Mikiya 4:1 - Xitsonga (Bibele)

¹ Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

BIBELE Mahungu Lamanene

¹ Eminkarhini leyi taka, xintshabyana lexi yindlu ya HOSI yi akiweke eka xona, xi ta tlakuka xi hundza swintshabyana hinkwaswo; xi ta leha xi tlula ni tintshava; vanhu va ta khitikana va ya eka xona.

Mikiya 4:1 Iomraidhean Croise

Genesa 49:1

Kavaloko Yakobo a vitana vana va yena, a ku: “Hlengeletanani, ndzi ta mi tivisa leswi nga ta mi humelela emikarhini leyi taka.

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Pisalema 110:3

Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

Pisalema 22:27

Matlhelo hinkwawo ya misava ma ta tsundzuka Yehovha, ma hundzulukela ka yena. Ni tinxaka hinkwato ta matiko ti ta khinsama emahlweni ka yena.

Pisalema 48:1

Yehovha u nkulukumba, U faneriwe hi ku vongiwa hinkwako, Emutini wa Xikwembu xa hina, entshaveni ya xona ya ku kwetsima.

Pisalema 86:9

Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

Esaya 27:13

Emikarhini yoleyo, nanga leyikulu yi ta yimbiwa, kutani lava hlongoleriweke etikweni ra Asiriya ni lava balekeleke etikweni ra Egipta va ta ta, va khinsama emahlweni ka Yehovha, entshaveni leyi kwetsimaka, eYerusalema.

Esaya 43:6

Ndzi ta ku eka n'walungu, ‘Humesa!’ ni ka dzonga: ‘U nga arisi!’ Vuyisa vana va mina ematikweni ya le kule, ni vanhwana va mina hi le makun'wini ya misava,

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Esaya 54:2

“Anamisa vutshamo bya ntsonga wa wena, u lehisa tinguvu ta tende ra wena: u nga feleli, lehisa tingoti ta wena, tiyisa timhandze ta wena.

Esaya 56:7

ndzi ta va fikisa entshaveni ya mina leyo kwetsima, kutani ndzi va tsakisa endlwini leyi va ndzi khongelaka eka yona; tiholokosta ta vona, ni magandzelo ya vona swi ta amukeriwa ealitarini ya mina; hikuva yindlu ya mina yi ta vuriwa yindlu ya ku khongela eka matiko hinkwawo.”

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Yeremiya 26:18

“Mikiya wa Morexeta u tshama a profeta enkarhini wa Hezekiya, hosi ya Yuda, a byela tiko hinkwaro ra Yuda, a ku: ‘Ku vula Yehovha wa mavandla: Siyoni u ta rimiwa kukota nsimu, Yerusalema, a va nhulu ya maribye, ntshava ya Tempele yi va mananga ya swihlahla.’

Yeremiya 3:17

Emikarhini yoleyo va ta vula leswaku Yerusalema, i xiluvelo xa Yehovha; matiko hinkwawo ma ta hlengeletana eYerusalema, hi vito ra Yehovha, kutani a va nga ha rhambi hi ku nonon'hwa ka timbilu ta vona.

Yeremiya 31:12

Va ta ta va huwelela hi ku tsaka eswitsungeni swa Siyoni; va ta tsutsumela vunene bya Yehovha, yi nga koro, ni vhinyo ni mafurha, ni leswi tswariweke hi tinyimpfu ni tihomu; mimoya ya vona yi ta kotisa ntanga lowu cheletiweke swinene, a va nga ha tshami eku vavisekeni.

Yeremiya 48:47

Hambiswiritano, ndzi ta tlherisa va le ku bohiweni va Mowabu enkarhini wa le ndzhaku, ku vula Yehovha.” Hi kona ku avanyisiwa ka Mowabu.

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!

Ezekiele 40:2

A ndzi yisa kona hi milorho ya mahlori ya Xikwembu, kutani a ndzi veka entshaveni leyo leha ngopfu, ehenhla ka yona a ku ri ni xilo lexi fanaka ni muti hitlhelo ra dzonga.

Ezekiele 43:12

Nawu wa yindlu hi wolowo: Xivandla hinkwaxo xa yona, le henhla ka ntshava, hi matlhelo hinkwawo, i ku kwetsima ka ku kwetsima. Vonani, nawu wa yindlu hi wolowo.

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Daniele 2:28

Kambe xi kona Xikwembu ematilweni, lexi hlavutelaka swihundla, kutani xi tivisile hosi Nebukadnetsara leswi nga ta humelela emikarhini leyi nga ta ta. Norho wa wena, ni leswi u swi voneke, leswi tikombiseke enhlokweni ya wena ebyetlelweni bya wena, hi swo leswi:

Daniele 2:35

Sweswo ku fayiwa kan'we nsimbhi, ni vumba, ni koporo, ni silivhere, ni nsuku, swi kotisa mungu exivuyeni; swi kukuriwa hi mheho, swi nga ha ri na ndhawu. Kambe ribye leri ngi ri himile xifaniso, ri hundzuka ntshava leyikulu, ri tata misava hinkwayo.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Daniele 7:18

kambe vahlawuriwa va La nge henhlahenhla va ta hiwa ku fuma, kutani va ta fuma hi masiku ni le mikarhini leyi nga riki na ku hela.’

Daniele 7:22

ku ko ku fika Nkulukumba wa masiku, a avanyisela vahlawuriwa va La nge henhlahenhla, ni ku fikela siku vahlawuriwa va hiwaka ku fuma.

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.

Zakariya 14:10

Tiko hinkwaro, ku suka eGeba ku ya fika eRimoni, ku nga tlhelo ra dzonga eka Yerusalema, ri ta hundzuka ri kota banyi, Yerusalema, u ta tlakuka, a tshama exiteni xa yena, ku sukela enyangweni ya Benjamini ku ya fika enyangweni yo rhanga, enyangweni ya tinhla, ni ku sukela ekhokholweni ra Hananele ku yisa eswikhuvutweni swa hosi.

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Zakariya 8:3

Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Timhaka 2:17

‘Hi masiku ya makumu, ku vula Xikwembu, ndzi ta chela nyama hinkwayo hi Moya wa mina; vana va n'wina va xinuna ni va xisati va ta bvumbha, lavantshwa va n'wina va ta vona mahlori; ni swidyuhati swa n'wina swi ta lorha milorho.

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

2 Petro 3:3

mi va mi rhanga hi ku tiva mhaka leyi, leswaku hi mikarhi ya makumu, vasori va ta ta hi ku vungunya, va famba hi ku navela ka vona,

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

Nhlavutelo 20:4

Kavaloko ndzi vona swiluvelo; kutani van'wana va tshamisa ehenhla ka swona, va nyikiwa matimba ya ku avanyisa. Ndzi vona ni mimoya ya lava tsemiweke tinhloko hikwalaho ka vumbhoni bya Yesu, ni hikwalaho ka rito ra Xikwembu, ni lava nga gandzelangiki xivandza, hambi xi ri xifaniso xa xona, ni lava nga amukelangiki mfungho wa xona emimombyeni ni le mavokweni ya vona; kutani va hanya, ni ku fuma na Kriste hi malembe ya khume ra madzana.