Matewu 6:2 - Xitsonga (Bibele)

² Hikwalaho, loko u nyika swisiwana, u nga tshuki u yimba nanga emahlweni ka wena, u kotisa leswi vamandzendze va swi endlaka emasinagogeni, ni le mitsendzeleni, leswaku va ta dzunisiwa hi vanhu. Kunene ndza mi byela leswaku va kumile hakelo ya vona.

BIBELE Mahungu Lamanene

² “Hikokwalaho ke, loko u nyika swisiwana, u nga tidzunisi ha swona kukotisa leswi vakanganyisi va swi endlaka emasinagogeni ne tindleleni, leswaku va ta dzunisiwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Testamente Leyimpsha Xichangana

² Hikolaho-ke, loko unyika svisiwana, ungatshuki uhuwelela kumbe kutivisa hi mhalamhala kufana ni lesvi vakanganyisi vasviyendlaka masinagogeni ni le tindleleni, lesvaku vatadzunisiwa hi vanhu. Nitiyisile nili ka n'wina: Hakelo ya vona vayikumile.

Matewu 6:2 Iomraidhean Croise

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Pisalema 37:21

Lowo biha wa lomba, kambe a nga tlherisi; La lulameke u twela vanhu vusiwana, wa hanana.

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Swivuriso 20:6

Lava tivulaka vunene va tele, Kambe munhu la tshembekaka a nga kumiwa hi mani?

Eklesiasta 11:2

Byi nyike ka vanhu va ntlhanu na vambirhi, kumbe ka va ntlhanu na vanharhu; hikuva a ku tivi khombo leri nga ta humelela emisaveni.

Esaya 10:6

Ndza n'wi rhuma ku ya lwa ni tiko lero homboloka, ndzi n'wi lerisa ku ya lwa ni tiko leri ndzi ri kariheleke, a ta tshumba swilo swa rona, a phanga xuma, a ri kandziyela tanihi ndzhope wa mitsendzele.

Esaya 58:7

Xana a hi ku phamela loyi a nga ni ndlala vuswa bya wena, a hi ku amukela endlwini ya wena xisiwana lexi nga riki na ekaya xana? Ni loko u vona munhu a swerile, u n'wi funengeta-ke? Ni loko u nga hundzukeri loyi a nga nyama ya wena hi xiviri xana?

Esaya 9:17

Hikwalaho Hosi yi nga ka yi nga tsakeri timbhuri ta rona, yi nga ka yi nga tsetseleri swisiwana ni tinoni ta rona; hikuva hinkwavo i vadyohi ni vabihi, milomu hinkwayo yi vulavula swisandzu ntsena. Hambiswiritano, vukari bya yena a byi si tlhela, ni voko ra yena ra ha tshambulutiwile.

Hosiya 8:1

Veka nanga enon'wini wa wena. Xirha xi haha kukotisa gama, xi wela ehenhla ka yindlu ya Yehovha hikuva va tlule ntwanano wa mina va hundzukele milawu ya mina.

Matewu 15:7

Vakanganyisi, Esaya u mi bvumbhele swinene loko a te:

Matewu 16:3

kutani nimixo mi ri: ‘Ri ta pfuma hikuva tilo ri tshwukile, ri endle ntima.’ Vakanganyisi, mi tiva swinene ku hundzuka ka nghohe ya tilo, kasi mi tsandzeka ha yini ku tsundzuka swikombiso swa mikarhi leyi xana?

Matewu 22:18

Kambe Yesu, hi ku tiva mona wa vona, a ku: “Mi ndzi ringela yini, n'wina vakanganyisi?

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Matewu 23:6

Va rhandza switshamo swa le mahlweni emikhubyeni, ni switshamo leswo rhanga emasinagogeni,

Matewu 24:51

kutani yi ta n'wi pulukanyisa, yi n'wi nyika ku averiwa ku ri kun'we ni vamanyunyu; hilaha swirilo swi nga ta va kona ni ku getsela ka meno.

Matewu 5:18

Hikuva kunene, ndza mi byela, ndzi ri: Tilo ni misava swi ko swi hundza, yota, hambi yi ri yin'we, ni valanyana, hambi ri ri rin'we ra nawu, swi nga ka swi nga hundzi ku nga si endleka swilo hinkwaswo.

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:3

Kambe wena loko u nyika xisiwana, voko ra wena ra ximatsi ri nga tshuki ri tiva leswi endliwaka hi lera xinene,

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Matewu 7:5

Mukanganyisi, rhanga u pfuta ntsandze lowu nga le tihlweni ra wena, kutani hilaha u nga ta vonisisa swinene ku pfuta xilavi etihlweni ra makwenu.

Marka 12:39

lava rhandzaka switshamo swa le mahlweni emasinagogeni, ni switshamo leswo rhanga emikhubyeni;

Marka 7:6

A va hlamula, a ku: “Esaya u mi profetele swinene n'wina vamanyunyu, hilaha ku tsariweke leswaku: ‘Tiko leri, ri ndzi chava hi milomu, kambe timbilu ta vona ti le kule na mina.

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Luka 11:43

“Mi ni khombo n'wina Vafarisi, hikuva mi rhandza switshamo leswi nga emahlweni, emasinagogeni, ni ku xewetiwa emitsendzeleni.

Luka 12:33

Xavisani leswi mi nga na swona, mi nyika swisiwana; mi tilavela mikwama leyi nga hlakariki, ni xuma ematilweni lexi nga heriki, lexi khamba ri nga xi yiviki, ni laha tinsumba ti nga onhiki;

Luka 12:56

N'wina vamanyunyu! Mi tiva ku xiya nghohe ya tilo ni ya misava, kasi a mi tivi ha yini ku pimanisa nkarhi lowu;

Luka 13:15

Kambe Hosi yi n'wi hlamula, yi ku: “N'wamanyunyu, xana un'wana ni un'wana wa n'wina a nge tshunxi homu ya yena, kumbe mbhongolo ya yena exidyelweni hi Savata, a yi yisa eku nweni xana?

Luka 20:46

“Chavani vatsari lava rhandzaka ku tifambela hi tinguvu leto leha, ni ku xewetiwa emitsendzeleni, va rhandza switshamo leswo rhanga emasinagogeni, ni switshamo leswo rhanga emikhubyeni.

Luka 6:24

“Kambe mi ni khombo n'wina vafuwi, hikuva mi vonile ku chaveleriwa ka n'wina.

Luka 6:42

Kumbe u nga vurisa ku yini eka makwenu, u ku: ‘Tshika, ndzi pfuta xilavi etihlweni ra wena,’ kasi wena a ku voni ntsandze lowu nga le tihlweni ra wena? N'wamanyunyu, rhanga u pfuta ntsandze lowu nga le tihlweni ra wena, hilaha u nga ta vona ku pfuta xilavi lexi nga le tihlweni ra makwenu.

Yohane 13:29

Hikuva van'wana a va anakanya leswaku leswi Yudasi a nga yena mutameri wa nkwama wa mali, kumbe Yesu a a n'wi byela ku xavela nkhuvo leswi va swi pfumalaka, hambi ku ri ku nyika xisiwana leswo karhi.

Yohane 5:41

A ndzi amukeri ku dzunisiwa loku humaka eka vanhu;

Yohane 5:44

Mi nga pfumerisa ku yini kasi mi rhandza ku dzunisana, mi nga lavi ku dzunisiwa loku humaka eka Xikwembu ntsena?

Yohane 7:18

La tisungulelaka swa yena u tilavela ku dzunisiwa, kambe la lavaka ku dzunisiwa eka la n'wi rhumeke, hi yena loyi a nga wa ntiyiso, kutani ku homboloka a ku kona eka yena.

Timhaka 10:2

a a ri munhu wa vukhongeri, la chavaka Xikwembu kun'we ni va yindlu ya yena hinkwavo; a a hanana ngopfu eka swisiwana swa tiko; a nga rhuteri ku khongela Xikwembu.

Timhaka 10:31

‘Korneliyo, mikhongelo ya wena yi yingisiwile, ni ku hanana ka wena ku fikile emahlweni ka Xikwembu xi va xitsundzuxo eka xona.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Timhaka 11:29

Kutani vadyondzisiwa va va ni rito rin'we ku rhumela vamakwavo lava akeke eYudiya leswaku va pfuna hilaha un'wana ni un'wana a nga humesa hakona.

Timhaka 24:17

“Kutani ndzhaku ka malembe layo tala, ndzi tile ku ta neha swo nyika eka tiko ra rikwerhu, ni ku humesa timhamba.

Timhaka 9:36

Emutini wa Yopa, a ku ri ni wansati wa mudyondzisiwa, loyi va nge i Tabita (hileswaku Dorkasi, loko ku hlamuseriwa), a tele mitirho ya tintswalo, ni ya ku hanana.

Varhoma 12:8

la hananaka, a a hanane hi mbilu leyo tenga; la lerisaka, a a lerise hi ku xiya; la endlaka mitirho ya tintswalo, a a endle hi ku tsaka.

1 Vakorinto 13:3

Hambi ndzi avela rifuwo ra mina hinkwaro, ndzi phamela swisiwana, kumbe ndzi nyiketa miri wa mina leswaku wu hisiwa, kambe ndzi nga ri na rirhandzu, leswo a swi ndzi pfuni nchumu.

Vagalatiya 2:10

ntsena va hi khongoterile leswaku hi tsundzuka swisiwana, kutani leswo, ndzi swi xiyile ku swi endla.

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

1 Vatesalonika 2:6

Na kona, a hi lavanga ku dzunisiwa loku humaka eka vanhu hambi ku ri ka n'wina, hambi ku ri ka van'wana; hambi leswi hi nga vaapostola va Yesu Kriste, a hi ta swi kota ku endla hi vukulukumba,

1 Timotiya 6:18

va tirha leswo saseka, va fuwa mitirho leyinene va rhandza ku avela van'wana swa vona, va hanana;

Filemoni 1:7

Ntsena makwerhu, hi ni ku khensa ni ku chaveleriwa lokukulu erirhandzwini ra wena, hikuva timbilu ta vakwetsimi ti rhurhise hi wena.

Vaheveru 13:16

Mi nga karhaleni ku endlela vanhu leswinene ni ku hanana, hikuva Xikwembu xi tsakisiwa hi magandzelo layo tano.

1 Petro 4:11

Loko un'wana a vulavula, a a landze marito ya Xikwembu; loko un'wana a tirha ekerekeni, a a tirhe hi matimba lawa Xikwembu xi n'wi nyikaka, leswaku Xikwembu xi dzunisiwa eka hinkwaswo ha Yesu Kriste, loyi a nga ni ku kwetsima ni matimba, hilaha ku nga heriki. Amen!

1 SAMIELE 15:30

Kutani Sawulo a ku: “Ndzi dyohile! Wa nga ndzi dzunisa sweswi emahlweni ka vakulukumba va tiko ra mina, ni le mahlweni ka Israele, u ta tlhela na mina, kutani ndzi ta khinsama emahlweni ka Yehovha, Xikwembu xa wena!”