Mikiya 4:4 - Xitsonga (Bibele)

⁴ Va ta tshama un'wana ni un'wana ehansi ka nkuwa, ni le hansi ka vhinya ya yena, ku nga ri na loyi a va pfuxaka; hikuva nomu wa Yehovha wa tinyimpi wu vurisile.

BIBELE Mahungu Lamanene

⁴ Munhu un'wana ni un'wana ú ta titshamela endzhutini wa murhi wa yena wa vhinya kumbe wa nkuwa, ku ri hava loyi a n'wi chavisaka. Leswi swi vuriwile hi HOSI Xikwembu xa matimba hinkwawo.

Mikiya 4:4 Iomraidhean Croise

1 TIHOSI 4:25

Ku suka eDani ku fika eBerexeba va Yuda ni va Israele, a va akile va nga chavi nchumu, un'wana ni un'wana ehansi ka vhinya ya yena ni le hansi ka nkuwa wa yena, emasikwini hinkwawo ya Solomoni.

1 TIHOSI 5:5

Kutani waswivo, ndzi lava ku akela vito ra Yehovha, Xikwembu xa mina, yindlu, hilaha Yehovha a nga byela tatana Davhida hakona, a ku: ‘N'wana wa wena, loyi ndzi nga ta n'wi veka ematshan'weni ya wena exiluvelweni xa wena, hi yena la nga ta akela vito ra mina yindlu.’

Ntirho 11:19

Ku wisa ka wena a ku nga karhatiwi hi munhu, Lavo tala va ta tsakela mombo wa wena.

Pisalema 72:3

Tintshava ti ta vuyisa ku rhula eka vanhu, Ni switsunga mikarhi ya ku lulama.

Swivuriso 3:25

U nga ka u nga chavi nchavo wa xipuku, Ni loko xi ri xidzedze lexi nga ta lovisa lavo biha.

Esaya 1:20

kambe loko mi ala, kumbe loko mi tiarisa, mi ta dyiwa hi tlhari, hikuva nomu wa Yehovha wu vulavurile.”

Esaya 17:2

Miti ya Arowere yi tshikiwile, yi endliwe madyelo ya mitlhambi leyi vundzaka kona, yi nga hlongoriwi hi munhu.

Esaya 22:25

“Hi siku lero, ku vula Yehovha wa tinyimpi, mhingu leyi tlhomiweke laha ku tiyeke yi ta susiwa, yi hlomuriwa, yi wa, kutani hinkwaswo leswi hayekiweke eka yona swi ta herisiwa, hikuva Yehovha u vurisile.”

Esaya 26:16

Yehovha, va langutile eka wena emaxangwini ya vona. Loko u va ba, a va rilela eka wena.

Esaya 32:17

Ntirho wa ku lulama ku ta va ku rhula, ni mihandzu ya ku lulama, ku wisa ni ku tsaka loku nga heriki.

Esaya 36:16

Mi nga yingisi Hezekiya, hikuva hosi ya Asiriya yi vurisa sweswo, yi ku: “Lavani ku rhula na mina, mi tinyiketa eka mina, kutani un'wana ni un'wana u ta dya mihandzu ya vhinya ya yena ni ya nkuwa wa yena, u ta nwa mati ya xihlovo xa yena,

Esaya 40:5

Ku vonakala ka Yehovha ku ta humelela, kutani nyama yin'wana ni yin'wana yi ta ku vona, hikuva nomu wa Yehovha wu vurisile.”

Esaya 54:14

U ta tiyisiwa hi ku lulama; tshineta ekule na wena mahlomulo, hikuva a ku faneri ku chava nchumu, ni ku tshuka, hikuva leswi chavisaka swi nga ka swi nga ku tshineleri.

Esaya 58:14

kunene u ta titsakela eka Yehovha ndzi ta ku tlhandlukisa etintshaveni ta tiko, ndzi ta ku nyika ku dya ndzhaka ya Yakobo, tata wa wena,” hikuva nomu wa Yehovha wu vulavurile.

Yeremiya 23:4

Ndzi ta va nyika varisi lava va rixaka; a va nga ha chavi, a va nga ha rhurhumeli, a ku nga ha pfumaleki na un'we wa vona, ku vula Yehovha.

Yeremiya 30:10

Kutani wena Yakobo, nandza wa mina, u nga chavi, ku vula Yehovha, u nga rhurhumeli, Israele, hikuva vona, ndzi ta ku ponisa, ndzi ku vita emisaveni ya le kule, ndzi lava ni rixaka ra wena etikweni ra vukhumbi. Yakobo a ta vekiwa, a titshamela a tsakile, a nga ha chavisiwi hi munhu.

Ezekiele 34:25

“Ndzi ta va endlela xinakulobye xa tintswalo, ndzi heta swivandza leswo biha etikweni, va ta aka emananga hi ku tikhorisa va etlela eswihlahleni.

Ezekiele 34:28

“A va nga ha vi timbhari eka matiko; swivandza swa tiko a swi nga ha va dyi, kambe va ta aka hi ku tikhorisa, a ku nga ha vi na lava chavisaka.

Ezekiele 38:11

U ta ku: ‘Ndzi ta khandziya, ndzi ya lwa ni tiko leri ra swimitana, ndzi ta wa ehenhla ka vanhu lava vo rhula, lava tshamaka hi ku tshemba, lava akeke va nga biyi hi rirhangu, va nga ri na tinghole, hambi ti ri timbanti.’

Ezekiele 39:26

Va ta rivala kwalaho tingana ta vona ni swidyoho hinkwaswo leswi va ndzi dyoheleke ha swona, loko va ta aka kambe etikweni ra vona hi ku rhula, ku nga ha vi na munhu ku va karhata.

Levhitika 26:6

Ndzi ta nghenisa ku rhula etikweni mi ta etlela mi nga tshukisiwi hi munhu; ndzi ta susa swivandzana etikweni, ni fumu ri nga ka ri nga fiki etikweni ra n'wina.

Mikiya 5:3

Hikwalaho u ta va nyiketa valala, ku ko ku fika nkarhi lowu muveleki a nga ta veleka ha wona, vamakwavo lava seleke va ta tlhela hinkwavo eka vana va Israele.

Sofoniya 3:13

Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

Zakariya 3:10

Esikwini rero, ku vula Yehovha wa tinyimpi, mi ta vitanana, un'wana ni un'wana ehansi ka murhi wa vhinya ni wa nkuwa.”