Matewu 6:20 - Xitsonga (Bibele)

²⁰ Kambe tihlengeleteleni xuma etilweni, laha tinsumba ni ku kurha swi nga dyiki kona, ni laha makhamba ma nga boxiki kona, ma nga yivi;

BIBELE Mahungu Lamanene

²⁰ Kambe tihlengeleteleni xuma etilweni, laha tinsumba ni ku kurha swi nga dyiki kona, ni laha makhamba ma nga tshoviki kona ma yiva.

Testamente Leyimpsha Xichangana

²⁰ Kambe tihlengeleteleni rifuwo tilweni, laha tinsumba ni kukurha svingajiki kona, ni laha makamba mangaboxiki kona mayiva.

Matewu 6:20 Iomraidhean Croise

Esaya 33:6

Masiku ya wena ma ta tiya; kutani kuluko wu ta va kona wa ku hlayiseka, ni vutlhari, ni ku tiva; kutani ku chava Yehovha ku ta va rifuwo ra Yuda.

Matewu 19:21

Yesu a ku eka yena: “Loko u rhandza ku va la hetisekeke, famba u ya xavisa leswi u nga na swona, u avela swisiwana kwalaho u ta va ni xuma etilweni, kutani u ta, u ndzi landza.”

Matewu 6:19

“Mi nga tshuki mi tihlengeletela xuma emisaveni, laha tinsumba ni ku kurha swi dyaka kona, ni laha makhamba ma boxaka kona ma yiva.

Marka 10:21

Kuteloko Yesu a n'wi langutile, a n'wi rhandza, kutani a ku eka yena: “U pfumala xilo xin'we: Famba, u ya xavisa hinkwaswo leswi u nga na swona, u nyika swisiwana, kutani u ta va ni xuma etilweni; kutani u ta, u ndzi landza.”

Luka 12:33

Xavisani leswi mi nga na swona, mi nyika swisiwana; mi tilavela mikwama leyi nga hlakariki, ni xuma ematilweni lexi nga heriki, lexi khamba ri nga xi yiviki, ni laha tinsumba ti nga onhiki;

Luka 18:22

Kuteloko Yesu a twa sweswo, a ku eka yena: “Wa ha pfumala xilo xin'we: Xavisa hinkwaswo leswi u nga na swona, u avela swisiwana, hi kona u nga ta va ni xuma etilweni; kutani u ta, u ndzi landzela.”

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

1 Timotiya 6:19

va tihlengeletela mikarhi leyi taka rifuwo leri nga ni masungulo lamanene, va ta kuma vutomi lebyi nga heriki.

Vaheveru 10:34

Hikuva mi twele vusiwana lava bohiweke, kutani mi pfumerile hi ku tsaka loko swa n'wina swi tekiwa hi ku tiva leswaku mi ni rifuwo leri tlurisaka, leri nga kona hi masiku etilweni.

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

1 Petro 1:4

hi ta nyikiwa ndzhaka leyi nga boriki, leyi nga nyamisiwiki, yi nga vuniki, leyi hlayiseriweke hina ematilweni,

1 Petro 5:4

Kutani loko murisi lonkulu a ta humelela, mi ta amukela harhi leyi nga boriki ya ku kwetsima.

Nhlavutelo 2:9

Ndzi tiva nhlomulo wa wena, ni vusiwana bya wena (hambi u ri mufuwi), ni ku sandza ka lava tivulaka Vayuda, kasi a hi vona, kambe i sinagoga ya Satana.