Matewu 9:36 - Xitsonga (Bibele)

³⁶ Kuteloko a vone mitshungu, a yi twela vusiwana hikuva a va karhele, a va hangalakile va kota tinyimpfu leti nga riki na murisi.

BIBELE Mahungu Lamanene

³⁶ Loko a vona mintshungu ya vanhu, a va twela vusiwana, hikuva a va karhele, va tshamile ehansi, va fana ni tinyimpfu leti nga riki na murisi.

Testamente Leyimpsha Xichangana

³⁶ Loko avona xitshungu, axitwela vusiwana, hikuva axikarhele, axitshamile hansi, xifana ni tinyempfu letingaliki ni murisi.

Matewu 9:36 Iomraidhean Croise

1 TIHOSI 22:17

Kutani Mikaya a ku: “Ndzi vonile Vaisraele hinkwavo va hangalakile etintshaveni kukotisa tinyimpfu leti nga riki na murisi. Kutani Yehovha a ku: ‘Vanhu lava, a va na n'wini, un'wana ni un'wana a a tlhele hi ku rhula endlwini ya yena.’ ”

2 TIKRONIKA 18:16

Kutani Mikaya a ku: “Ndzi vonile Vaisraele hinkwavo va hangalakile etintshaveni, va kotisa tinyimpfu leti nga riki na murisi; kambe Yehovha a ku: ‘Vanhu lava, a va na n'wini, un'wana ni un'wana a a tlhele hi ku rhula endlwini ya yena!’ ”

Esaya 13:14

Va ta va tanihi mhala leyi hlongorisiwaka, tanihi nyimpfu leyi pfumalaka muhlayisi. Un'wana ni un'wana u ta kongoma ekarikwavo, a tsutsuma etikweni ra yena.

Yeremiya 50:6

“Tiko ra mina a ri kotisa ntlhambi wa tinyimpfu leti lahlekeke, varisi va tona a va ti hambuxa, va ti fambisa etintshaveni ni le switsungeni, ti kondza ti rivala tshanga ra tona.

Zakariya 10:2

Hikuva titerafi ti vula swahava. Vangoma va bvumbhile swa mavunwa, i milorho yo xisa leyi va nga yi lorha, va chavelela hi swahava. Hikwalaho, tiko ri sukile kukotisa ntlhambi, va xaniseka hi ku pfumala murisi.

Zakariya 11:16

Hikuva ndzi ta pfuxa emisaveni, murisi loyi a nga taka a nga hlayisi tinyimpfu leti lovaka, a nga lavi leyi lahlekeke, leyi tshovekeke, a nga yi ongoli, ni leyi fambaka a nga ka a nga yi phameli, ntsena u ta dya nyama ya leti noneke, a ko a pandza ni swinyondzwana swa tona.

Tinhlayo 27:17

loyi a va humesaka, ni loyi a va nghenisaka; nhlengeletano ya Yehovha yi nga vi ku kotisa ntlhambi lowu nga riki na murisi.”

Matewu 10:6

kambe mi ya eka tinyimpfu leti lahlekeke ta yindlu ya Israele.

Matewu 14:14

Yesu, kakuloko a huma, a vona mitshungu leyikulu, a va twela vusiwana, a hanyisa lava vabyaka exikarhi ka vona.

Matewu 15:24

Yena a hlamula, a ku: “A ndzi rhumiwanga eka munhu, loko ku nga ri ka tinyimpfu ta yindlu ya Israele leti loveke.”

Matewu 15:32

Kutani Yesu a vitana vadyondzisiwa va yena, a ku eka vona: “Ndzi twela ntshungu lowu vusiwana, hikuva va tshamile na mina masiku manharhu, va nga ri na leswi va swi dyaka; kutani ndza tsandzeka ku va tlherisa va ri ni ndlala, leswaku kumbe va nga karhala endleleni.”

Marka 6:34

Kuteloko Yesu a huma ebyatsweni, a vona vunyingi lebyikulu, a va twela vusiwana, hikuva a va fana ni tinyimpfu leti nga riki na murisi; kutani a sungula ku va dyondzisa timhaka leto tala.

Marka 8:2

“Ndzi twela vunyingi lebyi, vusiwana; hikuva hi masiku manharhu va tshamile eka mina va nga ri na swakudya.

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

Vaheveru 5:2

a ri karhi a swi kota ku tsetselela lava nga tiviki, ni lava lahlekeke, leswi na yena a rhendzeriwaka hi mikarhalo.