Nehemiya 1:11 - Xitsonga (Bibele)

¹¹ Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.” Kambe a ndzi ri mucheleri wa hosi.

BIBELE Mahungu Lamanene

¹¹ We HOSI, ndzi kombela leswaku u rhiya ndleve u yingisa xikhongelo xa mina nandza wa wena, u yingisa ni xikhongelo xa malandza ya wena lawa ma tinyungubyisaka hi vito ra wena lero chaviseka. Ndzi kombela leswaku u ndzi katekisa mina nandza wa wena, u endla leswaku namuntlha hosi ya tiko yi ndzi komba tintswalo.” Enkarhini lowu, a ndzi ri mucheri wa vhinyo ya hosi.

Nehemiya 1:11 Iomraidhean Croise

Genesa 24:42

“Hi kona ndzi fikeke namuntlha exihlobyeni ndzi ku: ‘Yehovha, Xikwembu xa n'wini wanga Abrahama, kungakuloko u katekisa ndlela leyi ndzi nga na yona,

Genesa 32:11

Ndza ku khongela, ndzi ponise evokweni ra hosi ya mina, evokweni ra Esawu, hikuva ndza n'wi chava, a nga ta ta a ta ndzi ba, a dlaya vana ni mana wa vona.

Genesa 32:28

Loyi a ku: “Vito ra ku a ri nga ha vuriwi Yakobo, kambe u ta va Israele (la hluleke Xikwembu); hikuva u kamane na Xikwembu, u lwile ni vanhu, kutani u va hlurile.”

Genesa 40:1

Endzhaku ka timhaka teto, mucheleri wa hosi ya Egipta ni muphameri wa xinkwa, va dyohela n'wini wa vona, hosi ya Egipta.

Genesa 40:2

Kutani Faro a karihela tindhuna letimbirhi ta yena, ndhuna ya vacheleri ni ndhuna ya vaphameri;

Genesa 40:21

a tlherisela ndhuna ya vacheleri eku cheleleni ka yena, leswaku a tama a nyiketa Faro xidzuvulo emandleni,

Genesa 40:23

Kambe ndhuna ya vacheleri a nga tsundzukanga Yosefa, kambe a n'wi rivala.

Genesa 41:9

Kavaloko ndhuna ya vacheleri a vulavula na Faro, a ku: “Namuntlha ndzi tsundzuka milandzu ya mina.

Genesa 43:14

kutani Xikwembu xa matimba hinkwawo a xi mi kumise tintswalo eka munhu yeloyi, a ta mi tlherisela ni makwenu lo un'wana na Benjamini. Loko ndzi ri mina, loko ndzi fanekele ku lahlekeriwa hi vana, a ndzi lahlekeriwe hi vona!”

2 TIKRONIKA 6:40

“Oho, Xikwembu xanga! Sweswi mahlo ya wena a ma hanyanye, u yingisa hi tindleve ta wena xikhongelo lexi humesiweke endhawini leyi!

Ezra 1:1

Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

Ezra 7:6

Ezra yeloyi, a suka eBabilona. A a ri mutsari wa ku tlhariha emilawini ya Muxe, leyi nyikiweke hi Yehovha, Xikwembu xa Israele. Hosi yi n'wi nyika hinkwaswo leswi a swi kombelaka hikuva voko ra Yehovha, Xikwembu xa yena, a ri ri na yena.

Nehemiya 1:6

Oho! Ndleve ya wena a yi rhiyete, ni mahlo ya wena a ma hanyanye, u ta yingisa mikhongelo ya nandza wa wena, leyi ndzi nga karhi ndzi tlhandlukiselaka eka wena enkarhini wa sweswi, nhlekanhi ni vusiku, ndzi khongelela malandza ya wena, vana va Israele, ndzi karhi ndzi vula swidyoho swa vana va Israele, leswi hi ku dyoheleke ha swona, hikuva mina ni yindlu ya tatana hi dyohile.

Nehemiya 2:1

En'hwetini ya Nisani, hi lembe ra makume mambirhi ra ku fuma ka Ataserkisi, kakuloko vhinyo yi ri emahlweni ka yena, ndzi teka vhinyo, ndzi nyika hosi; kambe a ndzi nga si vusangana mombo emahlweni ka yena.

Nehemiya 2:8

Kambe a ndzi nyikiwe papila leri yaka eka Asafa, mukamberi wa swihlahla swa hosi, leswaku a ta ndzi nyika timhandze ta ku endla timbanti ta tinyangwa ta khokholo ra yindlu ya Yehovha, ni ta rirhangu ra muti, ni ta yindlu leyi ndzi nga ta tshama eka yona.” Hosi yi ndzi nyika mapapila walawo hilaha voko ra vunene bya Xikwembu xanga ngi ana ri le ka mina.

Pisalema 106:46

A va pfuxela tintswalo eka hinkwavo lava va va boheke, Lava ngi va ri vakhomiwa eka vona.

Pisalema 130:2

Wee Hosi, yingisa rito ra mina! Tindleve ta wena a ti yingisele Rito ra ku khongela ka mina!

Pisalema 61:5

Hikuva wena, Xikwembu, u yingisile ku kombela ka mina, U ndzi nyikile ndzhaka ya lava chavaka vito ra wena.

Pisalema 86:6

Oho Yehovha, yingisa ku khongela ka mina, Yingisa rito ra ku huwelela ka mina!

Swivuriso 1:29

Hikuva va vengile vutivi, A va tihlawulelanga ku chava Yehovha,

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Yeremiya 42:12

Ndzi ta humesa ku tsetselela embilwini ya yena hikwalaho ka n'wina, u ta mi tlherisela etikweni ra n'wina.

Malakiya 3:16

Kwalaho lava chavaka Yehovha va vulavula kun'we, un'wana ni makwavo, kutani Yehovha a rhiya ndleve, a yingisela; buku ya xitsundzuxo yi tsariwa emahlweni ka yena, yi tsaleriwa lava chavaka Yehovha ni lava tsundzukaka vito ra yena.

Vaheveru 13:18

Hi khongeleleni, hikuva ha ehleketa leswaku hi ni ripfalo lerinene, hi ri karhi hi rhandza ku endla swinene ematlhelweni hinkwawo.