Matewu 7:13 - Xitsonga (Bibele)

¹³ “Nghenani hi nyangwa le yo khuma, hikuva nyangwa ya ku lova yi ahlamile, ni ndlela leyi yaka kona yi anamile, kutani lava nghenaka kona va tele.

BIBELE Mahungu Lamanene

¹³ “Nghenani hi nyangwa leyo khuma, hikuva nyangwa leyi yisaka eku loveni yi ahlamile, ni ndlela leyi yaka kona, yi anamile, kutani lava nghenaka hi yona va tele.

Testamente Leyimpsha Xichangana

¹³ Nghenani hi nyangwa lowu wokhuma, hikuva nyangwa lowuyisaka kuloveni wuyanamile, ni ndlela leyi yiyaka kona, yiyanamile, kutani lavanghenaka hi yona vatele.

Matewu 7:13 Iomraidhean Croise

Genesa 6:12

Xikwembu xi languta misava, kutani maswivo, a yi onhakile, hikuva nyama yin'wana ni yin'wana a yi onhile ndlela ya yona emisaveni.

Genesa 6:5

Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

Swivuriso 16:25

Ndlela yi kona leyi vonekaka eka munhu ingi yi lulamile, Kasi makumu ya yona, ma yisa eku feni.

Swivuriso 7:27

Yindlu ya yena i ndlela ya xivandla xa vafi, Leyi xikelaka eswidziveni swa rifu.

Swivuriso 9:6

Tshikani ku rivala mi ta hanya, Mi famba endleleni ya vutlhari!”

Esaya 1:9

Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Matewu 25:41

“Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Matewu 3:2

“Hundzukani, hikuva ku fuma ka matilo ku tshinele.”

Matewu 3:8

Loko swi ri tano, vekani mihandzu leyi fanelaka ku hundzuka.

Matewu 7:14

Kambe nyangwa ya vutomi yi khumile, ni ndlela leyi yaka kona yi larile, kutani lava yi kumaka, a hi vanyingi.

Luka 14:33

Kutani-ke, un'wana ni un'wana exikarhi ka n'wina la nga tshikiki leswi a nga na swona, a nga ka a nga vi mudyondzisiwa wa mina.

Luka 9:33

Kakuloko va n'wi sukela, Petro a ku eka Yesu: “N'wini, swi nga saseka loko hi tshama kwala; a hi akeni mitsonga minharhu; wun'wana wu va wa wena, wun'wana wa Muxe wun'wana wa Eliya,” kambe a a nga tivi lexi a xi vulaka.

Yohane 10:9

Hi mina nyangwa. Kungakuloko munhu a nghena ha mina, u ta hlayiseka; u ta nghena a va a huma, a kuma madyelo.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Varhoma 9:22

Kambe loko Xikwembu xi rhandzile ku kombisa vukari bya xona ni ku twarisa matimba ya xona, xi honisile hi mbilu leyo leha ngopfu timbita ta vukari leti lunghiseriweke ku lahleka,

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Vagalatiya 5:24

Kambe lava nga Vakriste, va vambile nyama ni ku rhandza ni ku navela ka yona.

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

Nhlavutelo 20:15

Kutani un'wana ni un'wana la nga ka a nga kumiwanga a tsariwile ebukwini ya vutomi, a hoxiwa etiveni ra ndzilo.

Nhlavutelo 20:3

Kutani yi n'wi cukumeta ekheleni, yi n'wi pfalela kona, yi ri tiyisa hi mfungho ehenhla ka rona, leswaku a nga tshuki a hambukisa matiko ku ko ku hetiseka malembe ya khume ra madzana; endzhaku ka swona u ta fanela ku tshunxiwa hi nkarhi wu nga ri wungani.