Matewu 7:7 - Xitsonga (Bibele)

⁷ “Kombelani, mi ta nyikiwa; lavani mi ta swi kuma, gongondzani, mi ta pfuleriwa.

BIBELE Mahungu Lamanene

⁷ “Kombelani, mi ta nyikiwa; lavani, mi ta swi kuma; gongondzani, mi ta pfuleriwa,

Testamente Leyimpsha Xichangana

⁷ Kombelani, mitanyikiwa; lavani, mitasvikuma; gongondzani, mitapfuleliwa,

Matewu 7:7 Iomraidhean Croise

Genesa 26:32

Hi siku rolero, malandza ya Isaka ma ta n'wi tivisa ta xihlovo leswi va nga ri karhi va xi cela, va ku eka yena: “Hi kume mati.”

1 TIHOSI 3:5

Yehovha a humelela eka Solomoni eGibiyoni, eku lorheni nivusiku; kutani Xikwembu xi ku eka yena: “Kombela lexi u rhandzaka ku nyikiwa xona.”

Pisalema 10:17

Oho Yehovha! U yingisa mikhongelo ya lava xanisiwaka; U tiyisa timbilu ta vona, u va yingisela hi tindleve ta wena,

Pisalema 10:4

Lowo biha, eku tikuriseni ka yena, a ku: A nga ka a nga vutisisi; “Xikwembu a xi kona”; hi kona ku anakanya ka yena hinkwako.

Pisalema 119:12

A ku dzunisiwe wena, Yehovha! Ndzi dyondzise timfanelo ta wena!

Pisalema 27:8

Mbilu ya nga yi ndzi byela swa wena, yi ku: “Lavani mombo wa mina!” Ndzi ta lava mombo wa wena, oho Yehovha!

Pisalema 34:4

Ndzi lavile Yehovha, kutani u ndzi hlamurile; A ndzi kutsula eku chaveni hinkwako ka mina.

Pisalema 37:4

Tsakela Yehovha, Kutani u ta ku nyika leswi naveriwaka hi mbilu ya wena.

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

Pisalema 69:32

Lava nga enhlomulweni va ta swi vona, va tsaka; N'wina lava lavaka Xikwembu timbilu ta n'wina ti ta hanya.

Pisalema 70:4

A va tsake va tsakisisa eka wena, Hinkwavo lava ku lavaka! Lava rhandzaka ku hlayiseka ka wena, A va vule hi masiku, va ku: “Xikwembu a xi kurisiwe!”

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

Swivuriso 8:17

Ndzi rhandza lava ndzi rhandzaka, Lava ndzi lavaka, va ta ndzi kuma.

Risimu ra Tinsimu 3:2

Ndzi ta pfuka sweswi, ndzi fambafamba emutini, ni le mitsendzeleni ni le tindleleni; Ndzi n'wi lava la rhandziwaka hi moya wa mina; Ndzi n'wi lavile kambe a ndzi n'wi kumanga!

Esaya 30:19

Hikuva wena tiko leri akeke eSiyoni, ni le Yerusalema, u nga ha rili! Loko u huwelela eka yena, u ta ku tsetselela, loko a twa ku vitana ka wena, u ta ku hlamula.

Yeremiya 33:3

Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

Amosi 5:4

Hikuva Yehovha u te eka yindlu ya Israele: “Ndzi laveni, kutani mi ta hanya.

Matewu 18:19

Kambe ndzi ri eka n'wina, vambirhi eka n'wina, loko va pfumelelana laha emisaveni, swilo hinkwaswo leswi va swi kombelaka, va ta nyikiwa hi Tatana wa le tilweni.

Matewu 21:22

kutani xilo xin'wana ni xin'wana lexi mi nga xi kombelaka hi ku khongela, loko mi pfumela, mi ta nyikiwa.”

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

Matewu 7:11

Kasi n'wina va tihanyi, loko mi tiva ku nyika vana va n'wina swilo leswinene, ngopfungopfu Tata wa n'wina wa le matilweni, a ta nyika leswinene eka lava kombelaka eka yena.

Matewu 7:8

Hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa la gongondzaka.

Marka 11:24

Hikwalaho ndzi ri eka n'wina: Hinkwaswo leswi mi swi kombelaka hi ku khongela, pfumelani leswaku mi swi nyikiwile, kutani swi ta endleriwa n'wina.

Luka 13:25

Kutakuloko n'wini wa yindlu a nghenile, a pfarile nyangwa, n'wina mi ri handle, mi ta sungula ku gongondza, mi ku: ‘Hosi, hosi, hi pfulele!’

Luka 18:1

Naswona, Yesu a va byela xifaniso ku kombisa leswaku vanhu va fanele ku khongela hi mikarhi hinkwayo, va nga tshuki va karhala.

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Yohane 15:7

Loko mi tshama eka mina, ni marito ya mina loko ma tshama eka n'wina, kombelani hinkwaswo leswi mi swi rhandzaka, mi ta endleriwa swona.

Yohane 4:10

Yesu a hlamula, a ku eka yena: “Loko a wu tivile ku nyika ka Xikwembu, ni loyi a nge eka wena: ‘Ndzi siyele ndzi nwa,’ ingi u komberile eka yena, kutani a a ta va a ku nyikile mati lama pfelelaka.”

Varhoma 2:7

Xi ta nyika vutomi lebyi nga heriki eka lava lavaka ku kwetsima, ni ku twala ni vutomi lebyo kala rifu, hi ku tiyisela emitirhweni yo saseka;

Varhoma 3:11

A ku na la nga ni ku twisisa, a ku na la lavaka Xikwembu.

Vaheveru 11:6

Kambe ku pfumela, loko ku nga ri kona, a ku na laha Xikwembu xi nga tsakisiwaka hakona; hikuva la tshinelelaka Xikwembu, u fanele ku pfumela leswaku hi yena muhakeri wa lava xi lavaka.

Yakobo 5:15

Kutani ku khongela loku endliwaka hi ku pfumela ku ta hanyisa muvabyi, kutani Hosi yi ta n'wi pfuxa emasangwini, kambe kungakuloko a dyohile, u ta rivaleriwa.

1 Yohane 3:22

Kutani lexi hi xi kombelaka, hambi yi ri yini na yini, hi nyikiwa hi xona hikuva hi hlayisa ku lerisa ka xona kutani hi endla leswi xi tsakisaka.