Matewu 6:19 - Xitsonga (Bibele)

¹⁹ “Mi nga tshuki mi tihlengeletela xuma emisaveni, laha tinsumba ni ku kurha swi dyaka kona, ni laha makhamba ma boxaka kona ma yiva.

BIBELE Mahungu Lamanene

¹⁹ “Mi nga tihlengeleteli xuma emisaveni, laha tinsumba ni ku kurha swi dyaka kona, ni laha makhamba ma tshovaka kona, ma yiva.

Testamente Leyimpsha Xichangana

¹⁹ Mingatihlengeleteleni rifuwo misaveni, laha tinsumba ni kukurha svijaka kona, ni laha makamba maboxaka kona, mayiva.

Matewu 6:19 Iomraidhean Croise

Ntirho 24:16

Nivusiku va boxa tindlu. Ninhlekanhi va tipfalela; A va vuli nchumu hi ku vonakala.

Ntirho 31:24

“Loko ndzi endlile nsuku ku tshemba ka mina, Ndzi ku eka nsuku lowunene: Ku dzuna ka mina ku le ka wena.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Pisalema 62:10

Mi nga tshuki mi tshemba mahlundzu; Mi nga tikuriseni hi ku vutla; Loko mi andzeriwe hi rifuwo, mi nga vekeni timbilu ta n'wina eka rona.

Eksoda 22:2

“Loko khamba ri khomiwa ri ri karhi ri boxa ri yiva, kutani ri dlawa, a ku na nandzu wa ngati eka loyi a ri dlayeke;

Swivuriso 11:4

Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

Swivuriso 16:16

Ku fuwa vutlhari, ku tlula nsuku, Ni ku fuwa ku twisisa ku tlula silivhere.

Eklesiasta 2:26

Hikuva Xikwembu xi nyika munhu lonene emahlweni ka xona, vutlhari, ni ku tiva, ni ku tsaka, kasi eka mudyohi xi n'wi nyika ntirho lowo tika, ku hlengeleta ni ku vunganyetela leswaku swi ta nyika la nga lonene emahlweni ka Xikwembu. Sweswo, na swona, i vuhava ni ku vaviseka ka moya.

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Matewu 19:21

Yesu a ku eka yena: “Loko u rhandza ku va la hetisekeke, famba u ya xavisa leswi u nga na swona, u avela swisiwana kwalaho u ta va ni xuma etilweni, kutani u ta, u ndzi landza.”

Matewu 6:20

Kambe tihlengeleteleni xuma etilweni, laha tinsumba ni ku kurha swi nga dyiki kona, ni laha makhamba ma nga boxiki kona, ma nga yivi;

Luka 12:21

Swi tano ni ka yena loyi a tihlengeletelaka xuma, kambe a nga fuweri Xikwembu.”

Luka 12:33

Xavisani leswi mi nga na swona, mi nyika swisiwana; mi tilavela mikwama leyi nga hlakariki, ni xuma ematilweni lexi nga heriki, lexi khamba ri nga xi yiviki, ni laha tinsumba ti nga onhiki;

Luka 12:39

Kambe tivani leswaku, loko ngi n'wini wa yindlu a tiva nkarhi lowu khamba ri nga ta ta ha wona, u ta hiteka, a nga ka a nga tshiki yindlu ya yena yi boxiwa.

Luka 18:22

Kuteloko Yesu a twa sweswo, a ku eka yena: “Wa ha pfumala xilo xin'we: Xavisa hinkwaswo leswi u nga na swona, u avela swisiwana, hi kona u nga ta va ni xuma etilweni; kutani u ta, u ndzi landzela.”

Luka 18:24

Kuteloko Yesu a vonile leswaku a ni tingana, a ku: “Swa nonon'hwa eka lava nga ni rifuwo ku nghena eku fumeni ka Xikwembu.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”