Matewu 6:1 - Xitsonga (Bibele)

¹ “Tilanguteleni leswaku mi nga tshuki mi nyika swa n'wina eka swisiwana emahlweni ka vanhu, leswaku mi ta voniwa hi vona; loko mi endlisa sweswo, mi nga ka mi nga kumi hakelo eka Tata wa n'wina la nga ematilweni.

BIBELE Mahungu Lamanene

¹ “Tivoneleni leswaku mi nga endli tifanelo ta n'wina ta vukhongeri emahlweni ka vanhu ku endlela ku voniwa hi vona; loko mi endlisa sweswo, a mi nga yi kumi hakelo eka Tata wa n'wina la nge matilweni.

Testamente Leyimpsha Xichangana

¹ Tivoneleni lesvaku mingayendli timfanelo ta n'wina ta kunyika svisiwana mahlweni ka vanhu na miyendlela kuvoniwa hi vanhu; loko miyendlisa svosvo, amingayikumi hakelo ka Tatana wa n'wina lweyi anga matilweni.

Matewu 6:1 Iomraidhean Croise

2 TIHOSI 10:16

Kutani a ku: “A hi fambe swin'we, u ta vona ku hiseka ka mina eka Yehovha.” Kutani a n'wi fambisa egolonyini ya yena.

2 TIHOSI 10:31

Kambe Yehu a nga chivirikanga hi mbilu hinkwayo ya yena ku famba enawini wa Yehovha, Xikwembu xa Israele, a nga fularhelanga swidyoho swa Yerobuwamu la nga dyohisa Israele ha swona.

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Zakariya 13:4

Hi siku rolero vaprofeta va ta khomiwa hi tingana, un'wana ni un'wana hi ku bvumbha ka yena loko a ri karhi a profeta, a va nga ha ambali nguvu ya voya ku vula swa mavunwa.

Zakariya 7:5

Leswi mi tshamaka mi titsona swakudya mi va mi rila hi n'hweti ya vuntlhanu, ni ya vuntlhanu na timbirhi, hi malembe walawo ya ntlhanu wa makume ni makume mambirhi, xana a mi titsonela mina-ke?

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Matewu 16:6

Yesu a ku eka vona: “Tivoneleni, mi chava comela xa Vafarisi ni xa Vasaduki.”

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

Matewu 5:46

Hikuva loko mi rhandza lava mi rhandzaka, mi nga va ni ku hakela kwihi? Na vona valuvisi a va endlisi sweswo xana?

Matewu 5:48

Sweswo-ke, na n'wina, mi hamba mi hetiseka, kukotisa Tata wa n'wina la nga etilweni a hetisekeke.

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:9

“N'wina khongerisani xisweswo: ‘Tata wa hina la nga ematilweni, vito ra wena a ri hlawuriwe,

Marka 8:15

Kutani a va laya, a ku: “Tivoneleni, mi chava comela xa Vafarisi, ni comela xa Heroda!”

Luka 11:35

U tilangutela hakona, leswaku ku vonakala loku nga eka wena ku nga tshuki ku va munyama.

Luka 12:1

Kaharhi sweswo, vanhu a va hlengeletene ka yena hi makume ya madzana, va ko va kandziyelana; kutani Yesu a sungula ku byela vadyondzisiwa va yena, a ku: “Ngopfu, chavani comela xa Vafarisi, ma nga manyunyu;

Luka 12:15

Kutani a ku eka vona: “Tivoneleni, mi chava timbilu ta makwanga, hikuva vutomi bya munhu byi nga ka byi nga humi eswilweni leswi a swi fuweke, hambi swi n'wi andzele ngopfu.”

Luka 16:15

Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

Yohane 12:43

Hikuva va rhandzile ku dzunisiwa loku humaka eka vanhu ku tlurisa ku dzunisiwa loku humaka eka Xikwembu.

Yohane 5:44

Mi nga pfumerisa ku yini kasi mi rhandza ku dzunisana, mi nga lavi ku dzunisiwa loku humaka eka Xikwembu ntsena?

Timhaka 3:12

Kakuloko Petro a swi vona, a byela vanhu, a ku: “Vavanuna va Israele, mi hlamalela yini mhaka leyi? Kumbe mi hi tlhavela yini hi mahlo kukota loko ingi hi fambisile munhu loyi hi matimba ya hina, kumbe hi vukhongeri bya hina.

Vagalatiya 6:12

Hinkwavo lava rhandzaka ku tidzunisa enyameni, va mi sindzisa ku yimba, ntsena hileswaku va nga tshuki va xaniseriwa xihambano xa Kriste;

Duteronoma 24:13

u ta n'wi tlherisela xitshembiso kunene loko dyambu ri pela; u ta etlela engubyeni ya yena, a ku katekisa, kutani u ta va u lulamile emahlweni ka Yehovha, Xikwembu xa wena.

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

Vaheveru 2:1

Hikwalaho, hi fanele ku tiyisela hi ku tlurisisa eka timhaka leti hi ti yingiseke, leswaku hi nga ti tshiki ti khaluta.

Vaheveru 6:10

Hikuva Xikwembu a xi hombolokanga; xi nga ka xi nga rivali ntirho wa n'wina, ni rirhandzu leri mi ri kombiseke hikwalaho ka vito ra xona, loko mi pfunile vakwetsimi, ni sweswi, ma ha va pfuna.

2 Yohane 1:8

Tivoneleni, leswaku mi nga tshuki mi lahlekeriwa hi leswi mi swi tirheleke, kambe mi amukela hakelo leyi teleke.