Mikiya 1:4 - Xitsonga (Bibele)

⁴ Tintshava ti ta n'oka ehansi ka yena, ni mikova yi ta handzuka, kukotisa swihlenga swa tinyoxi loko swi ri kusuhi ni ndzilo, ni mati loko ma halatiwa laha ku rhelelaka.

BIBELE Mahungu Lamanene

⁴ Laha a taka hi kona, tintshava ti n'oka ku fana ni mafurha endzilweni, rivala ri celeka wonge ku lo na mpfula ya ximbhembhe emagangeni.

Mikiya 1:4 Iomraidhean Croise

Pisalema 46:6

Matiko ma pfuma, tihosi ti huma nyimpi, Xi twarisa rito ra xona, kutani misava yi nyuka.

Pisalema 68:2

Hi laha musi wu nyumbaka hakona va nyumbisa sweswo, Hi laha mupfu wu nyukaka endzilweni, Lavo biha va ta lovisa sweswo emahlweni ka Xikwembu.

Pisalema 97:5

Tintshava ti nyukisiwa kukota mumpfu emahlweni ka Yehovha, Emahlweni ka Hosi ya misava hinkwayo.

Amosi 9:5

Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

Nahume 1:5

Tintshava ti tsekatseka emahlweni ka yena, switsunga swa n'oka, misava ya kukumuka emahlweni ka yena, tiko ra vanhu, ni hinkwaswo leswi nga eka rona.

Habakuku 3:10

U handzula misava ku yi hundzula milambu. Tintshava ta ku vona, kutani ta tsekatseka; ku hundza ndhambi ya mati swidziva swi tlakusa rito ra swona, swi yimisela mavoko ya swona ehenhla.

Habakuku 3:6

A yima, kutani a pima misava; a languta, kutani a rhurhumerisa matiko; tintshava ta khale ti mbundzuka, switsunga swa khale swi byatsama. Tindlela ta yena i ta khalekhale.

Zakariya 14:4

Milenge ya yena yi ta yima hi siku rolero ehenhla ka ntshava ya mitlhwari leyi nga ekusuhi na Yerusalema, hitlhelo ra vuxa, ntshava ya mitlhwari vi ta phemeka, ku sungula exikarhi, ku yisa evuxeni ni le vusikwini, ku ko ku humelela nkova lowukulu; tlhelo rin'wana ra ntshava ri ta tshinela en'walungwini, rin'wana ri tshinela edzongeni.

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Vaavanyisi 5:4

Oho! Yehovha, kuteloko u suke eSeyira, Loko u huma etikweni ra Edomu, Misava yi tsekatseka, matilo ma n'oka, Ni mapapa ma tshona mati.