Mikiya 4:2 - Xitsonga (Bibele)

² Matiko layo tala ma ta ta kona, ma ku: “A hi yeni, hi tlhandlukela entshaveni ya Yehovha, endlwini ya Xikwembu xa Yakobo, a ta hi dyondzisa tindlela ta yena, kutani hi famba hi tindlela ta yena.” Hikuva nawu wu ta huma eSiyoni, ni rito ra Yehovha ri ta huma eYerusalema.

BIBELE Mahungu Lamanene

² Vanhu va tinxaka to tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Mikiya 4:2 Iomraidhean Croise

Pisalema 110:2

Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

Pisalema 119:1

Ku katekile lava tengeke emahanyelweni ya vona, Lava fambaka enawini wa Yehovha!

Pisalema 119:171

Milomu ya mina a yi humese ku bumabumela, Hikuva u ndzi dyondzisa timfanelo ta wena.

Pisalema 122:1

Ndzi tsakile loko va te eka mina: A hi yeni endlwini ya Yehovha!

Pisalema 25:12

Xana munhu hi wihi la chavaka Yehovha? U ta n'wi komba ndlela leyi a fanelaka ku yi hlawula.

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Esaya 56:7

ndzi ta va fikisa entshaveni ya mina leyo kwetsima, kutani ndzi va tsakisa endlwini leyi va ndzi khongelaka eka yona; tiholokosta ta vona, ni magandzelo ya vona swi ta amukeriwa ealitarini ya mina; hikuva yindlu ya mina yi ta vuriwa yindlu ya ku khongela eka matiko hinkwawo.”

Yeremiya 31:6

Hikuva siku ri kona leri valanguteri va nga tsaka huwelela ha rona entshaveni ya Efrayimi, va ku: ‘Sukani, a hi tlhandlukeni eSiyoni, eka Yehovha, Xikwembu xa hina!’ ”

Yeremiya 42:3

leswaku Yehovha, Xikwembu xa wena, a hi kombisa ndlela leyi hi fanelaka ku famba ha yona, ni lexi hi fanelaka ku xi endla.”

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Zakariya 14:16

Masalela ya matiko hinkwawo lawa ma nga hlasela Yerusalema, ma ta tlhandlukela hi lembe rin'wana ni rin'wana, ku ya khongela Hosi, Yehovha wa tinyimpi, ni ku endla nkhuvo wa mitsonga.

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Zakariya 9:10

Ndzi ta susa tigolonyi exikarhi ka Efrayimi, ni tihanci eka Yerusalema, kutani vurha bya nyimpi byi ta herisiwa. U ta vula ku rhula eka matiko, u ta fuma ku sukela elwandle rin'wana ku yisa elwandle rin'wana, ni ku suka enambyeni ku yisa makumu ya misava.

Marka 16:20

Loko va ri vona, va suka, va ya dyondzisa hinkwako, Hosi yi ri karhi yi tirha na vona, yi tiyisa rito hi masingita lawa ingi ma heleketa rona.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Yohane 6:45

Ku tsariwile ebukwini ya vaprofeta, va ku: ‘Va ta dyondzisiwa hinkwavo hi Xikwembu.’ Hikwalaho un'wana ni un'wana la yingiseke Tatana, kutani a dyondzisiwa hi yena, u ta eka mina.

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Timhaka 1:8

kambe mi ta nyikiwa matimba, siku Moya lowo Kwetsima wu taka eka n'wina; kutani mi ta va timbhoni ta mina kwala Yerusalema, ni le tikweni hinkwaro ra Yudiya, ni ra Samariya, ni ku ya fika emakun'wini ya misava.”

Timhaka 13:42

Kakuloko va huma esinagogeni, va va khongela leswaku hi Savata leyi taka, va ta va dyondzisa kambe timhaka teto.

Varhoma 15:19

hi matimba ya swikombiso, ni masingita, ni matimba ya Moya; ndzi va ndzi haxa Evhangeli ya Kriste, ndzi sungula eYerusalema, ndzi tsemakanya ku ya hetelela eIiriya.

Duteronoma 6:1

“Hi wona nawu, ni timhaka, ni ku lerisa, leswi Yehovha Xikwembu xa n'wina, xi leriseke ku mi dyondzisa swona, mi ta swi endla etikweni leri mi nga ta nghena eka rona ku ri fuma;