Mikiya 7:2 - Xitsonga (Bibele)

² Munhu lonene u lovile emisaveni, a ka ha ri na la lulameke exikarhi ka vanhu. Hinkwavo va bvutama ku halata ngati, un'wana ni un'wana u rhiyile makwavo hi ntlhamu.

BIBELE Mahungu Lamanene

² Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Mikiya 7:2 Iomraidhean Croise

Pisalema 10:9

Wa rindza emunyameni kukotisa nghala leyi nga ebakweni ra yona; Wa rindza ku khoma la nga enhlomulweni; A n'wi khoma, a n'wi koka hi ntlhamu wa yena.

Pisalema 12:1

Hi hlayise, Yehovha! Hikuva vanhu lavanene va hela, Lavo tshembeka va lova exikarhi ka vana va vanhu.

Pisalema 12:2

Va hembelana ku yenga ku le milon'wini ya vona, Va vulavula, va ni timbilu timbirhi.

Pisalema 57:6

A va rhiyile ntlhamu ehansi ka mikondzo ya mina, Moya wa mina a wu korhamile; A va cerile rindzi emahlweni ka mina: Ku wele vona eka rona.

Swivuriso 1:11

Loko va ku: “A hi fambeni swin'we! Hi ya etlelela, Hi rhiya lava nga riki na nandzu, hi halata ngati ya vona,

Swivuriso 12:6

Marito ya lavo biha i marindzi ya ku halata ngati, Loko yi ri milomu ya lava lulameke ya va kutsula.

Esaya 3:5

Kutani vanhu va ta welana ehenhla, un'wana ni un'wana u ta dya warikwavo; jaha ri ta pfukela matimba munhu la dyuhaleke ni la solekaka a pfukela la dzunisiwaka.

Esaya 57:1

Loyi a lulameke a fa, kambe a ku na munhu la xiyaxiyaka mhaka leyi, vanhu va vukhongeri va susiwa, kutani a ku na la twisisaka leswaku lowo lulama a susiwa emahlweni ka leswo biha.

Esaya 59:7

milenge ya vona yi tsutsumela eku biheni, yi ni matsambo ku ya halata ngati leyi nga riki na nandzu; miehleketo ya vona i miehleketo ya ku dyoha ku onhaka ni makhombo swi le tindleleni ta vona.

Esaya 9:19

Hi vukari bya Yehovha wa tinyimpi, misava ya hisiwa; tiko ri tshwa hi ndzilo, a ku na munhu la tsetselelaka makwavo.

Yeremiya 16:16

“Vonani, ndzi ta vitana vaphasi lavo tala, ku vula Yehovha, kutani va ta va phasa; kambe ndzhaku, ndzi ta rhuma vahloti lavo tala, va ta va hlota etintshaveni hinkwato ni le switsungeni hinkwaswo ni le mabakweni ya maribye.

Yeremiya 5:16

Nkotloto wa rona wu kotisa sirha leri ahlameke; hinkwavo i tinhenha.

Yeremiya 5:26

Hikuva lavo biha va kona eka tiko ra mina; va nyanimela kukotisa loko ku khunkhusela vaphasi va swinyanyana; va rhiya xirimbana, kutani va phasa vanhu.

Yeremiya 8:6

Ndzi tshama ndzi yingisela kutani ndzi twa loko va vulavula, kambe a va vuli leswi lulameke; a ku na un'we la khomiwaka hi tingana hikwalaho ka ku biha ka yena, a tshamaka a ku: ‘Ndzi endle yini?’ Hinkwavo va tsutsuma kukotisa hanci leyi tsutsumelaka enyimpini.

Swirilo 4:18

A va xiya ku famba ka hina Leswaku hi nga tshuki hi famba etimbaleni ta ka hina; Ku hela ka hina ku kusuhi; masiku ya hina ma herile; Hikuva sweswi, ku fikile ku hela ka hina.

Ezekiele 22:12

Eka wena, ku amukeriwa tinyiko leswaku ku ta ta halatiwa ngati; u teka bindzu ni ku andzisa, u humesisa warikwenu mali hi ku vutla, u ri karhi u ndzi rivala, ku vula Hosi Yehovha.

Ezekiele 24:6

“Hikwalaho, Hosi Yehovha u ri: Yo! Muti wa ngati! Mbita leyo kurha, leyi ku kurha ka yona ku nga sukiki. Yi tsavule hi mihluvi ya yona yi nga hlahluviwi.

Hosiya 5:1

Twanani mhaka leyi, n'wina vaprista, mi yingisa yona, va Yindlu ya Israele, na n'wina va yindlu ya hosi mi rhiya ndleve, hikuva ku avanyisiwa n'wina; hikuva mi ve tanihi xirimbana eMispa, ni tanihi rindzi leri ceriweke ehenhla ka Taboro.

Hosiya 6:9

Ku fana ni makhamba lama tumbelelaka vanhu, hi sweswo ntlawa wa vaprista; va dlaya vanhu endleleni leyi yaka eXikeme; hikuva va endla hi mona.

Mikiya 2:8

Kasi khale, tiko ra mina ri ndzi endlile nala wa rona. Mi tekela vanhu nguvu leyi va yi funengelaka ehenhla ka yin'wana, loko va famba hi ku rhula, va fana ni lava vuyaka enyimpini.

Mikiya 3:10

n'wina mi akaka Siyoni hi ngati, na Yerusalema, hi ku homboloka.

Mikiya 3:2

N'wina, mi vengaka vunene, mi rhandza swo biha, mi xindlaka vanhu miri, mi susa ni nhlonge henhla ka marhambu va vona?

Zakariya 11:6

Hikuva a ndzi nga ha tsetseleli vaaki va misava, ku vula, Yehovha; ndzi ta nyiketa vanhu hinkwavo, un'wana ni un'wana emavokweni ya warikwavo, ni le mavokweni ya hosi ya yena; va ta onha misava, kasi a ndzi nga va lamuleri emavokweni ya vona.”

Timhaka 24:9

Kutani Vayuda va n'wi seketela va ku: “Kunene swi tano.”

1 SAMIELE 24:11

Wa swi vona sweswi hi mahlo ya wena leswaku Yehovha a a ku nyiketile emavokweni ya mina ebakweni. Va ndzi byele ku ku dlaya, kambe ndzi ku tsetselerile, ndzi ku: ‘Ndzi nga ka ndzi nga tlakusi voko ra mina ehenhla ka hosi ya mina, hikuva u muhlawuriwa wa Yehovha.’

1 SAMIELE 26:20

Sweswi, ngati ya mina yi nga tshuki yi wela ehansi kule ni mombo wa Yehovha; hikuva hosi ya Israele yi humile ku ya lava vutseka, kukotisa munhu loko a hlongorisa n'hwari etintshaveni.”