Mikiya 7:1 - Xitsonga (Bibele)

¹ Yo mina! Ndzi kotisa nsimu loko ku tshoveriwe mihandzu ya yona, ni nsimu ya tivhinya leyi nkun'hurisiweke; a ka ha ri na xidzumba xa vhinya lexi nga dyiwaka, ni swingana swa nkuwa leswi rhandziwaka hi moya wa mina.

BIBELE Mahungu Lamanene

¹ Ndzi le khombyeni minoo! Ndzi fana ni munhu wa ndlala loyi a lavaka mihandzu entangeni kumbe emasin'wini ya vhinya, loko va tshoverile, va tlhela va khwaja, kutani a kuma leswaku mihandzu hinkwayo ya vhinya ni matatana lawa a a ma navela ngopfu, swi khiwile swi hela.

Mikiya 7:1 Iomraidhean Croise

Pisalema 120:5

Khombo ra mina loko ndzi akile Mexeke, Loko ndzi tshamisa emitsongeni ya Kedari.

Swivuriso 20:6

Lava tivulaka vunene va tele, Kambe munhu la tshembekaka a nga kumiwa hi mani?

Esaya 17:6

Ku ta sala nkun'hulo tanihi loko va hlakahla mutlhwari, loko ku sala mihandzu mimbirhi, kumbe minharhu eswicapilweni, hambi mune kumbe ntlhanu emarhavini ya murhi lowu vekaka ngopfu,” ku vula Yehovha, Xikwembu xa Israele.

Esaya 24:13

Hikuva emisaveni, exikarhi ka matiko, swi fana ni loko ku khiwa mihandzu ya mitlhwari, ni loko ku kunhuriwa tivhinya.

Esaya 24:16

Emakun'wini ya misava hi twile tinsimu leti nge: ‘Ku kwetsima eka mululami!’ ” Kambe mina ndzi ku: “Ndzi lovile, ndzi lovile! Ndzi ni khombo! Vaxengi va xenga, vaxengi va xenga ni ku xenga.”

Esaya 28:4

xi ta fana ni xiluva lexi vuneke, vubombi bya vona enhlohlorhini ya nkova lowu noneke, xi ta fana ni kuwa ro rhangela ximumu; kakuloko muhundzi a ri vona, a tshambuluta voko, a kha, a ri mita.

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Yeremiya 15:10

Ndzi ni khombo mina, wee manana, hikuva u ndzi velekile, ndzi ri munhu wa timholovo ni wa mitengo eka tiko leri hinkwaro! A ndzi si lomba nchumu, kambe a ndzi si lombiwa; hambiswiritano, va ndzi rhukana hinkwavo!

Yeremiya 24:2

Xirhundzu xin'wana a xi ri ni makuwa yo nandziha, kukotisa makuwa ya swirhangana, xirhundzu xin'wana xi ri ni makuwa yo biha ngopfu, lama nga dyekiki hi ku biha ka wona.

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Yeremiya 45:3

U te: ‘Yo mina! Hikuva Yehovha u ndzi engeterile ku vaviseka hi nhlomulo. Ndzi tikarhata hi ku konya, kambe a ndzi kumi ku wisa.’

Yeremiya 5:1

“Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.

Hosiya 9:10

Ndzi kume Israele a ri eka mina kukotisa mihandzu ya vhinya leyi kumiwaka emananga; ndzi vonile vatata wa n'wina kukotisa swirhangana swa nkuwa lowu sungulaka ku veka. Kasi vona va ye Baala-Peyori, va tihlawulela leswa tingana, va va va hundzuka manyala kukotisa swigangu swa vona.

Tinhlayo 18:13

Swirhangana hinkwaswo swa leswi milaka etikweni ra vona leswi va nga ta swi tisa eka Yehovha, swi ta va swa wena. Un'wana ni un'wana la tengeke endlwini ya wena, u ta swi dya.