Mikiya 4:3 - Xitsonga (Bibele)

³ Yehovha u ta avanyisa matiko layo tala, a tshinya tinxaka leta matimba ta le kule. Hi mabanga ya vona va ta fula swikomu, hi mafumu ya vona va fula tihwevo, tiko rin'wana a ri nga ha pfukeli rin'wana hi tlhari, a va nga ha dyondzi nyimpi.

BIBELE Mahungu Lamanene

³ HOSI Xikwembu xi ta avanyisa timhaka ta vanhu lavo tala, hi xona xi nga ta tsema milandzu ya matiko layo tiya ya le kule; kutani vaaki va wona va ta fula matlhari ya vona va endla swikomu, va endla ha wona mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Mikiya 4:3 Iomraidhean Croise

Pisalema 46:10

“Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

Pisalema 46:9

U herise tinyimpi ku yisa emakun'wini ya misava, U tshovile mavurha, u fayetele matlhari, U hise tigolonyi endzilweni.

Pisalema 72:3

Tintshava ti ta vuyisa ku rhula eka vanhu, Ni switsunga mikarhi ya ku lulama.

Pisalema 72:7

Emasikwini ya yona, lowo lulama u ta hluka; Ni ku rhula ku ta andza, n'weti wu ko wu nga ha ri kona.

Pisalema 82:8

Oho Xikwembu, pfuka u avanyisa misava, Hikuva tinxaka hinkwato ta vanhu i ta wena.

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Pisalema 98:9

Emahlweni ka Yehovha! Hikuva wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Esaya 2:4

Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

Esaya 25:3

Hikwalaho matiko lama nga ni matimba ma ku dzunisa, miti ya vamatiko lava nga ni matimba ya ku chava.

Esaya 51:5

Ku lulama ka mina ku kusuhi, ku ponisa ka mina ku ta humelela, kutani voko ra mina ri ta avanyisa matiko; swihlale swi ta ndzi tshemba, swi ta tshemba voko ra mina.

Esaya 60:12

Hikuva matiko lama nga ku tirheliki ma ta lova, matiko lawa ma ta herisiwa.

Esaya 65:25

“Mhisi ni xinyimpfana swi ta dya swin'we, nghala yi ta dya byanyi tanihi homu; nyoka yi ta dya ntshuri; ku nga ka ku nga endliwi leswo biha, ni leswi onhaka, entshaveni hinkwayo ya mina leyo kwetsima,” ku vula Yehovha.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Hosiya 2:18

Kambe hi siku lero, ndzi ta va endlela ntwanano ni swiharhi swa nhova, ni tinyanyana ta tilo, ni leswi kokovaka emisaveni, kutani ndzi ta tshova vurha ni tlhari ndzi va ndzi herisa ku lwa emisaveni, kutani ndzi va akisa hi ku rhula.

Hosiya 2:20

Ndzi ku teka ni le ku tshembekeni, kutani u ta tiva Yehovha.

Yuwele 3:2

ndzi ta hlengeleta matiko hinkwawo, ndzi ma xikisela enkoveni wa Yoxafati, ndzi ta tengisana na vona hikwalaho ka Israele tiko ra mina, ni ndzhaka ya mina, loyi va n'wi hangalaseke exikarhi ka matiko va ko va avelana tiko ra mina.

Mikiya 5:15

ndzi ta tirihisela hi vurhenha ni ku kariha ehenhla ka matiko lama nga yingisangiki.

Zakariya 14:3

Yehovha u ta humelela, a lwa ni matiko wolawo, kukota siku a lwaka esikwini ra ku dlaya.

Zakariya 8:20

“Yehovha wa tinyimpi u ri: Ka ha ta ta matiko ni vaaki va miti le yo tala;

Zakariya 9:10

Ndzi ta susa tigolonyi exikarhi ka Efrayimi, ni tihanci eka Yerusalema, kutani vurha bya nyimpi byi ta herisiwa. U ta vula ku rhula eka matiko, u ta fuma ku sukela elwandle rin'wana ku yisa elwandle rin'wana, ni ku suka enambyeni ku yisa makumu ya misava.

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”