Mikiya 2:1 - Xitsonga (Bibele)

¹ Va ni khombo lava anakanyaka ku homboloka, lava tsundzukaka swo biha emasangwini ya vona! Va swi endla eku humeni ka dyambu, hikuva swi le mavokweni ya vona.

BIBELE Mahungu Lamanene

¹ Va ni khombo vanhu lava kanelaka ku endla leswo homboloka, lava etlelaka va ri karhi va boha makungu layo biha, kutani loko ri xa, va endla leswi va boheke swona nivusiku, hikuva hi vona va fumaka!

Mikiya 2:1 Iomraidhean Croise

Genesa 31:29

Ndzi ni matimba evokweni ra mina ya ku mi endla swo biha; kambe Xikwembu xa tata wa n'wina xi vulavule na mina matolo, xi ku eka mina: ‘U nga tshuki u vulavula na Yakobo leswinene, hambi swi ri leswo biha.’

1 TIHOSI 21:7

Kutani Yezabele, nsati wa yena, a ku: “Xana kunene hi wena la fumaka sweswi etikweni ra Israele xana? Pfuka u dya swakudya, u tsaka; mina ndzi ta ku nyika nsimu ya vhinya ya Naboto wa Yizriele.”

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Estere 5:14

Zerexa, nsati wa yena, ni maxaka ya yena, va ku eka yena: “A ku yimisiwe mhandze leyo leha ya ntlhanu wa makume ya swisungunhu, kutani mundzuku, u kombela eka hosi leswaku Mordekayi a hayekiwa eka yona; kutani wena, u ta ya eswakudyeni ni hosi u tsakile.” Mhaka yoleyo yi tsakisa Hamani, kutani a lerisa leswaku ku yimisiwa mhandze.

Estere 9:25

Kambe loko Estere a ta emahlweni ka hosi, a lerisa hi mapapila leswaku makungu layo biha lawa ma kaneriweke hi Hamani ya ku hehla Vayuda, ma tlheriseriwa enhlokweni ya yena, kutani a hayekiwa emhandzeni, yena ni vana va yena.

Ntirho 15:35

U ahlamula ku biha, u tswala ku homboloka. Exifuveni xa yena ku tirha ku tikanganyisa.”

Ntirho 24:14

Mudlayi u pfuka nimixo, A dlaya xisiwana ni mupfumari, Nivusiku wa huma ku ya yiva.

Pisalema 36:4

U anakanya swo homboloka emasangwini ya yena. U famba hi ndlela leyi nga riki leyinene; A nga fularheli leswo biha.

Pisalema 36:5

Yehovha! Tintswalo ta wena tifika ematilweni, Ku tshembeka ka wena ku fika emapapeni.

Pisalema 58:3

Lavo homboloka va hombolokile mpfhuka va tswariwa, Vahembi va hambukile mpfhuka va hume ekhwirini.

Swivuriso 12:2

Munhu wa vunene u ta kuma tintswalo eka Yehovha, Kambe lowa makungu layo biha u ta avanyisiwa.

Swivuriso 14:22

Lava kanelaka swo biha a va lahleki xana? Kambe leswinene ni ntiyiso i swa lava kanelaka vunene.

Swivuriso 3:27

U nga ali ku endla leswinene eka loyi u nga ni mfanelo eka yena, Loko swi ri emandleni ya wena.

Swivuriso 4:16

Hikuva a va yi eku etleleni va nga si endla swo biha; Va nga ka va nga kumi vurhongo loko va nga si wisa munhu.

Esaya 29:20

Hikuva muxanisi a nga ka a nga ha vi kona; musandzi, na yena, u ta hela, ni vanhu hinkwavo lava nga hanyanya na yena ku endla swo biha va ta va va susiwile;

Esaya 3:14

Yehovha wa sungula ku avanyisa vakulukumba va tiko ra yena ni tihosi ta rona, a ku: “Mi dyile nsimu ya vhinya, kasi leswi phangiweke eka swisiwana swi kona etindlwini ta n'wina!

Esaya 32:7

Loko a ri mudyeleri, matlhari ya yena i ya vumbabva; u endla makungu ku lovisa xisiwana hi ku vulavula swa mavunwa, hambi mhaka ya mupfumari yi lulamile.

Esaya 5:8

Va ni khombo lava engetelaka tindlu eka tindlu, lava hlanganisaka masimu hi masimu, mpfhuka wu ko wu hela, mi va n'wina mi ri swenu vini va tiko!

Esaya 59:3

Hikuva mavoko ya n'wina ma nyamisiwile hi ngati, ni tintiho ta n'wina hi vudyoho; milomu ya n'wina yi vula mavunwa, tindzimi ta n'wina ti vulavula swa lunya.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Ezekiele 11:2

Yehovha a ku eka mina: “N'wana wa munhu, hi vona valavo lava anakanyaka leswo homboloka, ni lava letelaka leswo biha emutini lowo,

Ezekiele 33:26

Mi titiyisa hi fumu ra n'wina, mi endla manyala, un'wana ni un'wana wa n'wina u nyamisa nsati wa warikwavo; kutani mi ri, mi ta fuma tiko xana?

Ezekiele 38:10

“Hosi Yehovha u vulavula sweswo, a ku: Hi siku rero mianakanyo yi ta humelela embilwini va wena, u ta endla makungu layo biha.

Ezekiele 46:18

Hosi yi nga ka yi nga teki nchumu endzhakeni ya munhu, hi ku n'wi hlongola eka leswi a swi fumeke; yi ta teka leswi yi swi fuweke ku endla ndzhaka ya vana va yena, leswaku ku nga tshuki ku va na munhu etikweni ra mina la hlongoriwaka eka leswi a swi fumeke.”

Mikiya 6:12

Vafuwi va muti wolowo va tele ku xisa ni vaaki va wona va vulavula mavunwa; ririmi ra vona ra kanganyisa enon'wini wa vona.

Nahume 1:11

Eka wena ku hume la kanelaka leswo biha ehenhla ka Yehovha, la tsundzuxaka vumbabva.

Zakariya 7:10

mi nga xanisi noni, ni xisiwana, ni wamatiko, ni mupfumari, kutani mi nga kungeleli makwenu khombo etimbilwini ta n'wina.”

Marka 15:1

Nimpundzu, vaprista lavakulu va endla makungu ni vakulukumba, ni vatsari, ni va huvo hinkwayo. Kuteloko va bohile Yesu, va famba na yena, va ya n'wi nyiketa Pilato.

Luka 20:19

Kutani vaprista lavakulu ni vatsari, va lava ku n'wi khoma enkarhini wolowo, kambe va chava vunyingi; hikuva va swi twile leswaku u ringanise vona hi xifaniso lexi.

Yohane 19:11

Yesu a hlamula, a ku: “A wu nga ti va na matimba ehenhla ka mina ni switsongo, loko u nga ma nyikiwanga hi tilo; hikwalaho, la ndzi nyiketeke wena u ni nandzu lowu tlurisaka.”

Timhaka 23:12

Kuteloko byi xile, Vayuda van'wana va endla ximhuku, va tiboha hi ku hlambanya, va ku va nga ka va nga dyi, va nga n'wi, va nga si dlaya Pawulo.

Timhaka 23:15

Sweswi, n'wina ni Sinedri, tivisani ndhuna leyikulu leswaku a ta n'wi rhumela eka n'wina mundzuku, swi va tanihi loko mi rhandza ku vutisisa swin'wana etimhakeni ta yena; loko hi ri hina, hi ta va hi tilunghisile ku n'wi dlaya a nga si fika.”

Varhoma 1:30

i vahlevi, i valumbeti, i vavengi va Xikwembu, i varhukani, i vatiarisi, i vatikurisi; lava pfuxaka swo biha, lava nga yingisiki vatswari va vona;

Duteronoma 28:32

“Vana va wena va vavanuna ni va vavasati va ta nyiketiwa tiko rin'wana; mahlo ya wena ma ta swi vona, kutani ma ta tshwa hi masiku hinkwawo hikwalaho ka vona; kambe voko ra wena ri ta pfumala matimba.