Matewu 7:15 - Xitsonga (Bibele)

¹⁵ “Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

BIBELE Mahungu Lamanene

¹⁵ “Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Testamente Leyimpsha Xichangana

¹⁵ Tivoneleni ka vaprofeta va mavunhwa lavataka ka n'wina na vayambalile svikhumba sva tinyempfu, kasi atimbilwini ta vona, i mahlolwa lawa malevaka.

Matewu 7:15 Iomraidhean Croise

1 TIHOSI 13:18

Kutani a ku eka yena: “Na mina ndzi muprofeta kukota wena, kambe ntsumi ya Xikwembu yi ndzi byerile hi rito ra Yehovha, ri te: ‘N'wi tlherise endlwini ya wena, a ta dya swakudya, a nwa mati.’ ” Kambe a a hemba mavunwa.

Yeremiya 29:21

“ ‘Yehovha wa mavandla, Xikwembu xa Israele, u vula hikwalaho ka Akabu, n'wana Kolaya, ni ka Sedekiyasi n'wana Maaseya, lava mi profetelaka mavunwa hi vito ra mina, a ku: Vonani ndzi ta va nyiketa emavokweni ya Nebukadnetsara, hosi ya Babilona, a ta va dlaya emahlweni ka n'wina.

Yeremiya 29:32

hikwalaho ku vula Yehovha: Vona, ndzi ta holovela Xemaya wa Nehelami ni rixaka ra yena. A ku nga ha vi na munhu wa yena la akaka exikarhi ka tiko leri, a ta vona vunene lebyi ndzi nga ta endlela tiko ra mina, ku vula Yehovha; hikuva u vurile marito ya ku pfukela Yehovha.’ ”

Ezekiele 13:16

Ku nga ha vi na vaprofeta va Israele lava profetaka ehenhla ka Yerusalema, lava lorhaka milorho yo rhulisa timbilu, kasi ku rhula ku hava, ku vula Hosi Yehovha!

Ezekiele 13:22

Leswi mi hlunamisaka moya wa lowo lulama hi mavunwa ya n'wina, kasi mina a ndzi n'wi hlunamisanga; ma tiyisa mandla ya lowo biha leswaku a nga hundzuki emikhuveni ya yena leyo biha ku kuma vutomi;

Ezekiele 22:25

Ku ni ku pfumelelana ka ku tiarisa eka vaprofeta lava nga eka rona, ku fana ni nghala leyi dzumadzumaka, leyi handzulelaka mbhari; va dya mimoya ya vanhu, va teka rifuwo ni swilo swo kala, va andzisa vavasati va tinoni exikarhi ka tiko.

Ezekiele 22:27

“Tihosana ta rona exikarhi ka rona ti fana ni timhisi leti handzulaka mbhari; ti halata ngati, ti lovisa mimoya ya vanhu leswaku ti andzisa rifuwo ra tona.

Daniele 11:34

Kutani loko va wile va ta vona ku pfuneka ku nga ri kungani, kutani lavo tala va ta namarhelana na vona hi ku kanganyisa.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Zakariya 13:4

Hi siku rolero vaprofeta va ta khomiwa hi tingana, un'wana ni un'wana hi ku bvumbha ka yena loko a ri karhi a profeta, a va nga ha ambali nguvu ya voya ku vula swa mavunwa.

Matewu 10:17

Kambe mi tivonela vanhu, hikuva va ta mi yisa etihubyeni, va ta mi xupula emasinagogeni ya vona.

Matewu 16:11

A mi twisisi ha yini leswaku a ndzi vulanga xinkwa, loko ndzi ku: ‘Tivoneleni ka comela xa Vafarisi ni xa Vasaduki!’ ”

Matewu 16:6

Yesu a ku eka vona: “Tivoneleni, mi chava comela xa Vafarisi ni xa Vasaduki.”

Matewu 24:11

Ku ta humelela vaprofeta lavo tala va mavunwa va ta hambukisa lavo tala.

Matewu 7:14

Kambe nyangwa ya vutomi yi khumile, ni ndlela leyi yaka kona yi larile, kutani lava yi kumaka, a hi vanyingi.

Luka 12:15

Kutani a ku eka vona: “Tivoneleni, mi chava timbilu ta makwanga, hikuva vutomi bya munhu byi nga ka byi nga humi eswilweni leswi a swi fuweke, hambi swi n'wi andzele ngopfu.”

Luka 6:26

Mi ni khombo n'wina siku vanhu hinkwavo va mi dzunisaka, hikuva vatata wa vona va endlisile sweswo eka vaprofeta va mavunwa.

Yohane 10:12

Kambe la tirhelaka mali, a nga ri murisi, loyi tinyimpfu ti nga riki ta yena, kuteloko a vona xinkankanka xi ta, a tshika tinyimpfu, a baleka; kutani xinkankanka xi khoma tinyimpfu, xi ti hangalasa.

Timhaka 13:40

Tivoneleni hikwalaho, leswaku kumbe lexi vuriweke hi vaprofeta xi nga mi humelela, leswaku:

Timhaka 13:6

Kuteloko va tsemakanyile xihlale ku ya fika ePafo, va kuma mungoma un'wana, muprofeta wa ku hemba, wa Muyuda, vito ra yena a a ri Bariyesu,

Vagalatiya 2:4

ku ri hikwalaho ka vamakwerhu va mavunwa, lava nkhunkhuseleke exikarhi ka hina va nga tsundzukiwi, lava kaseleke exihundleni, va ta wonga ku tshunxeka loku hi nga na kona eka Yesu Kriste, va ta hi nghenisa evukhumbini;

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

Vafilipiya 3:2

Chavani timbyana; chavani vatirhi lavo biha; chavani ngoma ya vunwa.

Vakolosa 2:8

Tilanguteleni leswaku munhu a nga tshuki a mi koka hi filosofi ni mavunwa ya swahava, hi ku landzelela mikhuva ya vanhu ni timhaka to rhanga ta misava, ku nga ri ha Kriste.

2 Timotiya 3:13

Kambe vanhu lavo biha ni vakanganyisi va ta hundzela emahlweni eku biheni, va ri karhi va kanganyisa, na vona va kanganyisiwa.

2 Timotiya 4:3

Hikuva ku ta humelela nkarhi lowu vanhu va nga taka va nga yingiseri dyondzo leyi hanyisaka; kambe hi ku navela ka vona, va ta tihlengeletela vafundhisi, va ri karhi va tiphumunha tindleve,

2 Petro 3:17

Hikwalaho, loko mi ri n'wina, varhandziwa, leswi mi swi tivaka swi nga si humelela, tilanguteleni, mi nga ti kokiwa ni van'wana hi ku kanganyisa ka lavo homboloka, mi ta lahlekeleriwa hi ku tiya ka n'wina.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Yuda 1:4

Hikuva exikarhi ka n'wina, ku nghene hi ku wonga, vanhu van'wana, lava ku avanyisiwa ka vona ku tsariweke khale; vanhu lava nga chaviki Xikwembu, va hundzula tintswalo ta Xikwembu xa hina manyala, kutani va landzula Yesu Kriste loyi a nga yena Mufumi a ri swakwe, ni Hosi ya hina.

Nhlavutelo 16:13

Kutani ndzi vona ku huma enon'wini wa dragona, ni le non'wini wa xivandza, ni le non'wini wa muprofeta wa mavunwa, mimoya minharhu ya thyaka leyi fanaka ni mitlambya.

Nhlavutelo 17:6

Kutani ndzi vona wansati a pyopyiwile hi ngati ya vakwetsimi, ni ngati ya timbhoni ta Yesu; kakuloko ndzi n'wi vona, ndzi hlamala ngopfungopfu.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

Nhlavutelo 20:10

Kutani Diyavulosi, loyi a va kanganyisaka, a cukumetiwa etiveni ra ndzilo ni xivavula, laha ku nga ni xivandza ni muprofeta wa vunwa; va ta xanisiwa kona vusiku ni nhlekanhi hilaha ku nga heriki.