Matewu 5:33 - Xitsonga (Bibele)

³³ “Kambe mi swi twile leswi vuriweke eka lava khale, va te: ‘U nga tshuki u hundzuka eku hlambanyeni ka wena, kambe tlherisela eka Hosi leswi u yi hlambanyeleke swona.’

BIBELE Mahungu Lamanene

³³ “Nakambe mi swi twile leswaku ku vuriwile eka lava khale, va te: ‘U nga tshuki u hundzuka eku hlambanyeni ka wena, kambe u ta endla leswi u nga hlambanya swona emahlweni ka Hosi.’

Testamente Leyimpsha Xichangana

³³ “ Nasvona misvitwile lesvaku kuvuliwile ka lava va khale, vaku: ‘Ungatshuki utlhela ndzhaku akuhlambanyeni ka wena, kambe utayendla lesvi ungahlambanya svona mahlweni ka Hosi.’ ”

Matewu 5:33 Iomraidhean Croise

Pisalema 50:14

Humesela Xikwembu ku vonga ri nga gandzelo ra wena, U va u riha ku hlambanya ka wena eka La nge henhlahenhla.

Pisalema 76:11

Vulani ku hlambanya ka n'wina eka Yehovha Xikwembu xa n'wina, mi va mi ku hlayisa, Hinkwavo lava n'wi rhendzelaka exikarhi a va tise tinyiko eka Loyi a chavisaka!

Eksoda 20:7

“U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.

Levhitika 19:12

“ ‘Mi nga tshuki mi hlambanya hi vito ra mina hi ku hemba, hikuva mi ta va mi tlangile hi vito ra Xikwembu xa n'wina. Hi mina Yehovha.

Nahume 1:15

Vonani ehenhla ka tintshava milenge ya la vulavulaka timhaka ta tintswalo, a twarisaka ta ku rhula! Wena, Yuda, endla mikhuvo ya wena, u riha ku hlambanya ka wena, hikuva lowa vumbabva a a nga ha hundzi eka wena; u lovisiwile makumu.

Matewu 5:21

“Mi swi twile leswi vuriweke eka lava khale, va te: ‘U nga tshuki u dlaya; la dlayaka u ta fanela ku avanyisiwa!’

Matewu 5:27

“Mi swi twile leswaku ku vuriwile va te: ‘U nga tshuki u endla vuoswi.’

Duteronoma 23:21

“Kutakuloko u tibohile hi ku hlambanya eka Yehovha, Xikwembu xa wena, ku endla xilo, u nga tshuki u hlwela ku xi endla; hikuva Yehovha, Xikwembu xa wena, u ta swi lava eka wena, kutani u nga kumiwa u ri ni nandzu.

Duteronoma 23:23

Kambe u fanele ku tiyisa rito leri humeke enon'wini wa wena, hilaha u hlambanyeke hakona eka Yehovha, Xikwembu xa wena, hi ku rhandza ka wena, ni laha u vuleke hakona hi nomu wa wena, u endla hakona.

Duteronoma 5:11

“ ‘U nga tshuki u tlanga hi vito ra Yehovha, Xikwembu xa wena, hikuva Yehovha a nga ka a nga tshiki nandzu wa loyi a tlangaka hi vito ra yena.

Duteronoma 6:13

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

1 Timotiya 1:10

ni lava dlayaka vanhu, ni vaoswi, ni va Sodoma, ni lava yivaka vanhu, ni vahembi, ni lava hundzukaka eku hlambanyeni ka vona, hambi xi ri xilo xihi ni xihi lexi lwaka ni dyondzo leyi lulameke,