Mikiya 1:3 - Xitsonga (Bibele)

³ Hikuva, vonani, Yehovha u ta huma endlwini ya yena, u ta rhelela, a famba eswivandleni leswi tlakukeke swa misava.

BIBELE Mahungu Lamanene

³ Vonani hi loyi, ú huma laha a tshamaka kona, a rhelela, a famba hi le tinhlohlorhini ta tintshava.

Mikiya 1:3 Iomraidhean Croise

Ntirho 40:12

Languta vatiarisi hinkwavo, u va wisa, U kandziyela timbabva laha ti yimaka kona;

Pisalema 115:3

Xikwembu xa hina xi le matilweni, Xi endla hinkwaswo leswi xi swi rhandzaka.

Esaya 25:10

Hikuva voko ra Yehovha ri ta tlhandlekiwa ehenhla ka ntshava leyi; kambe Mowabu u ta kandziyeriwa laha a nga kona, tanihi mungu wa koro loko wu gandleteriwa endzhopeni wa vulongo;

Esaya 26:21

Hikuva vonani, Yehovha u huma evuakweni bya yena ku ta endzela ku dyoha ka vaaki va misava, kutani misava yi ta yimbula ngati leyi yi fundziweke hi yona, a yi nga ha fihli vadlayiwa va yona.

Ezekiele 3:12

Kutani moya wu ndzi tlakusa, kavaloko ndzi twa endzhaku ka mina huwa ya mavandla lamakulu, va ku: “A ku dzunisiwe ku kwetsima ka Yehovha exivandleni xa vutshamo bya yena!”

Amosi 4:13

Hikuva vona, la tumbuluxeke tintshava, la endleke moya, la tivisaka munhu leswi anakanyiweke hi yena, la hundzulaka nhlekanhi munyama, la fambaka eswivandleni leswi tlakukeke swa misava, vito ra yena i Yehovha, Xikwembu xa mavandla.

Amosi 9:5

Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

Habakuku 3:19

Yehovha, yena Hosi, i matimba ya mina; u ta hundzuluxa milenge ya mina, yi kotisa ya swiharhi; u ta ndzi fambisa eswitsungeni swa mina. Eka n'wini wa xiyimbeleri; hi magupu ya mina.

Zakariya 14:4

Milenge ya yena yi ta yima hi siku rolero ehenhla ka ntshava ya mitlhwari leyi nga ekusuhi na Yerusalema, hitlhelo ra vuxa, ntshava ya mitlhwari vi ta phemeka, ku sungula exikarhi, ku yisa evuxeni ni le vusikwini, ku ko ku humelela nkova lowukulu; tlhelo rin'wana ra ntshava ri ta tshinela en'walungwini, rin'wana ri tshinela edzongeni.

Duteronoma 32:13

“U n'wi khandziyisile etintshaveni ta misava, Israele u dyile mihandzu ya nhova; U n'wi an'wisile hi vulombe bya le ribyeni, Hi mafurha lama humaka emaribyeni yo nonon'hwa;

Duteronoma 33:29

U katekile, Israele! I mani la fanaka na wena, U nga tiko leri ponisiweke i Yehovha! Xi nga xitlhangu xa ku pfuna ka wena, Ni tlhari ra vukulu bya wena! Valala va wena va ta tsongahatiwa emahlweni ka wena, Kambe wena u ta kandziyela swivandla leswi tlakukeke swa vona!”