Nehemiya 1:4 - Xitsonga (Bibele)

⁴ Kuteloko ndzi twile timhaka leti, ndzi tshama ehansi, ndzi rila, ndzi va enkosini hi masiku layo talanyana, kambe ndzi titsona swakudya, ndzi khongela emahlweni ka Xikwembu xa le matilweni,

BIBELE Mahungu Lamanene

⁴ Kuteloko ndzi twa marito lawa, ndzi tshama hansi ndzi rila. Ndzi hetile masiku yo tala ndza ha rila, ndzi titsona ni swakudya, ndzi khongela Xikwembu xa matilo,

Nehemiya 1:4 Iomraidhean Croise

2 SAMIELE 12:16

Kambe Davhida a lava Xikwembu hikwalaho ka n'wana, a titsona swakudya, a nghena endlwini a tshama vusiku hinkwabyo a etlele hansi.

2 TIHOSI 22:19

Leswi mbilu ya wena yi oloveke, kutani u titsongahatile emahlweni ka Yehovha loko u yingisile leswi ndzi swi vuleke ehenhla ka ndhawu leyi, ni le henhla ka vaaki va yona, leswaku va ta herisiwa ni ku rhukaniwa, kutani leswi u handzuleke tinguvu ta wena, u ko u rila emahlweni ka mina, na mina ndzi yingisile, ku vula Yehovha.

2 TIKRONIKA 6:13

hikuva Solomoni a a endlile ndhawu ya ku yima eka yona ya koporo, a yi vekile exikarhi ka xivava; ku leha ka yona a swi ri swisungunhu swa ntlhanu, ni ku anama ka yona swisungunhu swa ntlhanu ni ku tlakuka ka yona swisungunhu swinharhu; a khandziya kona, kutani, kuteloko a khinsamile hi matsolo emahlweni ka nhlengeletano hinkwayo ya Israele, a tlakusela mavoko ya yena ehenhla,

Ezra 1:2

“Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

Ezra 10:1

Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

Ezra 9:3

Kuteloko ndzi twile mhaka leyi, ndzi handzula banci ra mina, ni nguvu, ndzi hluva misisi ya nhloko ya mina, ni malebvu ya mina ndzi tshama ehansi ndzi ri ni gome.

Ezra 9:5

Hi nkarhi wa magandzelo ya madyambu, ndzi yima kona eku titsongahateni ka mina, banci ni nguvu ya mina swi handzuriwile, ndzi khinsama hi matsolo, ndzi tlakusa mavoko ya mina eka Yehovha, Xikwembu xanga,

Nehemiya 2:20

Ndzi va hlamula ndzi ku eka vona: “Xikwembu xa matilo, hi xona xi nga ta hi pfuna hina, malandza ya xona, hi ta pfuka hi aka. Loko mi ri n'wina, a mi na ku averiwa, ni loko yi ri mfanelo, hambi xitsundzuxo eYerusalema.”

Nehemiya 2:4

Kutani hosi yi ku eka mina: “U kombela yini ka mina-ke?” Kutani ndzi khongela Xikwembu xa le matilweni,

Pisalema 102:15

Hi laha matiko hinkwawo ma nga ta chava vito ra Yehovha, Ni tihosi hinkwato ta misava ti chava ku kwetsima ka wena.

Pisalema 136:26

Dzunisani Xikwembu xa matilo, Hikuva tintswalo ta yena hi leti nga heriki!

Pisalema 137:1

Etimbuweni ta milambu ya Babilona, A hi tshama hi rila loko hi tsundzuka Siyoni.

Daniele 10:2

Enkarhini wolowo, mina, Daniele ndzi ve ku rileni hi mavhiki manharhu,

Daniele 2:18

va ku va kombela tintswalo eka Xikwembu xa le henhla ematshan'weni ya xihundla xexo, leswaku Daniele ni vanakulobye va nga tshuki va dlawa ni tintlhari tin'wana ta Babilona.

Daniele 9:3

Kutani ndzi tlakusa mahlo ya mina eka Hosi Xikwembu, ndzi tilunghisela ku khongela ni ku kombela hi ku titsona swakudya; ndzi funengele nguvu leyo khwaxa, ni nkuma.

Yonasi 1:9

Yena a ku eka vona: “Ndzi Muheveru, ndzi chava Yehovha, Xikwembu xa matilo, la endleke lwandle ni misava.”

Sofoniya 3:18

“Ndzi ta hlengeleta kun'we lava rilelaka tinhlengeletano letikulu; va huma eka wena; va tikeriwa hi xisolo.

Varhoma 12:15

Tsakani ni lava tsakeke, mi rila ni lava rilaka.