Nehemiya 12:44 - Xitsonga (Bibele)

⁴⁴ Siku lero ku vekiwa vakamberi ku kambela makamara ya vuveko bya mihlengo, ni bya swirhangana, ni bya ku pambula ka hi khume va ta hlayisela kona mihlengo leyi humaka emitini ya matlhelo, swi ri leswi averiwaka eka vaprista ni Valevhi hi nawu, hikuva ku tsaka a ku ri kona eka Yuda, hikuva vaprista ni Valevhi va tlherile va yima emahlweni ka Xikwembu,

BIBELE Mahungu Lamanene

⁴⁴ Hi siku rero ku hlawuriwa vavanuna lava nga ta va valanguteri va yindlu ya vuhlayiselo bya mihlengo, ni leswi rhangaka swi tshoveriwa emasin'wini, ni vukhume. Vavanuna lava a va fanele ku hlengeleta leswi, hi ku ya hi nawu, swi nyikiwaka vaprista ni Valevhi swi huma emasin'wini lama nga kusuhi ni miti. Vanhu va le Yuda a va tsaka swinene hi leswi vaprista ni Valevhi a va tirhisa swona,

Nehemiya 12:44 Iomraidhean Croise

1 TIKRONIKA 23:28

“Hikuva va vekiwile ekusuhi ni vana va Aroni ku tirha ntirho wa yindlu ya Yehovha a va ri valanguteri va swivava ni makamara; va basisa swilo hinkwaswo leswi hlawuriweke va tirha ntirho wa yindlu ya Xikwembu;

1 TIKRONIKA 26:20

Exikarhi la Valevhi, Ahiya a a ri muhlayisi wa xuma xa yindlu ya Xikwembu, ni wa xuma xa swilo leswi hlawuriweke.

1 TIKRONIKA 9:26

hikuva valanguteri lavakulu va mune, Valevhi, a va ri ni mfanelo ya ku langutela makamara ni xuma xa yindlu ya Xikwembu.

Nehemiya 10:36

ni mativula ya vana va hina ni ya swifuwo swa hina, hilaha ku tsariweke hakona emilawini, ni ku tisa endlwini ya Xikwembu xa hina, eka vaprista lava tirhaka mitirho endlwini ya Xikwembu xa hina, mativula ya tihomu ta hina ni ya tinyimpfu ta hina.

Swivuriso 8:34

Ku katekile munhu la ndzi yingisaka, La langutaka nyangwa ya mina hi masiku, La hanyaka emarimbeni ya nyangwa ya mina.

Esaya 40:31

kambe lava tshembaka Yehovha va engeta va kuma matimba lamantshwa. Va ta haha tanihi magama, va ta tsutsuma va nga karhali; va ta famba va nga tsani!

Tinhlayo 3:10

U ta veka Aroni ni vana va yena leswaku va tirha ntirho wa vuprista, kambe wamatiko la nga ta tshinelela u ta dlawa.”

Varhoma 12:7

la averiweke ntirho, a a tiye entirhweni; la dyondzisaka, a a tiye eku dyondziseni, la khongotelaka a a tiye eku khongoteleni;

Duteronoma 18:8

u ta dya leswi ringanaka swa vona, ku nga hlayiwi leswi a swi kumeke endzhakeni ya vatata wa yena.