana; hi ku avanyisa kun'wana ka vumune va humesa ku tivula ka vona kutani va khinsama emahlweni ka Yehovha, Xikwembu xa vona.

Esaya 34:16

Lavani ebukwini ya Yehovha, mi hlaya! A ku na un'we wa vona la nga ta pfumaleka; a ku na un'we la nga ta pfumala nakulobye; hikuva nomu wa yena wu vurile, kutani moya wa yena wu va hlengeletile.

Yeremiya 48:1

Ku vula Yehovha wa tinyimpi, Xikwembu xa Israele a ku: “U ni khombo Nebo, hikuva u onhiwile; Kiriyatayimi u khomisiwile tingana, u ngheniwile; Misigaba u khomisiwile tingana, kutani u tshoviwile.

Amosi 1:13

Yehovha u ri: “Hikwalaho ka milandzu minharhu, kumbe ya mune ya vana va Amoni — ndzi nga ka ndzi nga hundzuki, hikuva va handzule makhwiri ya vavasati lava tikeke va Giliyadi leswaku va kurisa tiko ra vona,

Tinhlayo 22:5

A rhuma tintsumi eka Balaama, n'wana Beyori, emutini wa Petoro, enambyeni, etikweni ra vana va tiko ra yena, ku ya n'wi vita; va ku eka yena: “Waswivo, tiko ri humile eEgipta, ri funengeta misava, kambe ri akile ri langutene na mina.

Luka 10:26

Yesu a ku eka yena: “Ku tsariwile yini enawini; u hlaya yini kona?”

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Timhaka 15:21

hikuva ku sukela etinxakeni ta khale, Muxe u ni lava n'wi vulaka emutini wun'wana ni wun'wana, leswi a hlayiwaka emasinagogeni hi masiku hinkwawo ya Savata.”