Matewu 5:7 - Xitsonga (Bibele)

⁷ Ku katekile vona va tintswalo, hikuva va ta tweriwa vusiwana.

BIBELE Mahungu Lamanene

⁷ Ku katekile lava nga ni tintswalo, hikuva va ta kombiwa tintswalo.

Testamente Leyimpsha Xichangana

⁷ Kukatekile lavanga ni timpsalu, hikuva vatakombiwa timpsalu.

Matewu 5:7 Iomraidhean Croise

2 SAMIELE 17:28

va tisa masangu ni mikambana, ni timbita ta vumba, ni koro, ni barley ni mapa, ni mavele lama oxiweke ni tinyawa, ni tindluwa ni mavele man'wana lama oxiweke,

2 SAMIELE 22:26

“Lonene, u n'wi endlela vunene Munhu la lulameke, u n'wi endla hi ku lulama.

Pisalema 112:4

Ku vonakala ku xela lava lulameke emunyameni, Ni lava nga ni tintswalo, ni nsovo, ni ku lulama.

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Pisalema 18:25

Lonene, u n'wi endla hi vunene, Munhu la lulameke, u n'wi endla hi ku lulama,

Pisalema 37:26

U ni tintswalo hi masiku hinkwawo a va a lomba, Kutani vatukulu va yena va katekile.

Swivuriso 11:17

Munhu wa tintswalo u endlela moya wa yena vunene, Kambe lowa lunya u tionha miri wa yena.

Swivuriso 11:25

La hananaka u ta nona, La cheletaka u ta cheletiwa na yena.

Swivuriso 14:21

La sandzaka warikwavo wa dyoha, Kambe ku katekile munhu la nga ni vunene eka xisiwana.

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Esaya 57:1

Loyi a lulameke a fa, kambe a ku na munhu la xiyaxiyaka mhaka leyi, vanhu va vukhongeri va susiwa, kutani a ku na la twisisaka leswaku lowo lulama a susiwa emahlweni ka leswo biha.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Hosiya 1:6

Kutani a engeta a tika, a veleka wanhwanyana; kutani Yehovha a ku eka Hosiya: “N'wi thye vito ra Lo-Ruhama (la nga tsetseleriwangiki); hikuva a ndzi nga ha tsetseleli yindlu ya Israele hi ku yi rivalela.

Hosiya 2:1

“Vitanani vamakwenu ‘Ami’, (tiko ranga), ni vamakwenu va xisati, ‘Ruhama’, (Mutsetseleriwa).

Hosiya 2:23

Kutani ndzi ta tibyalela yena emisaveni; ndzi va ndzi tsetselela Lo-Ruhama, kutani ndzi ta ku eka Lo-Ami: ‘U tiko ra mina’; kutani yena u ta ku eka mina: ‘U Xikwembu xanga’.”

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Marka 11:25

Kungakuloko mi yima mi khongela, rivalelani loyi mi nga va ni mhaka na yena leswaku na yena Tata wa n'wina la nga ematilweni, a mi rivalela ku dyoha ka n'wina.

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Varhoma 11:30

Kutani kukota leswi na n'wina, eku sunguleni, a mi nga yingiseri Xikwembu, kasi sweswi, mi tsetseleriwile hikwalaho ka ku tiarisa ka vona;

1 Vakorinto 7:25

Loko yi ri mhaka ya vanhwana, kona, a ndzi na nawu wa Hosi, ntsena ndzi vula mhaka hilaha ndzi nga munhu la tsetseleriweke hi Hosi leswaku ndzi tshembiwa.

2 Vakorinto 4:1

Hikwalaho, leswi hi nga ni ntirho wolowo hi tintswalo leti hi ti nyikiweke, a hi heli mbilu,

Vaefesa 4:32

kambe mi yingiselana mi tsetselelana, mi rivalelana, kukotisa leswi Xikwembu, na xona, xi mi rivaleleke ha Kriste.

Vakolosa 3:12

Funengelani hakona, leswi mi nga vahlawuriwa va Xikwembu, vakwetsimi ni varhandziwa, ku tiyingisa ka tintswalo, ni vunene, ni ku titsongahata, ni ku olova, ni ku yingisela;

1 Timotiya 1:13

Kambe ndzi tsetseleriwile hi tintswalo, hikuva a ndzi endla hi ku kohleka, ndzi nga si pfumela;

1 Timotiya 1:16

Kambe ndzi tsetseleriwile leswaku Yesu Kriste a ta kombisa ha mina lowo rhanga xivindzi xa yena hinkwaxo, yi ta va mitila ya hinkwavo lava nga ta pfumela eka yena, leswaku va va ni vutomi lebyi nga heriki.

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

Vaheveru 6:10

Hikuva Xikwembu a xi hombolokanga; xi nga ka xi nga rivali ntirho wa n'wina, ni rirhandzu leri mi ri kombiseke hikwalaho ka vito ra xona, loko mi pfunile vakwetsimi, ni sweswi, ma ha va pfuna.

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

1 Petro 2:10

n'wina lava khale a mi nga ri tiko, kambe sweswi, mi tiko ra Xikwembu; n'wina lava nga tsetseleriwangiki, kambe sweswi, mi tsetseleriwile.