Mikiya 1:11 - Xitsonga (Bibele)

¹¹ Suka, wena la akeke eXafiri (ku saseka), a ku ambalanga, u ni tingana. Muaki wa Saanana (ku huma) a nga humi; Swirilo swa Beta-Esele (yindlu ye kusuhi) swi mi pfumata ku tshemba.

BIBELE Mahungu Lamanene

¹¹ N'wina va le Xafiri, nghenani endleleni mi tsutsuma, fambani ni tingana ta n'wina mi nga ambalanga nchumu. N'wina va le Saanana, a mi tikarhatanga ku huma mi ya pfuna va le Beta-Esele, hikokwalaho sweswi va le xirilweni lexikulu, va nga ka va nga ha mi amukeli ni siku ni rin'we.

Mikiya 1:11 Iomraidhean Croise

Esaya 16:2

Tanihi tinyanyana leti hahaka hinkwako, tanihi mavondlo ya tona lama humesiweke exisakeni, vanhwanyana va Mowabu va ta va tano emahlalukweni ya Arinoni.

Esaya 20:4

hi mukhuva wolowo hosi ya Asiriya yi ta famba ni lava khotsiweke Vaegipta ni vakhomiwa Vaetiyopiya, lavantshwa ni swikoxa, va hluvurisiwile va nga ri na tintanghu, mihlana ya vona yi nga funengetiwanga, ti ri tingana ta Egipta.

Yeremiya 13:22

Loko u nga tivula embilwini ya wena, u ku: ‘Xana swilo leswi swi ndzi humelela hikwalaho ka yini?’ Ndzi ku: Hikwalaho ka ku biha ka wena lokukulu, matlhelo ya nguvu ya wena ma tlakusiwile, ni swirhendze swa wena swi biwile hi matimba.

Yeremiya 48:6

Tsutsumani mi hanyisa mimoya ya n'wina, mi kota swisiwana leswi hanyaka emananga.

Yeremiya 48:9

Nyikani Mowabu timpapa, leswaku a haha, a suka! Miti ya yena yi ta herisiwa, ku ta pfumala ni muaki eka yona.

Ezekiele 16:37

waswivo, ndzi ta hlengeleta vagangisi va wena lava u oswaneke na vona, lava u va rhandzeke, ni lava u va vengeke, ndzi ta va hlengeleta hi matlhelo hinkwawo, ndzi va kombisa vusweti bya wena kutani va ta byi vona.

Ezekiele 23:29

Va ta ku endla hi rivengo ra vona, va ta teka rifuwo ra wena, va ku siya u ri ntsena, u fununguriwile; hi mukhuva wolowo, vuhava bya vuoswi bya wena, ni ku onhaka ka wena, ni vuoswi bya wena swi ta fununguriwa.

Mikiya 1:8

Hikwalaho, ndzi ta rila, ndzi kolola; ndzi ta famba ndzi nga ambalanga; ndzi rila kukotisa mhungubye, ndzi rila kukotisa yimbhu.

Nahume 3:5

Vona, ndzi ta eka wena, ku vula Yehovha wa mavandla; ndzi ta ku funungula nguvu ya wena, ndzi yi vuyisela emahlweni ka wena, ndzi ta kombisa matiko vuxeti bya wena, ndzi kombisa ku fuma tingana ta wena;

Zakariya 14:5

Mi ta tsutsuma hi nkova wa tintshava ta mina, hikuva nkova wa tintshava wu ta fika eAsele; kutani mi tsutsuma kukotisa siku mi nga tsutsuma loko misava yi tsekatseka, emikarhini ya Uziya, hosi ya Yuda. Kutani Yehovha, Xikwembu xa mina, u ta ta, a ri ni vakwetsimi hinkwavo.

Yoxuwa 15:37

Sanani, Hadaxa, Migidali-Gadi;