Matewu 6:24 - Xitsonga (Bibele)

²⁴ “A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.

BIBELE Mahungu Lamanene

²⁴ “A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

Testamente Leyimpsha Xichangana

²⁴ Aku na munhu lweyi angakotaka kutirhela tihosi timbirhi; hikuva atavenga yin'we, arhandza leyin'wana. Mingekoti kutirhela Xikwembu na Mamona.

Matewu 6:24 Iomraidhean Croise

Genesa 47:17

Kutani va neha mitlhambi ya vona eka Yosefa, Yosefa a va nyika swakudya, va neha ni tihanci, ni mitlhambi ya swifuwana ni mitlhambi ya swifuwo, ni ya timbhongolo; kutani a va hanyisa hi koro hi lembe lero hinkwaro, ematshan'weni ya mitlhambi ya vona hinkwayo.

1 TIHOSI 18:21

Eliya a tshinelela tiko hinkwaro, a ku: “Mi ta khwita hi milenge mimbirhi ku yisa kwihi xana? Loko Yehovha xi ri Xikwembu, n'wi landzeni; kambe loko Baali xi ri Xikwembu, n'wi landzeni!” Tiko ri miyela, ri ku ntsee.

2 TIHOSI 17:41

Vamatiko lawa, va chava Yehovha, kambe va tirhela swifaniso swa vona, kutani vana va vona ni vatukulu va vona va endla hilaha vatata wa vona va endleke hakona, ku fika namuntlha.

Ezekiele 20:39

“Loko mi ri n'wina, va yindlu ya Israele, Hosi Yehovha u ri: Fambani mi luvela un'wana ni un'wana swifaniso swa yena; kambe ndzhaku, mi ta ndzi yingisa! Kambe a mi nga ha nyamisi na kambe vito ra mina lero kwetsima hi magandzelo ya n'wina, ni swifaniso swa n'wina.

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

Matewu 4:10

Kambe Yesu a ku eka yena: “Suka Satana hikuva ku tsariwile va ku: ‘U ta khinsamela Hosi, Xikwembu xa wena u tirhela xona ntsena.’ ”

Luka 16:11

Sweswi, leswi mi nga dzunekangiki exumeni lexi nga lulamangiki, i mani la nga ta mi tshembela xuma lexinene?

Luka 16:13

“A ku na nandza la nga swi kotaka ku tirhela vini vambirhi, hikuva kumbe u ta venga un'wana, a rhandza un'wana; kumbe u ta namarhela un'wana, a sandza un'wana; Mi nga hluleka ku tirhela Xikwembu na Mamona.”

Luka 16:9

“Na mina ndzi ri eka n'wina: Tiendlelani maxaka hi xuma lexi nga lulamangiki, leswaku loko mi pfumala, va mi amukela emitsongeni leyi nga heriki.

Vagalatiya 1:10

Hikuva ndzi ri, xana ndzi lava ku khensiwa hi vanhu kumbe hi Xikwembu xana? Kumbexana ndzi rhandza ku tsakisa vanhu-ke? Kasi loko a ndza ha rhandza ku tsakisa vanhu, ingi ndzi nga ri nandza wa Kriste.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

2 Timotiya 4:10

hikuva Demasi u ndzi siyile hi ku rhandza swa nkarhi wa sweswi, kutani u tifambele eTesalonika; Kreskene u yile eGalatiya, na Tito u yile eDalamatiya;

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

Yoxuwa 24:15

Kambe loko swi bihile emahlweni ya n'wina ku tirhela Yehovha, hlawulani namuntlha loyi mi rhandzaka ku n'wi tirhela, hambi swikwembu leswi vatata wa n'wina va swi tirheleke ehase ka nambu, hambi swikwembu swa Vaamori, etikweni leri mi akeke eka rona. Loko ndzi ri mina ni yindlu ya mina, hi ta tirhela Yehovha.”

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”