Matewu 6:10 - Xitsonga (Bibele)

¹⁰ a ku te ku fuma ka wena; ku rhandza ka wena a ku endliwe emisaveni swa nga hi le tilweni.

BIBELE Mahungu Lamanene

¹⁰ a ku te ku fuma ka wena; ku rhandza ka wena a ku endliwe misaveni, tanihi loko ku endliwa tilweni.

Testamente Leyimpsha Xichangana

¹⁰ “akute kufuma ka wena; kurhandza ka wena akuyendliwe misaveni, tani hi loko kuyendliwa tilweni.

Matewu 6:10 Iomraidhean Croise

Nehemiya 9:6

Hi wena Yehovha u ri swaku, hi wena u endleke matilo ni matilo ya matilo, ni mavandla hinkwawo ya wona, ni misava, ni hinkwaswo leswi nga ehenhla ka yona, ni malwandle, ni leswi nga eka wona, hi wena la hanyisaka swilo leswi hinkwaswo, mavandla ya le matilweni ma karhi ma khinsama emahlweni ka wena.

Pisalema 2:6

A ku: “Hi mina ndzi toteke hosi yanga eSiyoni, Entshaveni ya mina leyi hlawuriweke.”

Pisalema 40:8

Xikwembu xanga, ndzi tsakela ku endla ku rhandza ka wena! Kutani nawu wa wena wu le mbilwini ya mina.”

Esaya 2:2

Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Yeremiya 23:5

“Vonani, ku vula Yehovha ma ta masiku lawa ndzi nga ta humesela Davhida ha wona xihluke xa ku lulama, yi va hosi ya vukosi leyi fumaka hi vutlhari, yi veka ku avanyisa ni ku lulama emisaveni.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Daniele 7:13

“Ndzi ku ndzi languta eswivonweni swa vusiku, kutani vonani, un'wana la fanaka ni n'wana wa munhu a humelela hi mapapa ya le henhla, a fika eka Nkulukumba wa masiku, a tisiwa emahlweni ka yena.

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Matewu 12:50

hikuva un'wana ni un'wana la nga ta endla ku rhandza ka Tatana la nga etilweni, hi yena la nga makwerhu, ni makwerhu wa xisati, na manana.”

Matewu 16:28

Ndzi vurisile ndzi ri eka n'wina: Van'wana va kona eka lava nga kwala, lava nga ta ka va nga nantswi rifu, va nga si vona N'wana wa Munhu a ta eku fumeni ka yena.”

Matewu 26:42

Kutani a tlhela a ya ra vumbirhi, a khongela, a ku: “Tatana, loko swi nga ka swi nga endleki leswaku xinwelo lexi xi hundza ekule na mina, ndzi nga nweri eka xona, a ku endliwe ku rhandza ka wena!”

Matewu 3:2

“Hundzukani, hikuva ku fuma ka matilo ku tshinele.”

Matewu 4:17

Enkarhini wolowo, Yesu a sungula ku dyondzisa, a ku: “Hundzukani, hikuva ku fuma ka matilo ku kusuhi.”

Matewu 7:21

“A hi hinkwavo lava nge eka mina: Hosi, hosi, lava nga ta nghena eku fumeni ka matilo, kambe ku ta nghena la endlaka ku rhandza ka Tata wa mina la nga ematilweni.

Marka 11:10

A ku dzunisiwe ku fuma loku taka eka tata wa hina, Davhida! Hosanna ematilweni la ma nga ehenhlahenhla.”

Marka 3:35

hikuva la endlaka ku rhandza ka Xikwembu, hi yena makwerhu wa wanuna ni wa wansati, na manana.”

Luka 19:11

Kakuloko va ha yingisa timhaka teto, Yesu a engeta a va byela xifaniso, hikuva a a ri ekusuhi na Yerusalema, kutani va ringanisa leswaku ku fuma ka Xikwembu ku ta hatlisa ku humelela.

Luka 19:38

“A ku khensiwe Hosi leyi taka hi vito ra Yehovha! Ku rhula a ku ve ematilweni, ni ku kwetsima ematilweni lama nge henhlahenhla.”

Luka 22:42

“Tatana, loko u swi rhandza, tshineta ndzheko lowu ekule na mina! Kambe, ku nga endliwi ku rhandza ka mina, a ku endliwe ka wena.”

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Yohane 6:40

Hi kona ku rhandza ka loyi a ndzi rhumeke, hileswaku un'wana ni un'wana la langutaka N'wana, a pfumela eka yena, a va ni vutomi lebyi nga heriki; kutani mina ndzi ta n'wi pfuxa hi siku ra makumu.”

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Timhaka 13:22

Kuteloko Xikwembu xi n'wi susile, xi va humesela Davhida, leswaku a va hosi ya vona, loyi xi n'wi vuleke xi ku: ‘Ndzi kumile Davhida n'wana Yese, munhu la nga wa mbilu ya mina la nga ta endla hinkwaswo leswi ndzi swi rhandzaka!’

Timhaka 21:14

Kuteloko a tialele, hi miyela hi ku: “A ku endliwe leswi rhandziwaka hi Hosi!”

Timhaka 22:14

Kambe a ku: ‘Xikwembu xa vatata wa hina xi tihlawulele wena leswaku u tiva ku rhandza ka xona, ni leswaku u vona La lulameke, ni leswaku u twa rito ra nomu wa yena;

Varhoma 12:2

Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

Vaefesa 6:6

mi nga va tirheli ntsena loko va mi langutile, leswo ngi mi rhandza ku tsakisa vanhu, kambe mi va tanihi malandza ya Kriste, mi endla ku rhandza ka Xikwembu hi mbilu,

Vakolosa 1:13

kutani u hi humesile ematimbeni ya munyama, a hi nghenisa eku fumeni ka N'wana wa yena la rhandziwaka,

Vakolosa 1:9

Hikwalaho, na hina, mpfhuka hi yingisa sweswo, a hi rhutelangi ku mi khongelela, ni ku mi kombelela leswaku mi tala hi ku tiva ku rhandza ka xona, hi vutlhari hinkwabyo, ni ku anakanya hinkwako ka Moya;

1 Vatesalonika 4:3

hikuva ku rhandza ka Xikwembu hileswaku mi kwetsimisiwa, ni leswaku mi tshika vuoswi,

1 Vatesalonika 5:18

Etimhakeni hinkwato, mi khensa; hikuva hi swona leswi Xikwembu xi swi rhandzaka, ha Yesu Kriste.

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

Vaheveru 10:36

Hikuva mi fanele ku va ni ku tiyisela leswaku, kutakuloko mi endle ku rhandza ka Xikwembu, mi kuma leswi mi tshembisiweke swona.

Vaheveru 10:7

Hilaha ndzi nge: ‘Vona, Xikwembu, ndza ta ku ta endla ku rhandza ka wena,’ hilaha ku tsariweke ehenhla ka mina ebukwini.”

Vaheveru 13:21

a swi xi mi lunghise ku tirha ntirho wun'wana ni wun'wana lowo saseka, mi ta endla ku rhandza ka xona, xi ri karhi xi endla eka n'wina, leswi xi tsakisaka ha Yesu Kriste; ku kwetsima a ku ve eka yena hilaha ku nga heriki.

1 Petro 2:15

Hikuva hi kona ku rhandza ka Xikwembu, leswaku hi ku endla leswinene, mi miyeta vuphukuphuku bya vanhu lava nga tiviki nchumu;

1 Petro 4:2

leswaku a nga ha hanyeli ku navela ka vanhu, kambe a hanyela ku rhandza ka Xikwembu, emikarhini leyi seleke ya ku hanya enyameni.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Nhlavutelo 12:10

Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.

Nhlavutelo 19:6

Kutani ndzi twa rito leri fanaka ni ra vunyingi lebyikulu, ri kotisa mpfumawulo wa mati layo tala, ni leswo ngi i rito ra tindlati leto pfuma ngopfu, ri ku: “Aleluya! Hikuva ku fuma Hosi Xikwembu xa hina xa matimba hinkwawo.

Nhlavutelo 20:4

Kavaloko ndzi vona swiluvelo; kutani van'wana va tshamisa ehenhla ka swona, va nyikiwa matimba ya ku avanyisa. Ndzi vona ni mimoya ya lava tsemiweke tinhloko hikwalaho ka vumbhoni bya Yesu, ni hikwalaho ka rito ra Xikwembu, ni lava nga gandzelangiki xivandza, hambi xi ri xifaniso xa xona, ni lava nga amukelangiki mfungho wa xona emimombyeni ni le mavokweni ya vona; kutani va hanya, ni ku fuma na Kriste hi malembe ya khume ra madzana.