Mikiya 5:3 - Xitsonga (Bibele)

³ Hikwalaho u ta va nyiketa valala, ku ko ku fika nkarhi lowu muveleki a nga ta veleka ha wona, vamakwavo lava seleke va ta tlhela hinkwavo eka vana va Israele.

BIBELE Mahungu Lamanene

³ Hikokwalaho, ku tshikiwa ka vona ku ta hela siku leri wansati la tikeke a velekaka n'wana wa mufana, kutani Vaisraele lava nga sala evukhumbini, va ta vuya karikwavo.

Mikiya 5:3 Iomraidhean Croise

1 TIHOSI 14:16

Kutani Yehovha u ta nyiketa Israele hikwalaho ka swidyoho swa Yerobuwamu leswi a swi endleke ni leswi a dyohiseke Israele ha swona.”

2 TIKRONIKA 30:7

Mi nga tshuki mi endla kukotisa vatata wa n'wina ni vamakwenu lava tiariseke ka Yehovha, Xikwembu xa vatata wa vona kutani a va nyiketile emakhombyeni hi laha mi swi vonaka hakona.

Pisalema 67:3

Matiko ma ta ku vonga, oho Xikwembu! Vamatiko hinkwavo va ta ku twarisa.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Yeremiya 23:5

“Vonani, ku vula Yehovha ma ta masiku lawa ndzi nga ta humesela Davhida ha wona xihluke xa ku lulama, yi va hosi ya vukosi leyi fumaka hi vutlhari, yi veka ku avanyisa ni ku lulama emisaveni.

Yeremiya 31:1

“Enkarhini wolowo, ku vula Yehovha, ndzi ta va Xikwembu xa tinxaka hinkwato ta Israele; tona, ti va tiko ra mina.”

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Hosiya 2:14

“Hikwalaho, vonani, ndzi ta n'wi khorwisa, ndzi n'wi yisa emananga, ndzi vulavula leswi nga ta khorwisa mbilu ya yena.

Hosiya 2:9

Hikwalaho ndzi ta n'wi tekela koro ya mina enkarhini wa yona, ni vhinyo leyintshwa ya mina enkarhini wa yona ndzi n'wi tekela ni voya bya mina, ni ntsembyana wa mina, leswi a tifunengetaka vusweti bya yena ha swona.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Mikiya 4:4

Va ta tshama un'wana ni un'wana ehansi ka nkuwa, ni le hansi ka vhinya ya yena, ku nga ri na loyi a va pfuxaka; hikuva nomu wa Yehovha wa tinyimpi wu vurisile.

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Mikiya 5:7

Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Mikiya 6:14

U ta dya, kambe u nga ka u nga xurhi, ndlala yi ta sala endzeni ka wena; u ta rhwala xuma kambe xi nga ka xi nga poni; lexi u nga xi ponisaka, ndzi ta xi nyiketa tlhari!

Mikiya 7:13

Kambe tiko ri ta onhaka hikwalaho ka vaaki va rona, ni hikwalaho ka mihandzu ya mitirho ya vona.

Zakariya 10:6

“Ndzi ta kurisa yindlu ya Yuda, ndzi ponisa yindlu ya Yosefa, ndzi ta va akisa, hikuva ndzi va tsetselele; swi ta kotisa loko swa nga a ndzi nga va lahlanga, hikuva hi mina Yehovha, Xikwembu xa vona, ndzi ta va yingisa.

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Matewu 12:50

hikuva un'wana ni un'wana la nga ta endla ku rhandza ka Tatana la nga etilweni, hi yena la nga makwerhu, ni makwerhu wa xisati, na manana.”

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Varhoma 8:29

Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.