Mikiya 2:3 - Xitsonga (Bibele)

³ Hikwalaho Yehovha u ri: Vonani, ndzi anakanyela rixaka leri makhombo lawa va nga hlulekaka ku humesa tinhamu eka wona, ni ku famba va yimise tinhloko; hikuva nkarhi lowu wu bihile.

BIBELE Mahungu Lamanene

³ Kutani HOSI Xikwembu xi ri: “Vonani n'wina vanhu ndzin'wina, ndzi ni makungu ya ku mi xanisa; exikarhi ka n'wina, ku hava loyi a nga ta pona; enkarhini wa kona, swilo swi ta tika ngopfu, kutani manyunyu ya n'wina ma ta hela.

Mikiya 2:3 Iomraidhean Croise

Esaya 29:20

Hikuva muxanisi a nga ka a nga ha vi kona; musandzi, na yena, u ta hela, ni vanhu hinkwavo lava nga hanyanya na yena ku endla swo biha va ta va va susiwile;

Esaya 3:16

Yehovha u vurile, a ku: “Leswi vanhwana va Siyoni va tikuriseke va famba hi tinhamu leto sihalala va tikurisa hi mahlo, va famba hi ku komisa mikondzo, va chakayila hi masindza ya milenge ya vona,

Esaya 5:19

lava nge: A a hatlise, a hatlisisa ntirho wa yena hi ta wu vona! Makungu ya Mukwetsimi wa Israele a ma tshinelele ma humelela, hi ta tiva leswaku i yini!

Yeremiya 18:11

“Kutani sweswi, byela vavanuna va Yuda ni vaaki va Yerusalema, u ku: ‘Yehovha u ri: “Vonani, ndzi mi lunghiserile khombo, kambe ndzi mi endlele makungu layo biha; hundzukani un'wana ni un'wana emikhuveni ya yena leyo biha, kutani mi sasekisa ku famba ka n'wina ni ku endla ka n'wina.” ’

Yeremiya 27:12

Ndzi byela na Sedekiyasi, hosi ya Yuda, marito walawo hinkwawo ndzi ku: “Vekani tinhamu ta n'wina ejokweni ra hosi ya Babilona, mi tirhela yena ni tiko ra yena, kutani mi ta hanya.

Yeremiya 34:17

“Hikwalaho, ku vula Yehovha, a ku: N'wina a mi ndzi yingisanga ku vula mfanelo ya un'wana ni un'wana ku tshunxa makwavo ni xaka ra yena, vonani, mina ndza mi byela mfanelo, ku vula Yehovha: Ndzi tshunxa fumu, ni ntungu, ni ndlala; ndzi mi nyiketa ku xanisiwa eku fumeni hinkwako ka misava.

Yeremiya 36:23

Kuteloko Yehudi a hlayile papila ra vunharhu, kumbe ra vumune, hosi yi xeka buku hi mukwana yi yi cukumeta endzilweni, emakaleni ya xitiko, buku hinkwayo yi ko yi tshwa.

Yeremiya 43:2

Azariya n'wana Hoxaya, na Yohanani n'wana Kariyaka, ni vanhu va ku tikukumuxa hinkwavo va byela Yeremiya, va ku: “U vulavula vunwa. Yehovha, Xikwembu xa hina a nga ku rhumanga leswaku u ku eka hina: ‘Mi nga yi eEgipta, mi ya aka kona.’

Yeremiya 8:3

Kutani ku ta rhandziwa rifu ngopfu ku ri ni vutomi hi masalela hinkwawo lama saleke ya rixaka leri ro biha, ematikweni hinkwawo lawa ndzi nga ta ma hangalasa eka wona, ku vula Yehovha wa tinyimpi.

Swirilo 1:14

“Joko ra swidyoho swa mina ri bohiwile hi mavoko ya yena; Swi tsondzeriwile, swa tika enhan'wini ya mina; U herisile matimba ya mina; Hosi yi ndzi nyiketile emavokweni ya loyi ndzi tsandzekaka ku n'wi alela.

Swirilo 2:17

Yehovha u endlile lexi a xi kaneleke, U hetisile makungu lawa ingi a ma lerisile emikarhini ya khale; U mbundzuxile, kutani a nga tsetselelanga; U tsakisile lava ku vengaka, u tlakusile rimhondzo ra lava va nga valala eka wena.

Swirilo 5:5

Va hi tsutsumele hi ri karhi hi rhwele hi tinhamu ta hina; Hi karhele, kambe a hi kumi ku wisa.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Amosi 2:14

Wa matsamba, u ta tsandzeka ku tsutsuma, wa matimba a nga ka a nga tiyisi hi matimba ya yena; ni xihontlovila, xi nga ka xi nga hlayisi vutomi bya xona.

Amosi 3:1

Yingisani rito leri, leri Yehovha a ri vulaka eka n'wina, vana va Israele, ni le ka ndyangu hinkwawo lowu ndzi wu humeseke etikweni ra Egipta,

Amosi 3:2

ndzi ri: “Ndzi tivile n'wina ntsena exikarhi ka tinxaka hinkwato ta misava, hikwalaho ndzi ta mi ba hikwalaho ka ku homboloka ka n'wina hinkwako.

Amosi 5:13

Hikwalaho lowo tlhariha wa timiyelela emikarhini leyi, hikuva i mikarhi leyo biha.

Mikiya 2:1

Va ni khombo lava anakanyaka ku homboloka, lava tsundzukaka swo biha emasangwini ya vona! Va swi endla eku humeni ka dyambu, hikuva swi le mavokweni ya vona.

Varhoma 16:4

hikuva va nyikete tinhloko ta vona ku ndzi ponisa; kambe a hi mina ntsena loyi a va khensaka, kambe na tona tikereke hinkwato ta vamatiko.

Vaefesa 5:16

hatliselani mikarhi hikuva masiku ma bihile.

Duteronoma 28:48

u ta tirhela valala va wena lava Yehovha a nga ta va rhumela eka wena, u ri ni ndlala ni torha, ni vusweti, ni ku pfumala hinkwaswo; u ta ku vekela joko ra nsimbhi enhan'wini, u ko u herisiwa hi yena.

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.