Mikiya 7:4 - Xitsonga (Bibele)

⁴ La tlulaka van'wana hi vunene u kotisa xigatlu, ni loyi a va tlulaka hi ku lulama u fana ni xihlahla xa mitwa. Ku biwa ka wena ku ta humelela hi siku leri vuriwaka hi malandza ya wena, hikwalaho va ta khomiwa hi tingana.

BIBELE Mahungu Lamanene

⁴ Lava tlulaka van'wana hi vunene, va kota xigatlu, lavo lulama ngopfu va fana ni rihlampfu ra mitwa. Nkarhi wa vona wa ku biwa, lowu vaprofeta va va byeleke wona, wu fikile, kutani sweswi va hlangane tinhloko.

Mikiya 7:4 Iomraidhean Croise

Esaya 22:5

Hikuva i siku ra nkitsikitsi, ra ku onhaka, ra ku pyatsapyatseka, leri rhumiweke hi Hosi, Yehovha wa tinyimpi, enkoveni wa swivono; rirhangu ri wisiwa ehansi, kutani huwa ya nkosi yi ya fika entshaveni.

Ezekiele 2:6

Na wena, n'wana wa munhu, u nga va chavi, u nga chavisiwi hi ku vulavula ka vona, hambi u le xikarhi ka swigatlu ni mitwa ni swipame, u nga chavi ku vulavula na vona, u nga chavi mimombo ya vona hambi va ri vanhu lava tiarisaka.

Esaya 10:3

Mi ta endla yini hi siku ra ku kambiwa ni loko ku lova loku humaka ekule ku ta mi wela ehenhla? Mi ta tsutsumela eka mani ku pfuniwa? Mi ta veka kwihi xuma xa n'wina xana?

Vaheveru 6:8

kambe loko yi ri leyi humesaka mitwa ni mahlwehlwe, yi tshinyiwa, yi va yi ri ekusuhi ni ku rhukaniwa, kutani yi ta hela hi ku tshwa.

Luka 21:25

“Masingita ma ta va kona edyambyini, ni le n'wetini, ni le tinyeletini, ni la emisaveni, vamatiko va ta xaniseka, va kanakana hikwalaho ka ku pfuma ka lwandle ni magandlati.

Nahume 1:10

Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Amosi 8:2

A ku eka mina: “U vona yini Amosi?” Ndzi ku: “Ndzi vona xirhundzu lexi teleke mihandzu leyi vupfeke.” Kutani Yehovha a ku eka mina: “Ku hela ka tiko ra mina ra Israele ku fikile, a ndzi nga ha tshami ndzi va rivalela.

Yeremiya 10:15

Swilo sweswo i vuhava, i mitirho ya ku kanganyisa; siku swi tshinyiwaka swi ta hela.

Yeremiya 8:12

Va ta avanyiseriwa makumu, hikuva va endlile manyala; a va ha tshukisiwi, a va ha khomisiwi hi tingana, hikwalaho va ta khunguvanyeka lava khunguvanyekaka; siku ndzi va tshinyaka va ta wisiwa, ku vula Yehovha.

Esaya 55:13

Ematshan'weni ya mitwa ku ta kula kipresi, ematshan'weni ya mphasamhala, ku ta kula mirta; swi ta twarisa Yehovha, xi ta va xikombiso lexi nga heriki, lexi nga herisiwiki.”

Yeremiya 11:23

Ku nga ka ku nga phonyoki na un'we wa vona, hikuva ndzi ta vangela vanhu va Anatoto khombo hi lembe ra ku biwa ka vona.’ ”

Yeremiya 46:21

Langutani vatatisi va yena va kotisa marhole lama nonisiweke, hikuva na vona va rhendzeleka, va baleka swin'we, a va yimi siku ra vona ra makhombo ri va tela, siku ro holoveriwa ra vona.

Ezekiele 28:24

A ku nga ha vi na mutwa lowu tlhavaka, kumbe ku tlhava loku vavisaka eka yindlu ya Israele, exikarhi ka hinkwavo lava va rhendzelaka, va nga lava ingi va va xanisa, va ta swi tiva leswaku hi mina Hosi Yehovha.